Ganapati Atharvashirssa

oṃ namaste gaṇapataye ॥ tvameva pratyakṣaṃ tattvamasi ॥
tvameva kevalaṃ kartā’si ॥ tvameva kevalaṃ dhartā’si ॥
tvameva kevalaṃ hartā’si ॥ tvameva sarvaṃ khalvidaṃ brahmāsi ॥ 1 ॥ 

tvaṃ sākṣādātmā’si nityam ॥
ṛtaṃ vacmi ॥ satyaṃ vacmi ॥ 2॥

ava tvaṃ mām ॥ ava vaktāram ॥ 
ava śrotāram ॥ ava dātāram ॥ 
ava dhātāram ॥ avānūcānamava śiṣyam ॥
ava paścāttāt ॥ ava purastāt ॥
ava uttarāttāt ॥ ava dakṣiṇāttāt ॥
ava caurdhvāttāt ॥ avādharāttāt ॥
sarvato māṃ pāhi pāhi samaṃtāt ॥ 3 ॥

tvaṃ vāṅmayastvaṃ cinmayaḥ ॥ tvam ānandamayastvaṃ brahmamayaḥ ॥
tvaṃ saccidānandādvitīyo’si ॥ tvaṃ pratyakṣaṃ brahmāsi ॥
tvaṃ jñānamayo vijñānamayo’si ॥ 4 ॥ 

sarvaṃ jagadidaṃ tvatto jāyate ॥ sarvaṃ jagadidaṃ tvattastiṣṭhati ॥
sarvaṃ jagadidaṃ tvayi layameṣyati ॥ sarvaṃ jagadidaṃ tvayi pratyeti ॥
tvaṃ bhūmirāpo’nalo’nilo nabhaḥ ॥ tvaṃ catvāri vākpadāni ॥ 5 ॥

tvaṃ guṇatrayātītaḥ ॥ tvaṃ avasthātrayātītaḥ ॥ 
tvaṃ dehatrayātītaḥ ॥ tvaṃ kālatrayātītaḥ ॥ 
tvaṃ mūlādhārasthito’si nityam ॥ tvaṃ śaktitrayātmakaḥ ॥ 
tvāṃ yogino dhyāyanti nityam ॥ 
tvaṃ brahmā tvaṃ viṣṇustvaṃ rudrastvaṃ indrastvaṃ agnistvaṃ vāyustvaṃ sūryastvaṃ caṃdramāstvaṃ ॥ 
brahmabhūrbhuvaḥsvarom ॥ 6 ॥

gaṇādiṃ pūrvamuccārya varṇādiṃ tadanaṃtaram ॥ 
anusvāraḥ parataraḥ ॥  ardhendulasitam ॥  
tāreṇa ṛddham ॥  etat tava manusvarūpam ॥  
gakāraḥ pūrvarūpam ॥  akāro madhyamarūpam ॥ 
anusvāraścāntyarūpam ॥  binduruttararūpam ॥  
nādaḥ sandhānam ॥  saṃhitāsandhiḥ ॥ śaiṣā gaṇeśavidyā gaṇakaṛṣiḥ ॥ 
nicṛdgāyatrīcchandaḥ ॥ gaṇapatirdevatā ॥ oṃ gaṃ gaṇapataye namaḥ ॥ 7 ॥ 

ekadantāya vidmahe ॥ vakratuṇḍāya dhīmahi  ॥
tanno dantiḥ pracodayāt  ॥ 8 ॥

ekadaṃtaṃ caturhastaṃ pāśamaṃkuśadhāriṇam ॥
radaṃ ca varadaṃ hastairbibhrāṇaṃ mūṣikadhvajam ॥
raktaṃ laṃbodaraṃ śūrpakarṇakaṃ raktavāsasam ॥
raktagandhānuliptāṅgaṃ raktapuṣpaiḥ supūjitam ॥
bhaktānukampinaṃ devaṃ jagatkāraṇamacyutam ॥
āvirbhūtaṃ ca sṛṣṭyādau prakṛteḥ puruṣātparam ॥
evaṃ dhyāyati yo nityaṃ sa yogī yogināṃ varaḥ  ॥ 9 ॥

namo vrātapataye ॥ namo gaṇapataye ॥ namaḥ pramathapataye ॥
namaste’stu laṃbodarāya ekadantāya ॥
vighnanāśine śivasutāya ॥ śrīvaradamūrtaye namaḥ ॥ 10 ॥

Ganapati Atharva Shirsha

Ayur-Vidya is a non-profit working to spread the knowledge of Yoga, Ayurveda and Sanskrit. We are just getting started and these playlists are the first contribution. 

Please visit the website to learn more about the offerings - www.ayur-vidya.org. 

To support this work, please consider donating through Paypal or Venmo using the following links or buying the prayer book we have published at https://a.co/d/ggHJdQl or https://tinyurl.com/4k2kba75

http://paypal.me/ayurvidyaorg
http://venmo.com/u/ayurvidyaorg

New tracks tagged #atharvashirsha