شبيت ضو الذكريات وحكينا
أفرج همومي وهي تشتعل نار
أدري الزمان الي قسى مايلينا
عقب السعادة والهنا كيف بي دار
ياخذ ولا يعطي وياما عطينا
ضيع صوابي وأودع الفكر محتار
مامر بي حزن وقهر من سنينا
ألا على فرقاك من غير ما اختار
من صفحة الماضي قرينا وطوينا
ماعاد باقي لك معي غير تذكار
يومي أنا وياك في كل حينا
لا صيف يمنعنا ولا وقت الأمطار
ياما على صوت المحبة سرينا
نسهر على نور القمر نكتب أشعار
فيك الصحاري كلها لك حنينا
تبكي عليك ضلوعها وكل الأشجار
بوصيك لو أنه صدف والتقينا
لا توجع المفجوع مع حكم الأقدار !!!

شبيت ضو الذكريات

New tracks tagged #bd3zayed