In 't grote hok bie boer Haarmsen in schure woonde moeke swien mit heur zeuven kindertjes. Aalmoal gelieke wies en laif en levenslusteg. Zeuven montere biggen, dij 't het trovven haren mit heur moeke. Ze knorde wel ais, vanzulf, wat swien dut dat nait, moar ze mainde der nooit wat kwoads mit, ze was de goudeghaid zelf, zo as ale moekes in de wereld.
Gain wonder dat de biggen wies mit heur wazzen, en heur geern dicht aankropen as 't tied om te sloapen was. En omdat ze 't bie boer Haarmsen ook nog goud van eten en drinken haren — heur rosé liefkes stonden glad spans — wazzen ze zo gelokkeg as ze moar wezen konden.
Behaalve aine en dat was Frekie, de middelste van de zeuven biggen. Frekie kon zok nait begriepen hou zien bruiertjes en zien zuskes zo tevreden wezen konden. Wat haren ze doar nou in dat hok.
Net niks ja. Ze konden in 't stro wruiten, moeke over rogge henklimmen, ale plaanken van 't hok ain veur ain besnuvveln en nander in de wege lopen, dat was ales..............

New tracks tagged #kinderverhaal