Sample: 
https://www.youtube.com/watch?v=CDrlv1qrHYE&t=10s

Josky (Instrumental)

Hii leo jaridani tunaangazia mada kwa kina ikimulika Siku ya kimataifa ya hisani  au kuwaonea huruma wagonjwa na maskini. Pia tunakuletea habari kwa ufupi zikiwemo yanayojiri katika mkutano wa Afrika kuhusu tabianchi nchini Kenya na ujumbe wa Rais wa mkutano wa 77 wa Baraza Kuu la Umoja wa Mataifa Csaba Kőrösi akitamatisha awamu yake hii leo. Katika mashinani tunakupeleka nchini DRC, kulikoni?

1.	Mkutano wa Afrika kuhusu tabianchi ukiingia siku ya pili hii leo huko Nairobi, Kenya, Katibu Mkuu wa Umoja wa Mataifa Antonio Guterres amesema bara la Afrika lina asilimia 30 ya akiba ya madini ambayo ni muhimu katika kuzalisha nishati jadidifu na teknolojia zinazotoa kiwango kidogo cha hewa ya ukaa, rasilimali ambazo zinaweza kuifanya Afrika kuwa kitovu cha nishati jadidifu duniani iwapo zitatumika kiuendelevu na kwa haki.
2.	Tukisalia kwenye mkutano huo, mmoja wa washiriki ni Dkt. Victor Yamo kutoka shirika la World Animal Protection la kulinda haki za wanyama na anasisitizia umuhimu wa kuwa na mifumo endelevu ya ufugaji.    
3.	Na Rais wa mkutano wa 77 wa Baraza Kuu la Umoja wa Mataifa Csaba Kőrösi ametamatisha awamu yake hii leo kwa kuwaeleza wajumbe kuwa mivutano ya kisiasa katu  haiwezi kuisha duniani, lakini mivutano hiyo ipatiwe suluhu si kwa mmoja kushinda na mwingine kupoteza bali kwa kuridhiana kupitia maazimio yanayopitishwa na Baraza hilo.
4.	Na mashinani tutakupeleka nchini Jamhuri ya Kiemokrasia ya Congo, DRC ambapo mizozo na ongezeko la idadi ya watu wanaokimbia makazi yao mashariki mwa nchi hiyo linawafanya watoto kuingia katika janga kubwa la kipindupindu kuwahi tokea tangu mwaka 2017”.

Mwenyeji wako ni Leah Mushi, karibu!

JARIDA LA HABARI ZA UN 05 SEPTEMBA 2023 NA LEAH MUSHI

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

New tracks tagged #maskini