غناء الكوبليه: مراحب
كلمات: أحمد القاضي

عايش بيك و فيك وليك يزيد الشوق، وروحي فيك حبك يجري في العروق 
انتِ اللي فى القلب سكنتي، أنتِ أمي ومرتي و بنتي 
أنت عرضي أنتِ شرفي، عليك نعافر راسي فوق 
أنتِ عروسة وسط بحر، هم نجوم وانت قمر 
انتِ اللى الغالي يرخصلك، أنتِ الحنة أنتِ الزهر
لما نشوفك يزهى الخاطر، أنتِ الماضي أنتِ الحاضر 
و اللي جاي معاك نعيشه، مهما قالو فيك من باطل 
حسدوني فيك يموتوا ولا يشوفوك فرحانة،  حالك بكاني بديتى وردة في جبانة
خسارة حتى لونك باهت، زي الوردة اللى شاحت 
زي الشجرة اللى قلعوها، من عروقها باش ارتاحت 
حسدوني فى جوك عامك كامل ولا خريف 
كثرو دمعاتك ياللى دمك كان خفيف 
كنتي للهم جلاية، فى ظلامي انتِ ضوايا
أنتِ اللى فى حبك نكتب الف حكاية مع رواية 

يا باهية و الناس قالو عوجة 
هما البحر وانت عليهم موجة 
يا باهية و الناس قالو شينة 
انتِ عرش سلطان هما دروجه 

أنتِ اللى فى حبك غنوا وكتبوا الشعراء، أم السرايا و توا ام الشهداء 
ست حروف حدود الزين انت زهرة الياسمين
انتِ جنة السلام وجهنم عالمعتدين 
انتِ الوردة بين الشوك، غلطوا فى حقك اللى عادوك 
 غلطو يحسابوك رخيصة، قالو ساهل بيخشوك 
نكرو جميلك يا صبارة، كل ليلة غارة ورا غارة 
يبعتلك فى صغار الناس، وهو لابد داس صغاره 
غلط وفى حقك لما قالوا توا دورك، قداش من جيفة اليوم كروها من سورك 
كلهم فزعولك ياللى اول جمهورية، ولدك بسلاحك واقف ضد البرانية 
كل يوم يزيدوا ضرباتك ما شفتي راحة، قوي المدافع ما يزيدونا كان كساحة
صغارك رجالة يا ام السرايا و القوس، كلمتنا وحدة زي البنيان المرصوص 

يا طرابلس حلو العتاب عتبينا
يا زهرة الياسمين فكرتينا 
شايل حنينى ليك فى وجداني 
يا غالية فى القلب ما نسيتينا

وردة الجبانة - أحمد القاضي

أشهر أغاني فرقة الطائر الأبيض

الطائر الأبيض - آه من عذابي

الطائر الأبيض - وين غزال الريم

الطائر الأبيض - ماينتهيش

الطائر الأبيض - والقلب حالف

الطائر الأبيض - وين الي كان

الشاب عبد الستار - أول مرة قابلته

عادل حوية - ضاع من العمر سنين

فوزي التومي - ياشيطانة

ريقي ليبي - نبي نصارحك بحبي

قناة تختص بتجميع الأغاني الليبية Collecting Libyan records.

Popular tracks tagged #morzok