மூன்று அடிப்படைகள் அமர்வு 2

உயர்ந்தோனாகிய அல்லாஹ் கூறுகிறான்

وَمَا خَلَقْتُ ٱلْجِنَّ وَٱلْإِنسَ إِلَّا لِيَعْبُدُونِ
 ஜின்களையும், மனிதர்களையும் (எனக்கு வழிப்பட்டு) என்னை வணங்குவதற்கன்றி (வேறெதற்காகவும்) நான் படைக்க வில்லை.

யஃபுதூன் (வணங்குவது) என்பதன் பொருள் யுவஹ்ஹிதூன் (எனக்கு மட்டுமே வணக்க வழிபாடுகளை உரித்தாக்குதல்). 

 அல்லாஹ்வின் கட்டளைகளிலேயே தவ்ஹீத் தான் ஆகப்பெரிய கட்டளையாகும் தவ்ஹீத் என்பது வணக்க வழிபாடுகளை அல்லாஹ்விற்கு மட்டுமே செலுத்துவது.

அதேபோல் அல்லாஹ் தடுத்தவற்றில்  மிகப்பெரியது ஷிர்க் (இணைவைத்தல்).  ஷிர்க் என்பது  அவனுடன் சேர்த்து மற்றவர்களையும் அழைப்பதாகும். 

இதற்கு ஆதாரம் உயர்ந்தோனாகிய அல்லாஹ்வின் கூற்று:


وَٱعْبُدُوا۟ ٱللَّهَ وَلَا تُشْرِكُوا۟ بِهِۦ شَيْـًۭٔا
அல்லாஹ் ஒருவனையே வணங்குங்கள். அவனுக்கு யாதொன்றையும் இணையாக்காதீர்கள்.


(ஓர்) மனிதன் கட்டாயமாக அறிந்து கொள்ள வேண்டிய மூன்று அடிப்படைகள் எவை என்று நீங்கள் கேட்கப்பட்டால்?

(அக்கேள்விக்கு), 

ஓர் அடியான் தன் ரப்பு (இறைவன்)

தன்னுடைய  மார்க்கம்

மற்றும் தன் தூதரான முஹம்மத் ஸல்லல்லாஹு அலைஹி வஸல்லம் 

ஆகிய இம்மூன்று அடிப்படைகளை அறிந்து கொள்வதென்று கூறுங்கள்.

முதல் அடிப்படை

உன் ரப்பு யார் என்று நீ கேட்கப்பட்டால்
என் ரப்பு அல்லாஹ் அவன் தான் என்னை படைத்தான் 
அவன் தான் தனது அருளினால் அனைத்து படைப்பினங்களையும் படைத்தான் அவனே நான் வணங்கும் இறைவன்
அவன் அல்லாது  வணங்குவதற்குத் தகுதியானவன் அவனைத் தவிர வேறு எவறும் எனக்கு இல்லை.

 இதற்கு ஆதாரம் உயர்ந்தோனாகிய அல்லாஹ்வின் கூற்று:

ٱلْحَمْدُ لِلَّهِ رَبِّ ٱلْعَـٰلَمِينَ 
எல்லாப் புகழும் அல்லாஹ்வுக்கே! (அவன்தான்) அகிலத்தார்களின் இறைவன். (படைத்து வளர்த்து பக்குவப்படுத்துபவன்).

அல்லாஹ்வைத் தவிர இருக்கும் அனைத்தும் அகிலம், நான் அந்த அகிலத்தில் ஒருவனாக இருக்கின்றேன்.


 நீ எவ்வாறு உன் ரப்பை அறிந்து கொண்டாய் என்று உன்னிடம் கேட்கப்பட்டால் அதற்கு நீ சொல்: நான் என் ரப்பை அவனுடைய அத்தாட்சிகளைக் கொண்டும் அவனுடைய படைப்புகளைக் கொண்டும் அறிந்து கொண்டேன் என்று.

அவனுடைய அத்தாட்சிகள் இரவு பகல் சூரியன் சந்திரன் 

அவனுடைய படைப்புகள்  ஏழு வானங்கள் ஏழு பூமிகள் மற்றும் அதனுல் உள்ள அனைத்து படைப்புகளாகும்.

இதற்கு ஆதாரம் உயர்ந்தோனாகிய அல்லாஹ்வின் கூற்று:

وَمِنْ ءَايَـٰتِهِ ٱلَّيْلُ وَٱلنَّهَارُ وَٱلشَّمْسُ وَٱلْقَمَرُ ۚ لَا تَسْجُدُوا۟ لِلشَّمْسِ وَلَا لِلْقَمَرِ وَٱسْجُدُوا۟ لِلَّهِ ٱلَّذِى خَلَقَهُنَّ إِن كُنتُمْ إِيَّاهُ تَعْبُدُونَ

"இரவும், பகலும், சூரியனும், சந்திரனும் (இறைவனை அறிவிப்பதற்குரிய) அத்தாட்சிகளாயிருக்கின்றன. ஆகவே, மெய்யாகவே நீங்கள் அல்லாஹ் ஒருவனையே வணங்குபவர்களாக இருந்தால் சூரியனுக்கும், (சிரம் பணியாதீர்கள்;) சந்திரனுக்கும் சிரம் பணியாதீர்கள். இவைகளை படைத்தவன் எவனோ அவனுக்கே சிரம் பணியுங்கள்" (என்றும் நபியே! நீங்கள் கூறுங்கள்.)

மேலும் அல்லாஹ் கூறுகிறான்:

إِنَّ رَبَّكُمُ ٱللَّهُ ٱلَّذِى خَلَقَ ٱلسَّمَـٰوَٰتِ وَٱلْأَرْضَ فِى سِتَّةِ أَيَّامٍۢ ثُمَّ ٱسْتَوَىٰ عَلَى ٱلْعَرْشِ يُغْشِى ٱلَّيْلَ ٱلنَّهَارَ يَطْلُبُهُۥ حَثِيثًۭا وَٱلشَّمْسَ وَٱلْقَمَرَ وَٱلنُّجُومَ مُسَخَّرَٰتٍۭ بِأَمْرِهِۦٓ ۗ أَلَا لَهُ ٱلْخَلْقُ وَٱلْأَمْرُ ۗ تَبَارَكَ ٱللَّهُ رَبُّ ٱلْعَـٰلَمِينَ 

நிச்சயமாக உங்கள் இரட்சகன் அல்லாஹ்தான், அவன் எத்தகையவனென்றால், வானங்களையும் பூமியையும் ஆறு நாட்களில் படைத்தான், பின்னர் (தன் கண்ணியத்திற்குத் தக்கவாறும், மகத்துவத்திற்குரியவாறும் அர்ஷின் மீது இருப்பது அவனுக்கு எவ்வாறு தகுமோ அவ்வாறே) அவன் அர்ஷின் மீது உயர்ந்து (நிலைபெற்று) விட்டான், அவனே இரவால் பகலை மூடுகிறான், அது தீவிரமாக அதனைப் பின்தொடர்கிறது, இன்னும் சூரியனையும், சந்திரனையும், நட்சத்திரங்களையும் தன் கட்டளைக்கு வயப்படுத்தப்பட்டதாகப் (படைத்திருக்கிறான்) படைத்தலும் கட்டளையும் அவனுக்கே உரியதெனத் தெரிந்து கொள்ளுங்கள், அகிலத்தாரின் இரட்சகனாகிய அல்லாஹ் மகத்துவமுடையவனாகி விட்டான்.

மூன்று அடிப்படைகள் அமர்வு 3

இவ்வலைத்தளத்தின் நோக்கம்  இஸ்லாத்தை அதன் தூய வடிவில் கற்றுத்தருவது மற்றும் அஹ்லுஸ் ஸுன்னா உலமாக்களுடைய கல்வி வழிகாட்டுதல்களை தமிழில் மொழிபெயர்ப்பது.

இவ்வளைதளம் மதீனா இஸ்லாமிய பல்கலைக்கழக மாணவர்கள் மற்றும் இன்னும் பிற இடங்களில் உலமாக்களிடம் கல்வி கற்கும் மாணவர்களின் கீழ் செயல்படுத்தப்படுகிறது.

New tracks tagged #prophet_Muhammad