مطلوب منك تبقى موجود
مطلوب منك تبقى موجود
مش بس تهز دماغك مطلوب ليسته من ردود

مطلوب منك انك تتوافق مش بس تشارك
زي طفل لسه بيتولد من القديس العاصي بيتبارك
فران تجارب
و معشر النمل مجاري الصرف بالنسبالهم دول تموت ليها بتحارب
و انت ساكت أو إتكلمت مش فارق
لإنك جزء من اللعبه و اللعبه مصيرها هالك
زي الملايكه بالرغم من تناقض
متحاصرين فى ابعاد محفوظة والطلب يستهلك الموارد
و مطلوب منى احب و ازاي تقول انى مش عاشق
ماحنا مولودين بعشق للابد ومش بيفارق
نسينا اننا عاجزين
مهما سنينا أنيابنا ربينا اجناحنا شفنا و طيرنا للأسف
احنا لسه بنى ادمين
سقفك محدود بامكانية المسموح
ايدين و رجلين و عقل واحد
طول الجبل و إمتداد السما مش بيساعد
و المضحك ان لسه بستهلك كلام ألف سنه اتبنى
واحنا ليه مبهورين احنا لسه موجودين

نسينا اننا هاويين
لو لمسنا الشمس هنخلص محروقين
مطلوب منك انك تتوازن فى العالم الراديكالى
فبدون الصوت العالى هننتهى منسيين
فاعذرونى لو عايز اعيش ماموتش
لو شوفتنى بألف سيف بحاول أدبح وحش الموت ماترفضش
اصوات ف دماغي بتقولي بتتكلم مع مين
الغرق مايحسنوش غير المنبوذين
وبحر العشق مايروهوش غير المعميين
مطلوب منك انك تتمسك بشهاده مكتوب فيها إنك مقبول
مش كفايه ان إحنا لبسنا هدومكم
دخلنا فصولكم . مسكنا فلوسكم
إتجوزنا بمنهجكم . و رضينا فضولكم
مش كفتيه ان احنا كبرنا تحت جناحكم
إتذلينا فى اقسامكم عشان ورق مايساويش
للأسف احنا لسه عاشقين لسه بنى ادمين
سقفك محدود بامكانية المسموح
ايدين و رجلين و سبب واحد
و طول الجبل و امتداد السما مش بيساعد
المضحك إني لسه بستهلك كلام ألف سنه إتبنى واحنا لسه مبهورين .

نسينا اننا عاشقين
شوف كام قانون كسرنا وكام نص دين رفضنا و للأسف احنا لسه موجودين
و مطلوب منى أشيخ و أعجز و أحضر اللى كان بيفوت بلاد
رجليه جناحات عينيه بتضلم متعكز
الزمن عدو
هاتلى قضبان حديد تقدر تميز
مطلوب منى أكمل فرض مختاروش البدن
أرض العاشق الناسك حدودها بحر الشرق والغرب
وأصولها قصور مبنيه من شجن
فلما اموت يا ريت تحرقنى ف غابة
لان الجسم مش جسمى و الخلق بدونكم مش خلقي
وحق وحش الباطن انه يتراضى
أساطير ماشيه ع الارض و الكاتب مجرد ناقل و الراوى احسن العباده
مشاركه علي طالباب لعرض دروشه بروجكت
مساحه الربع .
13/9/2014.
تسجيل دعاء حمزه .

Darweesh

فئران تجارب - علي طالباب في الربع

murderer
(JIZZ) " Sophist , sophisticated "

" ! الفكره إننا كتبنا و سجلنا , ف هنفضل عايشين  "
- علي طالباب

المزيكا مبتعرفش حدود .. زي ما بترسمها الخرائط

فئران تجارب - علي طالباب في الربع

Talibab Archive 4