Parambula

Naalala mo pa ba?
Nung tayo ay bata pa
Ako ay parang bula
Hindi mo nakikita

Nagugunita mo pa ba?
Ang singko ay pera pa
Ako ay nadededma
Inbisibol sa iyong mata

Panggulo lang ako sa iyo
Etsapwera sa storya ng buhay mo
Salingkit ang tukso
Parang bula lang ako

Magugustuhan mo pa ba?
Patintero sa kalsada
Pag kasali sa taguan
Forever ng di matatagpuan

Panggulo lang ako sa iyo
Etsapwera sa storya ng buhay mo
Salingkit ang tukso
Parang bula lang ako

Naaalala mo pa ba?
Sinehan pag may iskwela
Naaalala mo pa ba?
May panyo ka sa bulsa
Naalala mo pa ba?
Nagsisimba para sa kanya
Ang bula sa iyong mata
Galing sa gumamela

Ang bula sa iyong mata
Ang bula sa iyong mata

Parambula

Disyembre

Kesa Ikaw

Pag dumami ang problema
Pag naubos pa ang pera
Pag hindi na makaporma
Kesa ikaw ako na lang

Pag umaagos na ang luha
Pag nawalan pa ng panlasa
Pag wala ka ng gana
Kesa ikaw ako na lang

Kesarap mabuhay
Kesaklap mangisay
Kesa sarili ang unahin
Kesa ikaw ako na lang

Pag panay na ang disgrasya
Pag ganyan lagi ang tema
Pag sakit ay lumala na
Kesa ikaw ako na lang

Kesa Ikaw

Sa Aming Looban
(B. Quiogue)

Sa aming looban
Ang lahat ay nagmamahalan
Bawal ang alitan
Walang nawawalan ng iuulam

Sa aming bakuran
Ano man ang trip walang basagan
Walang pakialaman
Makinig ka man sa dating daan

Wala kaming alinlangan
Matibay ang samahan
Iwanan ang kalungkutan
Tuloy lang lagi natin ang kapatiran

Kahit na ano pa ang panahon
Buhos ng ulan ay para lang ambon
Kahit na ano pa ang nakahain
Panlasa namin ay babalik din

Wala kaming alinlangan
Matibay ang samahan
Iwanan ang kalungkutan
Tuloy lang lagi natin ang kapatiran

Kung mayron mang naliligaw
Basta’t kapit lang at wag bumitaw
Kung mayron mang nababato
Sama lang basta’t bakunado

Dito sa ming looban

Makati

Sa Aming Looban

Salamat Sa Tag-araw
(B. Quiogue)

Handa ka na bang maglakbay?
Kasama ang mga kaibigang tunay
Handa ka na bang kumanta?
Bumirit habang tayo’y umaandar

Imulat ang mga mata
Ang sinag ay madarama

Salamat sa tag-araw
Gintuang hari sa ibabaw
Limutin muna ang ulan
Liwanag ay ating ipagdiwang

Hindi kailangang pumorma
Basta’t ang suot kasya pa
Hindi kailangang magpaganda
Magluto lang at pasado ka na

Tayo’y magtampisaw
Sa ilalim ng sinag ng araw

Salamat sa tag-araw
Gintuang hari sa ibabaw
Kalimutan muna ang ulan
Liwanag ay ating ipagdiwang
Ang tag-araw
Abot langit ang matatanaw
Sa ulap ay may liwayway
Liwanag na ating taglay

Salamat sa tag-araw

Tayo

The Beat Logs

Related tracks