يا شوق احبك يشهد القلب يا شوق ... يشهد على حبي كـل البريـه 
يشهد عليه اللي سرح تالي النوق ... واللي على رجله يسـوق المطيـه 
يشهد عليه الكون خالق ومخلـوق ... انـي بليـا (شوق)حالـة رديــة 
حبك وصل في غايتي غالي الشوق ... واسمك نقشته فـوق كـف المنيـه 
ما يوصفة شمعه ودمعه وطـاروق ... ولا قلـم ماهـو بقبضـة ايديـه 
لا يوصفه الشعر من الجيل مسروق ... ولا كلام ناقله عن خويه
يا شوق انا قلبي من الحب محروق ... وانتي دوا قلبـي وجرحـة وكيـه 
ارجوك انا ياشوق ياصافي الـذوق ... خـل الجفا ياللي تغـلـى علـيـه 
مانتي رخيصة دائما منزلـك فـوق ... تستاهليـن الحب منـي هـديـه 
ياشوق انا من غدر الاحباب مشنوق ... واصبحت ميت لكـن الروح حيـه 
ياشوق انا ادري كل مطرود ملحوق ... ياحظ منهو يلحقك ياهنيه
انا دخيلك كان لك في الهوى سوق ... تبقين لي وحدي بروح وفيه
واعاهدك اني ماخونك ولا ابـوق ... واكتب بعد موتي غلاتـك بوصيـه
واختامها ياربي احفظ لنـا شـوق ... يحفظ لشوق اللى بلته الحميه

يا شوق احبك يشهد القلب ياشوق

ما كل من هاز الطويلة.. صعدها!

يا شوق احبك يشهد القلب ياشوق

Ab