2M.A

مصطفى سعيد مع احمد فؤاد نجم l يا مصر هانت و بانت


اليويو

يا واد يا يويو
يا مبرراتي يا جبنة حادقة على فول حراتي
آستك لسانك
فارد ولامم
حسب الأبيح يا مهلباتي

يا واد يا يويو يا مهلبية
فوق الصواني
سايحة و طرية
في كل جلسة تلبس قضية
و تخيل عليها أوي يا مشخصاتي 

يا واد يا يويو يا مبرراتي
حسب الوظيفة وانت و شطارتك
تظهر حلاوتك
تظهر مرارتك
لو خفضوك ترتفع حرارتك
لو صعدوك حالا
تنقلب جيلاتي
يا واد يا يويو يا مبرراتي 

و بالمناسبة
و انت اللي أدرى
كان لك تحفظ على المبادرة
ليه النهاردة
بترش بدرة
يا ابن الأبالسة
يا ملطفاتي
يا واد يا يويو يا مبرراتي 

و النهاية
لك عندي كلمة
آخر طريقك زحل و ضلمة
حيث ان آخر القرع ضلمة
يا اما كفتة طرية
من عند العجاتي
يا واد يا يويو
يا مبرراتي


يا واد يا يويو - أحمد فؤاد نجم   الشيخ إمام

تقديم + قصيدة الاضراب- القاء أحمد فؤاد نجم في بروكسيل 1984

السيما إحدى 8 قصائد لفؤاد نجم معنونة بـ " صندوق الدُنيا " غناها الشيخ إمام بمشاركة نجم و التونسية نبيهة كراولى
------
شوف عندكـ يا سلاملم
وإتفرج يا سلام
أفلام القرع كوسة
حتقدم فيلم خام
من مُخرج الروايح
ومُسبب الزُكام
عن قصة واقعية
من توليف المدام
والفيلم لجل خاطركـ
واخد مليون وِسام
وإتفرج يا سلاملم
ع السيما يا سلام

الناس ملهية وساكتة
والصالة بتشغى عيون
والفيلم مطلع ريحة
والناس مش لاقية لمون
عيل فرحان بشبابه
ومغرق شعره صابون
مشكلته .. مابيخلفشى
ومراته كمان بتخون
ودلال بتموت ف عطية
وعطية مهوش مضمون
لابد فى زبيدة التشه
أخت الأستاذ مأمون
جوز طنط ماريكا اللبوة
اللى مرافقة المأذون
اللى مراته أم قدارة
أخت محمد سعدون
اللى معلق نبوية
بنت الأستاذ مأمون
الفيلم إتعقد خالص
جايبين له شجيع مجنون
دب خناقة فى خمارة
وشالوه عَ البيت معجون
البطلة حتشرب نجده
هاهاهأهأ
مبروكـ
وصل المأذون

السيما | الشيخ إمام

إكبَر يا ليل - بصوت فؤاد حداد

الممنوعات - تسجيلات الصادق بوزيان

Bang Bang

جوليا بطرس - يوما ما

Lina shamamian Ya msafira   _  لينا شاماميان يامسافرة

Leo Sayer-More Than I Can Say CdnEmg8RX8w

التوني

الشيخ إمام عيسى - توت حاوي

قصيدة "مسافر.. مسافر" للشاعر أحمد فؤاد نجم التي كتبها سنة 1979 في رثاء الشهيد زكي مراد

مسافر ... مسافر
ودايما مسافر
ومهما الطريق كان بعيد أو صعيب
مسافر بعمرك وأمرك عجيب
كأنك بطبع العناد ... سـندبـاد
وعاشق... وعشقك بعيد البلاد
مسـافر.. تودي الوداد للرفاقة
مسافر.. تجيب الحليب للولاد

يدور الزمان بالمكان والوجود
يـقابـلك مسافـر ..
وتجري الحوادث وترجع تعود
وتفضل مسـافـر ...
ويوم ما اتقـابلـنا قابلتـك مسافـر
ويوم ما افترقنا فارقتك مسافـر

مسافر ..مسافر أيا سنـدبـاد
وداير تلف الزمان والبلاد
مسافـر لأنك لقيت الحقيقـة
مسافـر لأنك عرفت المعاد

وطال السفر .. يا صديقي الحبيب
وكان الأمل في اللقاء ..عن قريب
أشوفك وأبوس ابتسامتك وأضمك
أقولك همومي.. وأدوب جوه همك
ونضحك .. ونحلم في عز النهار
وتضوي ابتسامتك.. ويحلا الهزار
وأسافر طريقي.. وأنا في انتظار
أقابلك مسافر .. في نفس المسار

وطير يا حمام بالوداد والسلام
وإرمي التحية على السندبـاد
وقوله إن صاحبك في عز انتظاره
بيكتب ويحسب ليوم الميعاد

وبات الأمل سنـدباد في الخواطر
وعاش الأمل في الجوانح مسافر
وترمح خيول الزمان بالحوافر
ويتعب طريق الصديق المسافر

مسافـر ... مسافـر
ينام ع الطريق
ونوم الرفيـق
نهاية حكاية عن السـندبـاد
بداية حكاية لناس ع الطريق

الشيخ إمام - مسافر

موال الموالين ( هبلستان ) - فؤاد حداد - حاتم الوكيل

The punishment of every disordered mind is its own disorder.. Self Loaded Narcissist,and a primitive dysfunctional person.




التوني

Muhamad Mohyeldin

Recent comments

‫محمد عماد‬‎

ahmed neem

Ayman Ali 43

Samir Moghazy

Related tracks