Vlooi Visagie & Die Vaal Polony’s
Dagsê. Lekker om jou te ontmoet hier oppie soundcloud-blad. Soos hulle in die ou dae sou gesê het,  maak ons musiek vir u luistergenot. As dit soms effens deurmekaar klink, dan kan dit dalk die glasie bier wees wat daardie keer op die mikrofoon omgeval het. Of ‘n paar van die Polony’s se bantamhoenders wat per ongeluk uit die agtertuin ontsnap het. Die produksie word goedgunstiglik waargeneem deur Mayonnaise Malherbe, sommer hier in ons garage-ateljee in Darling. Sy is een van die Polony’s se weskus-niggies, asmede ‘n besonder sprankellende persoonlikheid. Net wat ons nodig het hier op die dorp. Sy is ook nie eintlik juis veel gepla met die klankkwaliteit nie. Sy is ‘n pragmatis, en sê ons is musikante, nie ingenieurs nie. Sy meen ons maak eintlik klankskappe, nie juis musiek nie! Nouja, luister tog maar tussen die atmosfeer deur. Vir ons is die baie hedendaagse ‘styl-etikette’ ook nie te belangrik nie. Ons smaak allerhande soorte musiek. Boeremusiek is natuurlik koning, maar daar’s die hele Suid-Amerikaanse kontinent, en daai manne kan hulle kitare al te lekker tiekel. Boerelatyn? Moerse! En dan is daar nog Sjina ook! Anders tokkel ons maar aan. Veral op ‘n saai Saterdag, want die Polony’s kan nie te veel in die son kom nie. Hulle word mos pienk! Ons luister ook verskriklik graag na ou plate...


Singer Songwriter based in South Africa. You can get all my albums on iTunes, Spotify, Amazon and other digital stores. Yes, you can still find me on Myspace :)

Followers of Malf Music