حلوه أوي أوي لدرجت تحفا  ❤❤Wow

صيحة "أنا قررت أكون" ..
لفريق أشبال وزهرات موسم ٢٠٢١
بكنيسة السيدة العذراء مريم والقديس أثناسيوس الرسولي بمدينة نصر 

١)قررت أعرف اللي حواليا
مزاجي الاستكشاف
دة ياما حاجات تتشاف

لو برضو انا مش زي غيري
مبخافش الاختلاف
انا أصلي كشاف

قررت لما حاجة تزعلني
هشكر ربنا ف الحال
كدة كدة هفضل فرحان

قررت اكون مثابر
وافضل علي حلمي مهما كان

*القرار* ⬇️

انا قررت أكون 
مختلف،مستكشف،فرحان و مثابر
انا قررت أكون 
 صديق،منظم،أمين و مبادر

ربنا وصاني اكون في حياتي نور
للعالم كدة علي طول
واتعلم حاجة جديدة كل يوم

انا قررت اكون 
افضل دايما بطور
من نفسي و فيها اكبر كل يوم

٢)قررت اكون صاحب بيشجع
يسند كل الاوقات
في الافراح والضيقات

ولما ابدأ ارتب يومي
عندي اولويات
ولكل حاجة اوقات 

قررت اكون امين
في صلاتي في دراستي وكل مكان
معملش حاجة بإهمال

قررت اكون مبادر
واسأل نفسي دايماً سؤال
(هل) ده زي ما يسوع قال ؟ 

زهرات أشبال بنقول
مع بعض احنا هنقدر
علشان عالم أفضل

زهرات أشبال علي طول
عايزين نتطور اكتر
علشان كدة بنقول

#كشافة #حياة #اشبال_وزهرات
#انا_قررت_اكون #صيف_٢٠٢١

صيحة أنا قررت أكون—أشبال وزهرات—٢٠٢١

شعار معسكر زى النسر

صيحة معسكر "Lite to Knight"  ⚜️
لفريق أشبال وزهرات موسم ٢٠٢٢
بكنيسة السيدة العذراء مريم والقديس أثناسيوس الرسولي بمدينة نصر 

1️⃣ انا القدوة لغيري من صغري
لكن بتواضع الأبطال
جوانا قوة ف دمنا تجري
زهرات كنا أو أشبال
يمكن كلامي يكون علي قدي
لكني قدام أي تحدي
ه‍أدي و كل ما عندي هدي
ابذل جهدي علي كل حال


القرار ⬇️
اشبال بنقول من زمان
زهرات علي طول احنا كمان
روحنا واحده فكل مكان
بتقوينا

قانون كشافتي ده حياه 
حفظه في قلبي من جواه
فولاري دة وعد مش هنساه
وهيعيش فينا


2️⃣ انا القدوة بكلامي وبروحي
و مش هستني لما أكبر
بمحبتي طهارتي وايماني
هأخدم قد ما هقدر
انا قدوة بتصرفاتي
و مش من نفسي ولا من ذاتي
لكل قدوة فيه قدوة أكبر
و قدوتي هو إلهي

#كشافة #حياة #اشبال_وزهرات
#انا_القدوة #صيحة_المعسكر #صيف_٢٠٢٢ 

صيحة معسكر " Lite to Knight" لفريق اشبال وزهرات ٢٠٢٢

شعار معسكر فريق كشافه ٢٠٢٢

حُبـك ربـي لكــل العالم
مدرسة منها الناس تِتعـلم
علِّمـــتني لو شُفت عــدوي
أجـري عليه و بحُب أســلِّم

لكن الحـب اللي محيـــرني
كان حــبك مع أمنا مريـــــم
عـــشت معاها سنيـن  وياها
و أكيد ليك حكايات و فاكرها


تصحى تصبّح  وتبوس إيدها
مع إنك إنــت اللي خالقهــــا
ولا  تِتعبـــــــها ولا تغضبــــها
ولا عُمرك تؤمر تخالفـــها

مــرة عشـــان تمِّمت نبوءة
غِبت كتيـــر نزلــِـت بتدور
ملهـــوفة ع الابن الغـالي
ضـــاع أو يمكن وِقع اتعــور

حسّيــــت بيها غيابك أثّـــر
وجريـــت تحكيلها وتفــــسر
ضَمـت حُبها حسِّت إنهـــــا
كل الدنيــــا جــوة ف إيدها

مـــرة كـعادتها بتجــــــامل
فى فرح والناس مش فرحانة
أصـــل الخمر خِلص والنـاس
معهُمش عشان كانوا غلابة

تُطلــب منــــــه ينفذ حـــالاً
تتخلِّد الذكــرى فى قانـــا
أصلــها تؤمر عارفــة ينفذ
زرعِت بذرة لازم تُحصدها

وجع الشوك فى جبينك علـــــِّــم
يكتـــب لخطيتنا نهايــة
هـى بتبكـي وبتتألـــم
فين ابنى ده كان لسه معايـا

خـدونى مكانه آخد مسماره
يمكــن تبرد ناري جوايـــا
تنـادي يوحنا تقوله دى أمك	
إوعاك لـــو لحظة تزعلــــها


ترنيمة  ... "تصحى تصبح" 
من ألبوم "تذكرة سفر"
إنتاج كورال Angels Team
كنيسة الشهيد العظيم مارمينا بفلمنج
كلمات: المتنيح أ. إميل مراد
تلحين: مونيكا وديع
توزيع موسيقي: مارى صبحى
هندسة صوتية وميكساچ: م. مايكل فوزي
#Angels_Team_Choir
جميع الحقوق محفوظة للفريق
#كورال #ترنيمة #angels #حبك_ربى  #العذراء_مريم  #angels_team #angels_team_choir #مارمينا_بفلمنج  #كيهك 
#صلوا_معنا_و_لأجلنا  🙏
 تابعو الفريق علي … 
- صفحة الفيسبوك : 
https://www.facebook.com/angelsteamchoir
- اليوتيوب :
https://www.youtube.com/channel/UCnP_
- الساوند كلاود : 
https://soundcloud.com/angels-t-choir

ترنيمة تصحى تصبح - Angels Team Choir

بنين احرار - كورال ثمر شفاه MESat I

7aflet elwa3d 2015
kashafet kenist el 3adra bel rehab 

SMSR_2015   غلط عيد ابتدي من جديد

La La La Morshedat Mp3[1]

من الادغال تسمع اشبال ... 
صيحة اشبال في المعسكر المجمع الثالث  ... قوموا نبني
بكنيسة السيدة العذراء مريم والقديس اثناسيوس الرسولي بمدينة نصر

١)من الأدغال تسمع اشبال
و الشبل ينادي فين الرياضي
هنقول اشبال يعني الابطال
قوموا نبني ده شعارنا السنادي

٢)لأ دا محال اصل الاشبال
يعني الكادچات عملوها من سكات
انا ايدي في ايدك في التربيط
جزامة و منشر احذروا التقليد!

*القرار*
طول ما بنقول ابذل جهدك هتلاقي اشبال بتقولك
 ان الشبل في ايد الشبل التاني هنكون في احلى صوره 
هتقدر تغلبنا ازاي ؟!

٣)لأ دا معروف اصل الاشبال
هم الرجال هم اسود السنادي  
عمري ما هسيبك مهما كان
 انا بضمنلك هنولعها السنادي

٤)دورنا علي قوتنا فين
لاقيناها فينا.. وحدتنا مع بعضينا
قوة الشبل في القطيع
والقطيع قوته في الاشبال

*القرار*
طول ما بنقولك ابذل جهدك هتلاقي اشبال بتقولك 
ان الشبل في ايد الشبل التاني هنكون في احلى صوره 
هتقدر تغلبنا ازاي ؟!

اشبال في الادغال —معسكر قوموا نبني— ٢٠١٩

"كوكب الجدية" ...
صيحة اشبال وزهرات لصيف ٢٠١٩ ..
بكنيسة السيدة العذراء مريم والقديس اثناسيوس الرسولي بمدينة نصر

١) قالو زمان عن الجدية، انك تكون زعلان و كئيب
الجدية مسئولية بس تكون فرحان و سعيد
بيسمونا الأشبال و أشبال بكرة هيبقوا اسود
واحنا بقي فريق زهرات دايما بنكون قدها و قدود

٢) عدي علينا كتير و ياما تحديات، صعوبات و نقول
الجدية دي جوانا ساكنة فينا دايما علي طول
احلم حلم كبير ولكن لازم تشتغله كتير
ولو وقعت في اي خطية بسرعة قوم من غير تفكير

القرار:
ابذل جهدك وسط العالم وريهم اصلك و كيانك
ايوة انا صادق مخلص نافع
قانون كشفتي ده عايش بيه
وبصلي فكل مشكلي
وبدي دايما كل ما عندي
هنا كده وانا عارف من صغري
ربنا دايما عايش ليه

٣)يالا بينا نقوم و نبني مهما وقعنا نقف ونقوم
استنينا كتير و وصلنا و قادرين نعلي فوق النجوم
مهما بانت صعبة دايما مع بعضنا علي طول نقول
كلنا كتف في كتف نقول اشبال زهرات جامدين علطول

القرار:
ابذل جهدك وسط العالم وريهم اصلك و كيانك
ايوة انا صادق مخلص نافع
قانون كشفتي ده عايش بيه
وبصلي فكل مشكلي
وبدي دايما كل ما عندي
هنا كده وانا عارف من صغري
ربنا دايما عايش ليه

#اشبال_زهرات
#كوكب_الجدية
#صيف_٢٠١٩

صيحة معسكر " Lite to Knight" لفريق اشبال وزهرات ٢٠٢٢

Timothaws emil

Recent comments

Sola Hany

TenTen

Jerminica Michael

Marian Ayad

Related tracks