أنا هويت!

زياد سحاب و ياسمينا فايد يغنيان ( اللي بيرضيك ) من كلمات الشاعر المصري محمد خير وألحان زياد سحاب ، وعزف فرقة شحادين يا بلدنا - مسرح بابل - بيروت ، لبنان ، يونية 2008

زياد سحاب و ياسمينا فايد - اللى بيرضيك

مايك ماسى من اجمل الاغانى

مايك ماسى - يا زمان يازمان

ماذا أقول لها . بديعة بوحريزي

تروح تنساني.. اترجاك يا ملاك
تشغلني تهواني تهملني من دنياك
اترجاك يا ملاك
كنت اترجاك يا ملاك
الك دينك والي ديني لو تنسى كل شي وتضميني
ونعيش نحلم سوا ونموت واحنا سوا
هلاك﻿ دنياي بلاك ... هلاك يا ملاك

Yazan Al Rousan Feat. Hana Malhas Trouh-يزن الروسان وهنا ملحس -تروح

القبلة التاسعة من ديوان " كبرنا بنكره التفاح "

وازاي سعيد أيها الشاعر - شعر محمد البشبيشي

مزيج ما يدور في النفس

والله تستاهل يا قلبي.

شعر: محمد إيهاب البشبيشي

أنا ابن عصافير
وفزاعة عصافير
أنا ابن العالم التالت 
شوف أعقاب سجايري
تعرف خسايري
وبعيداً عن رحلة الثمر الناضج 
بدور عن خروج آمن.
......
......
بوجه عام
الحياة مهنة مش شريفة 
سيداتي سادتي
حاضري المآساة في أولها
فاهمي الكلمة وتأويلها
لما أقول النكتة ابقو ابكو
وأما اوريكم مكان بلدي على جسمي
اضحكو
ممنوع من الخروج 
م الذاكرة
ناقص كمان يمنعوا 
سفرنا في كوبيات الشاي والسجاير
اخر ما تبقى من نضال ع الأرض 
والبرد في قلبي وفي الأيام
حتى في الاحلام تلاقي البرد
وماعدتش الكتب بتداوي شيء 
ولا عادلي صديق أوفى من المآساة
وقالوا في الامثال 
كل هم إلى زوال
بس اللي ادركناه يزول ازاي؟!
......
كان واضح من الاول
ان البنت اللي بتلعب استغماية
في شارعنا 
هاتسيب كل المخابئ 
وتستخبى في قلبي
قلبي اللي عريان 
فتتلغي فروق الزمان والمكان
كما في القصايد
وامشي في مكان لونه على ذوقي
وفي كل خطوة زمان مختلف
وفي أول مسار منحرف
أقع على جدور قلبي في شارعنا
هو كان لازم أروح بيتنا
رقبتي اللي مكسورة
بدل قلبي
عشان يحسو إني محتاج
أقعد في اوضتي يومين؟!
ولا كام لازم نكون في الشتا 
عشان يكون منطقي
إني أموت م البرد
محتاج لحد
لما أقوله أحزن علية 
يحزن بدون أسباب
أنا النحيل:
ماملكش تمن رصاصة لأنتحار
ومن قلبي طالع بخار 
بركان في قلبي 
ولا حبيبتي بتشرب شاي؟!

بركان في قلبي ولا حبيبتي بتشرب شاي / شعر

"تعالى نعيش"

قصيدة من ديوان "دواير"

تعالى نعيش
كما الخفافيش
ننام رجلينا مقلوبة
يجوز حيواتنا تتشقلب
فَ تِتعدّل
تعالى نطير كمان مره
يجوز الجو يتبدّل
ونستكشف حاجات تانيه
تعالى نطير كمان مره
لمدة عُمر
أو ثانية
زي الألوان
مالهوش آخر
الكون مش محدود بالأسوار
وخيالك مستوطن فاخر
الكون شاسع
لو كان بيضيق
تعالى نعيش
كما الصناديق
بنقفل ع اللي بيقَفّل
في جرح خفيف لسبب ما
ونِقفل عَ اللي بيغفّل
عن الأخطاء
بدون معاناه
في وقت مكانش وقت سماح
مكانش مباح
تعالى نعيش
كما الأشباح
بنظهر وقت نوم الخلق
ومبنتشافش
كأننا منّهم توبنا
يخاف الكل من توبنا
ولو تُبنى
بيوتهم من رصاص
منخافش
بنسكن في عقول الكل
منعرفش البكا والذل
ولا نسمع عن المحنة
تعالى نعيش
كما كوننا
كما كنّا
كما إحنا
شباب عواجيز
تعالى نعيش
كما البراويز
بنتعلق بأحلامنا
وثابتين فوق حيطان الشوق
وتايهين جوا أنغامنا
تعالى نعيش
في أفلامنا
كما الأبطال
لا يكسر جرينا أعطال
ولا نبكي
على الأطلال
نعدي بحلمنا م البر
حتى البحر
للأدغال
تعالى نعيش
كما الشلال
ميكسرناش هبوب الريح
ولا الأيام
ولا التجريح
ولا توقفنا أحزاننا
ولا نهتم بالماضي
ولا الآتي
ولا التواريخ
تعالى نعيش
على المريخ
نسيب الكل والموكب
نزور كوكب
ورا كوكب
نجدد كل يوم أجواء
ونخلق كل يوم قصة
تعالى نعيش
كما الرقصة
إيقاع
إيقاع
ورا إيقاع
تعالى نعيش في جوف الحلم
ونرمي حزننا في القاع

تعالى نعيش - عصام شوقي

هذه (ماجي) خمسه وخمسون كيلو جراما من السحر والرقة والرقي والمرح حساسة كزناد تفجير لغم نازي مدفون تحت رمال العلمين كتله من الاعصاب المرهفة مغطاة بالجلد...

وأنا...
أهيم بها..

Yazan Al Rousan Feat. Hana Malhas Trouh-يزن الروسان وهنا ملحس -تروح

Tony Reda