Songs

كارم محمود

the best

كلمات: عمر بطيشة
ألحان: محمد سلطان
غِناء: فايزة أحمد
سُجِّلت الأغنية عام ١٩٨١

كلمات الأغنية:
أصلِح الأوتار.. واجمع السُمّار 
يا رفيق الدار.. ليلنا أسرار

أصلِحِ الأوتارَ قلبي عادَ يهفو للغناء
جاءت الأشواقُ حلمًا زائرًا هذا المساء
بالمُنى ألقى حبيبًا ضنَّ عني باللقاء
كلما آنستُ صوتًا أو خيالًا قلتُ: جاء 
ثم لا يأتي فيُضنيني حنيني للبُكاء
*
يا حبيبًا صارت الذِكرى بديلًا عن رُؤاه
كيفَ يحيى لا يراني كيف أحيا لا أراه
حولي العُشاقُ لكن ليسَ في قلبي سواه
كم دعاه القلبُ عندي في خيالي كم حواه
فاستطابَ الصمتُ ردًّا ثم يمضي في خُطاه
*
لا تسلني كيفَ يومًا ضاع ما قد ضاعَ منا
لو عرفنا كيف ضيعناهُ مـا ضاعَ وضِعنا
حسبنُا ماراحَ وهمًا أو سرابًا من يدينا
فاطرح النسيانَ واكتب أو ترنم أو تغنى
ربما ذُبنا مزيجًا من غناءٍ فالتقينا
*
طال ليلي في التمني هل إذن يأتي النهار
لن يضيعَ العمرُ مني في المُنى والانتظار
إنَّ بعضَ الحبِ نورٌ وكثيرَ الحبِ نار
لا أريدُ الموتَ عشقاً لحبيبٍ لا يغار
ليتَ أنَّ العشقَ يومًا كانَ لي فيه اختيار

فايزة أحمد | أصلِح الأوتار

على وش القمر ...فايزة احمد

زقفة يا شباب - صباح

كلمات: مرسى جميل عزيز
ألحان: محمد الموجى
من فيلم الهاربة

شباكنا ستايره حرير .. من نسمة شوق بيطير
وبقى لي كتير يا حبيبي ...  يا حبيبي بقالي كتير
استنى تجيب الفرحه  ...  والتوب الابيض والطرحه
ونطير زي العصافير

واقطف لي من البستان  .. عقدين حب الرمان
وتلات وردات اخوات  .. اشبكهم ع الفستان

والنسمه تلعب بينا  .... وتجيبنا وتودينا
نصبح على فرحة ورده  .. ونبات على نور ياسمينا

افرد جناحين الشوق  .. وتعالى نطير من فوق
نسكن مع نجمه بعيد  .. مشغوله بحب جديد
لا حد هناك يسمعنا ... مهما نقول ولا نعيد
ونطير زي العصافير
شباكنا ستايره حرير .. من نسمة شوق بيطير


شادية شباكنا ستايره حرير

شوفت منام🌝 #ليلى_مراد

مدونة تراثنا للفن الأصيل
www.Torasna.blogspot.com

كلمات: ابراهيم رجب | الحان: كارم محمود
من اغانى فيلم "نور عيونى" 1954

الكلمات
يا هل ترى بتجافي ليه
والغندره والغندره بانت اوام
تتقل علينا ولا ايه ولا احنا مش قد المقام يا هل ترى يا هل ترى
يا ابو العيون الدبلي اعطف عليا وبصلي
بنظرتك ورقتك اجعل حياتي فللي
ده مش كده شرع الغرام ولا احنا مش قد المقام يا هل ترى يا هل ترى
مش قولنا نبقى لبعضنا
سوا في الهنا سوا في الضنا
بعد الوفا ليه الجفا شوف انت فين وفين انا
اتاري وعدك كان كلام ولا احنا مش قد المقام يا هل ترى يا هل ترى
يا ليل يا ليل يا ليل ياااااااا ليل
اعز الحبايب جفاني لم بقالي حبيب
وطال عليا السهر والسهد والتعذيب ولما جسمي انبلى قالولي روح لطبيب
قولت الطبيب يعمل ايه للي جفا خله ده الصبر احسن دوا للي في قلبه لهيب
هصبر على كيد العدى واخبي عنهم كل ده
واضحكلهم واقولهم انا وحبيبي مفيش كده
وكفايه اشوفك في المنام ولا احنا مش قد المقام يا هل ترى يا هل ترى

يا هل ترى - كارم محمود

مدونة تراثنا للفن الأصيل
www.Torasna.blogspot.com

 كلمات: عبد اللطيف البسيونى | الحان: كارم محمود | توزيع موسيقى: حسام حسنى
البوم خدود الحليوة عام 2000

الكلمات
الهوى مكتوب علينا مهما رحنا ولاجينا 
واللي بينا اقوى منا  اغلى من روحنا وعنينا  
والهوى مكتوب علينا
احنا من يوم ماتقابلنا والهوى دايما شاغلنا  
وان خاصمناه او خاصمنا
بنلاقيه تاني يناديلنا 
وبصفا بيهنى روحنا 
وبرضى تانى يصالحنا 
واللى بينا اقوى منا 
والعوازل ليه تلومنا 
والهوى مكتوب علينا 
والهوى بتزيد غلاوته كل مانحافظ عليه 
واللى مابيعرفش قيمته عمره ماهيتهنى بيه
واحنا مهما قولنا عنه مستحيل نستغنى عنه
واللى بينا اقوى منا والعوازل ليه تلومنا 
والهوى مكتوب علينا

الهوى مكتوب علينا (توزيع حديث) - كارم محمود

مدونة تراثنا للفن الأصيل
www.Torasna.blogspot.com

كلمات: على سليمان | الحان: سامى الغندور

الكلمات
وهناك هناك يا حلوة يا محبوبتى فى الوادى السعيد عن الربيع تحت القمر
عند الجناين اللى نايمة فى رياضها السندسية فى حواشيها الشجر
قلبى بنى عش السعادة وانتظر
الضلة مفروشة حرير والليل يا محبوبتى كبير
قاعد على ايه السما مشدودة من الاربع جهات
ومطرزينها سرير بنجوم كتير
وبنات كتير يغنوا للمحبة ويرقصوا
تحت الشعار على شط من فضة وعبير
الموج يشيلهم شيل ويتمخطر بهم
ويرن فى رجليهم الحلوة نغم
تعالى نفرح يا حبيبتى زيهم
تعالى نتهنى ونسهر عندهم
قلبى بنى عش السعادة وانتظر
بنيتلك البيت الجديد يا حبيبتى على الشط السعيد
تحت السماء المتعطرة بعبير من البحر
اللى امواجه اغانى للشباب
والليل ضباب
الليل بيتفتح ضياه فى الف سكة يا حبيبتى والف باب
شايف عرايس حلوة احلى من القمر
لا بيشبعوا من الليل ولا يملوا من السهر
تعالى نفرح يا حبيبتى زيهم
تعالى نتهنى ونسهر عندهم

عش السعادة - كارم محمود

مدونة تراثنا للفن الأصيل
www.Torasna.blogspot.com

كلمات: محمد على احمد | الحان: زكريا احمد

الكلمات
علشان قلبي بيهواك
انا فايت القلب معاك
هنيه .. وراعيه ولا تقسى عليه
واحلف بعينيك ما تفرط فيه
آه علشان قلبي
بجناحه بيرقص حواليك
ويغير من النسمة على جمال
من حبه من خوفه عليك
وحياته الغالية وهبهالك
الكلمة الحلوة تشيلهاله
والغنوة الحلوة تقولهاله
هنيه وراعيه ولا تقسى عليه
واحلف بعينيك ما تفرط فيه
آه علشان قلبي
في ليالي الشوق خليك فاكره
واسأل واطمن على حاله
ما تغيبش لا ياخد على خاطره
وتحير في البعد خياله
الكلمة الحلوة تشيلهاله
والغنوة الحلوة تقولهاله
هنيه وراعيه ولا تقسى عليه
واحلف بعينيك ما تفرط فيه
آه علشان قلبي
اشرحله غرامك واحكيله
على حالك واللي شغل بالك
شوف طبعه وطاوعه وغنيله
والدنيا في قربه حتصفالك
الكلمة الحلوة تشيلهاله
والغنوة الحلوة تقولهاله
هنيه وراعيه ولا تقسى عليه
واحلف بعينيك ما تفرط فيه
آه علشان قلبي

علشان قلبى بيهواك - كارم محمود

مدونة تراثنا للفن الأصيل
www.Torasna.blogspot.com

كلمات: احمد منصور | الحان: كارم محمود

الكلمات
سمرا يا سمرا مرَّة في مرَّة شغلني هواكي
دمِّك خفَّة وتاج  العفَّة شــــبكني معاكي
سمرا يا سمرا حلوة يا سمرا
سمرا يا حلوة يا لحن يا غنوة يا أحلى رنين
ســــحر الحاجب ده بيتعاجب عالحلوين
شفته بقيت من ناري يا سمرا
تايه كده مش داري يا سمرا
وانتِ الكاس وشفايفك خمرة
يا سمرا يا سمرا حلوة يا سمرا
ورد خدودك جا على عودك زاده جمال
خلّى الشقر يشوفوا السمر يباتوا ف حال
عرفوا النار والغيرة يا سمرا
عاشوا في ذل وحيرة ياسمرا
وانتِ الكاس وشفايفك خمرة
يا سمرا يا سمرا حلوة يا سمرا
بطلب ودِّك ألقى في ردك معنى  العفة
أفرح بيكي واقول عليك يا رمز الخفة
ردِّك فيه  العزَّة يا ســـمرا
زدتي فْ قلبي معزَّة يا سمرا
وانتِ الكاس وشفايفك خمرة
يا سمرا يا سمرا حلوة يا سمرا

سمرة يا سمرة (حفل) - كارم محمود

الدُنيا سيجارة وكأس

نجاة الصغيرة - اسألك الرحيل

إبقى معي إذا أنا سألتك الرحيل

صلاح عبدالغفور-لا تلوموني

روحى اللى تايهه شوفتها ... ! ! !

Mohammad Fawzy - Tir Bina Ya Alby | محمد فوزي - طير بينا يا قلبي

صباح فخري - عيناك ما فعلت بنا عيناك

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة