مطرب وممثل وملحن مصري له بصمة واضحة في فن الأوبريت ولحن للعديد من المطربين
سيد إسماعيل مطرب وملحن مصري من مواليد 1928 مركز فاقوس بمحافظة الشرقية .
انتقل إلى القاهرة حيث بدأ مشواره الفني فالتحق بمعهد الموسيقى وكان زميلا لعبد الحليم حافظ وكمال الطويل وفايدة كامل وعلى إسماعيل.
عمل فور تخرجة مدرس ومفتش للموسيقى بالتربية والتعليم لمدة 7 سنوات ، وانتقل خلال تلك السنوات للعمل فى كازينو أوبرا مما اضطره لترك العمل الوظيفى.
كان "في كل خطوة سلامة يا شبابنا" لشهرزاد أول لحن له في الإذاعة ، وظهرت أول أغنية له "يا أم التوب" عام 1951.
 له بصمة واضحة في فن الأوبريت، حيث شارك في مسرحية "حمدان وبهانة".
 عمل بالسينما صوتاً، ثم صوتاً وصورة في مشاهد قليلة، ومنها أفلام "الصقر" وغنى فيه "يا صحرا المهندس جاي" وفيلم "أمير الانتقام"، و"ابن النيل".
 قدم ألحانه لأصوات : إبراهيم حمودة ، شريفة فاضل ، محرم فؤاد ،عايدة الشاعر ، محمد رشدي ومحمد العزبي ، سعاد محمد ، محمد عبدالمطلب ، نجاح سلام ، حوريه حسن ، سعاد مكاوى ، محمد رشدى ، محمد الحلو ، منى عبد الغنى ، عمرو دياب.
 قدم عدد من الصور والبرامج الغنائية، ومنها : "العشرة الطيبة ، أم الإذاعات ، يا سيد ، الموسكي ، جزيرة السبع بنات ، خوفو ، عواد باع أرضه ، مسعود الحطاب" وغيرها.
 من أغنياته : "آدي شمس الحرية ، زود مكاسب ثورتك ، الشمع انقاد يا فلاحين ، الأرض أرضنا ، هون يا كريم ، أنا عبدك ، فينك يا جميل ، سمرا يا سمارة ، كحل العيون ، ميل يا جميل ، يا قلبي ارتاح ، الهوى غلاب ، بشاير، ميعاد الزين ، حبيت بلدي".
 غنى لثورة يوليو "قوم يا أسطى مجاهد" ، وكان آخر أعماله : يا عيني ع النصيب"، ووزع أغنية "من غير ليه" لمحمد عبدالوهاب‏ .
 توفي في 11 يناير 2006 .

سيد اسماعيل

مدونة تراثنا للفن الأصيل
www.Torasna.blogspot.com

كلمات: محمد حمزة | الحان: سيد اسماعيل

الكلمات
يا ابو رمش جرئ وسهام دباحة
يا مصحى الناس وعينيك مرتاحة
من يوم ما رميتنى بسهم عينيك
وانا روحى بقيت حواليك سواحة
يا ابو رمش جرئ
انا قلبى شراع مفرود بهواك 
والعين على البر هناك شايفاك
وبلف وادور  واعدى بحور
على الروح اللى انت واخدها معاك
يا ابو بسمة تقول للفجر اطلع
مش عارف ايه وياك ينفع
من يوم ما رميتنى بسهم عينيك
يا ابو رمش جرئ
عرفنى طريقك عرفنى متوهنيش
علمنى العوم وحياة عينيك متغرقنيش
دى السكة طويلة ومش عارف امشيها منين
اتبسم بسمة وحياتك خلينى اعيش
يا ابو رمش جرئ

يا ابو رمش جرئ - سيد اسماعيل

مدونة تراثنا للفن الأصيل
www.Torasna.blogspot.com

كلمات: مرسى جميل عزيز | الحان: عبد العظيم عبد الحق 
من تسجيلات الاذاعة المصرية / اسطوانات صوت القاهرة عام 1951

الكلمات

بشاير من الحبيب هالة
تقول للموعودين يا الله
على المختار حبيب الله
يا مركب سيرى واتهادى
فى حب المصطفى الهادى
تلاقى البحر موج هادى
وستر الله بيتجلى 
على المختار حبيب الله
طوايف من بعيد جاية
تجاورك يا نبى شوية
وبين الارض والمية
بذكر الله بتتجلى
على المختار حبيب الله
وساعة البشرى ما تجينى
بيوم عودة محبينى
نقيم الفرح والزينة
ونتبارك ونتجلى
على المختار حبيب الله

عن هذه الاغنية نشر موقع شهريار النجوم تصريح لسيد اسماعيل عن الاغنية قال فيه
فى فترة من الفترات حدث خلاف بسيط بين الموسيقار الكبير “أحمد صدقي” والمطرب “محمد عبدالمطلب”، فقرر “صدقي” أن يعطيني الأغنيات التى كان من المقرر أن يغنيها “عبدالمطلب”، رغم أنني كنت فى بداية المشوار ولا أحد يعرفني
كنت فى الإذاعة فوجدت “محمد حسن الشجاعي” رئيس قسم الموسيقى والغناء فى الإذاعة يعطيني كلمات أغنية “بشاير” لـ “مرسي جميل عزيز” الذى كان موجودا فى مكتبه، وطلب مني أن أقوم بتلحينها وغنائها، ورحب “مرسي جميل” بهذا الاقتراح، لكنني عندما قرأت كلمات الأغنية شعرت بخوف ورهبة لأنها تتكلم عن الحج وطقوسه، فقررت إسناد تلحينها لصديقي الملحن “عبدالعظيم عبدالحق”
يوم تسجيل الأغنية فوجئت بوجود شاب أسمر، كانت الصحف كتبت عنه من سنوات عندما اتهم بمقتل “أمين عثمان” ودخل السجن، كان هذا الشاب هو الرئيس “محمد أنور السادات” الذى تربطه علاقة صداقة وطيدة بأسرة “عبدالعظيم عبدالحق”، وحضر التسجيل فى استديو”1” فى الإذاعة، ويومها هنأني وهنأ “عبدالحق” وتوقع النجاح للأغنية، وهو ما حدث بالفعل،

بشاير - سيد اسماعيل

مدونة تراثنا للفن الأصيل
www.Torasna.blogspot.com

كلمات: محمد على احمد | الحان: سيد اسماعيل
من اغانى فيلم "الدنيا لما تضحك" عام 1953

الكلمات
على طول على طول على طول
دا البال مشغول مشغول
على طول على طول على طول
دا البال مشغول مشغول
انا رايحة معاك مطرح ماتقول
على طول على طول على طول
على طريق الهوا
ولاوني اخاف منه
وان كان لقلبي دوا
نسال هناك عنه
ونعز عليا
لو تشفق بيا
هديلي شوية
واستنا استنا
على باب الجنة
خليني اتهنا
على طول على طول على طول
دا البال مشغول مشغول
على طول على طول على طول
دا البال مشغول مشغول
انا رايحة معاك مطرح ماتقول
على طول على طول على طول
يلا بنا زي ماترسي
ولف بينا ودور
تصبح علينا وتمسي
وكل شئ مقدور
اللي انا قصداه
والفكر معاه
انا مش عارفاه
واستنا استنا
على باب الجنة
خليني اتهنا
على طول على طول على طول
دا البال مشغول مشغول
على طول على طول على طول
دا البال مشغول مشغول
انا رايحة معاك مطرح ماتقول
على طول على طول على طول

على طول - نجاح سلام وسيد اسماعيل

مدونة تراثنا للفن الأصيل
www.Torasna.blogspot.com

كلمات: محمود اسماعيل جاد | الحان: فؤاد حلمى

الكلمات
يا غرامى ليه حبيبى طال بعاده يا غرامى
بيواعدنى ولا يخلف معاده ليه يا غرامى
لما انت عارف انه قاسى فى المحبة
ليه يزيد النار فى قلبى ويلاوعنى
كنت فاكر راح يطمن قلبى حبة
واشتريته يا غرام وازاى يبيعنى
كان مرادى يبقى راضى
عن هوانا يا غرامى ليه
صونت عهده يا غرام لما هويته
قولتله روحى فداك وانت اللى ليا
ذنبى ايه ينسى هوايا ايه جنيته
يظلم الروح بالجفا ويزيد اسية
كان مرادى يبقى راضى
عن هوانا يا غرامى ليه
امتى يصفى والهنا يرجعلى تانى
والليالى الحلوة تسعدنا فى غرامنا
والحبيب هو امل فرحة زمانى
والحياة من غيره نار والقرب جنة
كان مرادى يبقى راضى
عن هوانا يا غرامى ليه

يا غرامى ليه - سيد اسماعيل

مدونة تراثنا للفن الأصيل
www.Torasna.blogspot.com

كلمات: محمود اسماعيل جاد | الحان: سيد اسماعيل
من تسجيلات عام 1958

الكلمات
ميل يا جميل كلمنى بعيونك الحلوين
هو انت زعلان منى ولا احنا متخاصمين
ميل يا جميل
عاهدتنى على الوفا اول ما حبيتك
بينى وبينك صفا عمرى ما جافيتك
تعطف عليا واعطف عليك
وتحن ليا واميل اليك
وبعد ده تعاتبنى وتلوم مع اللايمين
هو انت زعلان منى ولا احنا متخاصمين
ميل يا جميل
مكانش ودى كده وانت امل حبى
هو كلام العدا نساك هوا قلبى
ده انت نعيمى وانت الحياة
ولجرح قلبى حبك دواه
لما انت بتكدبنى امال تصدقنى
هو انت زعلان منى ولا احنا متخاصمين
ميل يا جميل
نظرة عيونك امل يسعدنى فى دنيتى
وانا بهواك اكتمل سعدى وكان فرحتى
متكونش قاسى خليك حنون
ده انت يا غالى نور العيون
ميل يا جميل كلمنى بعيونك الحلوين
هو انت زعلان منى ولا احنا متخاصمين
ميل يا جميل

ميل يا جميل - سيد اسماعيل

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة