مدونة تراثنا للفن الأصيل
www.Torasna.blogspot.com

كلمات: مصطفى عبد الرحمن | الحان: بليغ حمدى
اسطوانات صوت القاهرة عام 1964

عيونك الحلوين - عبد اللطيف التلبانى

مدونة تراثنا للفن الأصيل
www.Torasna.blogspot.com

كلمات: محمد زكى الملاح | الحان: عز الدين حسنى

الكلمات
عيونها الجميلة خدونى
وبأجمل غرام شغلونى
حبيتهم وعشت فى غنوة
وصحيت على الامانى الحلوة
اتهنى واهنى عيونى .. يا عيونى
صادفتنى وبقينا اتنين
والعين اما جت فى العين
صحانى الغرام ولقيته
مكتوب ما بين رمشين
وعرفت النصيب والقسمة
وفرحت بعيون مبتسمة
حبيتهم وعشت فى غنوة
وصحيت على الامانى الحلوة
اتهنى واهنى عيونى .. يا عيونى
اتهنى يا قلبى اتهنى
انا وانت بقينا فى جنة
وهانفرش طريق سعادتنا
بالورد الجميل والحنة
هانفسر خلاص احلامنا
بغرامنا ونعيم ايامنا
ده انا عايش فى اجمل غنوة
وصحيت على الامانى الحلوة
اتهنى واهنى عيونى .. يا عيونى
عيونها الجميلة خدونى
وبأجمل غرام شغلونى
حبيتهم وعشت فى غنوة
وصحيت على الامانى الحلوة
اتهنى واهنى عيونى .. يا عيونى

يا عيونى / عيونها الجميلة خدونى - كمال حسنى

مدونة الاغنية البديلة
www.alternative-arabic.blogspot.com

 كلمات: محمد ياسين قاسم | الحان: وفا حسين

احلى صباح على كل ايد شغالة
ونهار سعيد يا مصر
نهار سعيد على الرجالة
اللى ايديهم فى البناء
دايماً بتبنى لأمنا
ست الحبايب مصرنا
واحنا معاهم كلنا
نبنى لبكرة وبعده فى القيالة
احلى صباح يا قاهرة
احلى تحية يا احن ام
على الجميع وعليا
حبك حياتنا والحياة لولادنا
وعلشان ترابك ترخص التضحية
وقلوبنا دايماً بالعمل ميالة
طلع النهار والشمس هالة سعيدة
جاية تنور كل سكة بعيدة
وتقول يا بلدى انتى بعزم ولادك
فى نهار جديد وفى احلى صورة جديدة
جوة القلوب وفى العيون متشالة
احلى صباح على كل ايد شغالة
ونهار سعيد يا مصر
نهار سعيد على الرجالة

احلى صباح - محمد الحلو

مدونة تراثنا للفن الأصيل
www.Torasna.blogspot.com

كلمات: عبد الرحيم منصور | الحان: منير مراد
اسطوانات صوت الفن عام 1971

الكلمات
انا أحبك انا انا أحبك
انا أحبك انا انا أحبك
بكل أمان بقلب حنان بنظرة عينى وموالى
بقولها كتير يقولها الطير وتبقى غنوة يا غالى
أقولها كمان فى كل مكان وأفرح بيها أحبابى
أغزلها عقود حكايات وورود
وأهديها لناسى وأصحابى
انا أحبك انا انا أحبك
انا أحبك انا انا أحبك
على المناديل ونجم الليل كتبت أحبك من قلبى
يسمعها غريب ملهش حبيب يتونس بيها على دربى
كتير عاشقين كتير صابرين قالولى عاشقة يا صبية
رديت بحنان قولوها كمان وانا حاسة الدنيا فى أيديا

انا احبك - عايدة الشاعر

مدونة الاغنية البديلة
www.alternative-arabic.blogspot.com

كلمات: مجدى النجار | الحان: فاروق الشرنوبى | توزيع موسيقى: طارق عاكف
نسخة حفل من الاغنية التي صدرت فى البوم "بعدين وياكى" عام 1991

الكلمات
بعدين وياكى حسيت بهواكى
لا منى دخلت الجنه ولا ببعد ولا بستنى
ولا عنك يوم هاستغنى طب اهرب منك فين
لو شمسنا هاتغيب عن نورها ولا سمانا هاتنسى طيورها
كانت صورتك فارقت عينى كنت نسيتك او نسيتينى
من اول نظره عين
بعدين وياكى حسيت بهواكى
لا منى دخلت الجنه ولا ببعد ولا بستنى
ولا عنك يوم هاستغنى طب اهرب منك فين
مكتوب لنا انا وانتى نكمل ونعيش سوا عمرنا م الاول
وانتى يا احلى عيون فى طريقى حبك اول حب حقيقى
يا خساره ما ليش عمرين بعدين وياكى
بعدين وياكى حسيت بهواكى
لا منى دخلت الجنه ولا ببعد ولا بستنى
ولا عنك يوم هاستغنى طب اهرب منك فين

بعدين وياكى (حفل) - عماد عبد الحليم

مدونة تراثنا للفن الأصيل
www.Torasna.blogspot.com

كلمات: نبيل الفكهانى | الحان: رضا حمدى
من تسجيلات الاذاعة المصرية عام 1971

الكلمات
عاشق يا بنات النيل وباغنيلكم مواويل مواويل
عاشق يا بنات النيل وباغنيلكم مواويل
وان قال الحب يا عيني بتقول اشواقي يا عين
لفيت الدنيا بحالها وقابلت يا قلبي صبايا
ولا خدني سحر جمالها ولا كان لي معاها حكاية
خفه دم المصريه ولا عيونها العسليه
ولا خدودها الورديه مالهومش يا عيني مثيل
عاشق يا بنات النيل وباغنيلكم مواويل
وان قال الحب يا عيني بتقول اشواقي يا ليل
يا ماشاء الله علي حلاوتكم خد منكو النيل واداها
والشمس من ابتسامتكم من الصبح بتملي سماها
والغصن اخضر وزهر والورد البلدي اتعطر
والليل في جمالكم نور والنسمه معاكو تميل
عاشق يا بنات النبيل وباغنيلكم مواويل
وان قال الحب يا عيني بتقول اشواقي يا ليل
لو كان المهر النجمه راح اجبهلكوا بأيديا
لو قولتوا هات النسمة هاحضنها برمش عنيا
عاشق يا بنات الحور والشوق في القلب بحور

عاشق يا بنات النيل - محمد قنديل

مدونة تراثنا للفن الأصيل
www.Torasna.blogspot.com

كلمات: احمد محمود الشاذلى | الحان: عادل مأمون

الكلمات
عينى يا عينى على الهوى
بيجمع القلبين سوا
يفرحنا نعشق الهوى
يجرحنا نعشق الهوى
ونلاقى فى الجرح الدواء
عينى يا عينى على الهوى
يا حبيب القلب يا نور العين
على قد ما تقدر هنينى
اسقينى حنان واسعد قلبى
اوعى تعشمنى وتلعب بى
ده انا قلبى ارتاح يوم ما لقيتك
وفى نن العين انا خبيتك
من يوم ما عينيك شاورت ليا
والدنيا احلوت فى عينيا
حتى التنهيدة لها فرحة جديدة
والجنة يا روحى مبقتش بعيدة
وعرفت ايه معنى الهوى
يفرحنا نعشق الهوى
يجرحنا نعشق الهوى
ونلاقى فى الجرح الدواء
عينى يا عينى على الهوى
يا ليالى الحب يا احلامى
اوصيكى بقلبى وايامى
ما تخلى فراق يجى ناحيتنا
ولا اى عزول يعرف بيتنا
هنينا زى اللى اتهنوا
ده الحب مفيش اجمل منه
من يوم ما شاورت ليا
من يوم ما عينيك شاورت ليا
والدنيا احلوت فى عينيا
حتى التنهيدة لها فرحة جديدة
والجنة يا روحى مبقتش بعيدة
وعرفت ايه معنى الهوى
يفرحنا نعشق الهوى
يجرحنا نعشق الهوى
ونلاقى فى الجرح الدواء
عينى يا عينى على الهوى

يا عينى على الهوى - هدى زايد

مدونة تراثنا للفن الأصيل
www.Torasna.blogspot.com

كلمات: عبد الرحيم منصور | الحان: منير مراد
من البوم اكتب لك

الكلمات
أسمحلى مرة اقولك مالنا ومال اللى فات
خلينى أعيش فى بكرة جنبك  أحلى الساعات
كم مرة اسأل روحى روحى تعبت وياك
إنسانى مهما تنسى هافضل عمرى فاكراك
العمر بيمر علينا    خلينا نرتاح خلينا
على قد شوقنا وآمانينا    دنيتنا ياما هتاتدينا
خليك مسامح أنسى وصالح
خلى حياتنا تدوم على طول
نسينى إمبارح نسينى    متسيبش الأحزان تطوينى
وحياتك بالفرحة لاقينى    وبنظرة عينك دفينى
خليك مسامح أنسى وصالح
خلى حياتنا تدوم على طول
يا رحلة حلوة بتعجبنى      ليه بس تقسى وتتعبنى
خدنى على جناحك خدنى    موجة فى بحرك دوبنى
خليك مسامح أنسى وصالح
خلى حياتنا تدوم على طول

اسمح لى اقولك - طروب

مدونة تراثنا للفن الأصيل
www.Torasna.blogspot.com

كلمات: عبد الفتاح مصطفى | الحان: عزت الجاهلى

الكلمات
استاذ قنفد خرشوف
مطوى معقد ملفوف
ودماغه ماليها مشاكل
وحياته زارعها شناكل
شارب فى الهم وواكل
بن ودخان وكيوف
خلق الاستاذ بيضيق
ينزل دولى وحريق
صف سجاير على الريق
يلمع من القلب تروس
استاذ قنفد خرشوف
مطوى معقد ملفوف
شارب فى الهم وواكل
بن ودخان وكيوف
شاى قهوة قهوة وشاى
والضغط مركب ياى
والجرسون رايح جاى
واخد نص المصروف
استاذ قنفد خرشوف
مطوى معقد ملفوف
شارب فى الهم وواكل
بن ودخان وكيوف
نازل تعفير تعفير
صدره فرقة صفافير
ولا فيش دفتر توفير
بالعة الطقطوقة ألوف
استاذ قنفد خرشوف
مطوى معقد ملفوف
شارب فى الهم وواكل
بن ودخان وكيوف
لو مرة يشمس قلبه
ويخلى الدنيا تحبه
راح ينسى همومه وغلبه
ويحل عقد ورفوف
يطلع ريشه المنتوف
يرجع كرشه المحدوف
يلمع فكره المكسوف
يبلع قلبه المخطوف
ويحب الناس والنور
بضمير واضح بنور
يصبح قمور عصفور
ولا قنفد ولا خرشوف
استاذ قنفد خرشوف
مطوى معقد ملفوف
شارب فى الهم وواكل
بن ودخان وكيوف

استاذ قنفد خرشوف - شكوكو

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة

عيونك الحلوين - عبد اللطيف التلبانى

مدونة تراثنا

Related tracks