مدونة تراثنا للفن الأصيل
www.Torasna.blogspot.com

كلمات: اسماعيل الحبروك | الحان: محمد الموجى
من اغانى فيلم ليلة رهيبة عام 1957

الكلمات
امانة ما تسهرنى يا بكرة.. امانة ما تجرحنى
امانة ما تحيرنى يا بكرة .. امانة لتفرحنى
امانة ما تجرحنى .. امانة لتفرحنى
امانة يا بكرة امانة 
خايفة اللى بنيته فى ايام يتهد فى يوم
وتروح من عينى الاحلام و يروح النوم
و ابات من الحب اشكى لا طايلة احكى ولا ابكى
امانة ما تجرحنى امانة لتفرحنى
امانة يا بكرة امانة 
يا نجوم الليل خايفة حبيبى يبعد عنى
ما يكونش حبيبى ولا نصيبى و يروح منى
ويبقى قدام عينيا وحرام غرامه عليا
امانة ما تجرحنى .. امانة لتفرحنى
امانة يا بكرة امانة 
لو جاى يا بكرة تهنينى قرب و اجرى
و ان كنت يا بكرة تبكينى ما تجيش بدرى
خلينى اعيش بآمالى اللى راح تبنيها لى
امانة ما تجرحنى امانة لتفرحنى
امانة يا بكرة امانة

امانة ما تسهرنى يا بكرة - شريفة فاضل

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة

"قدر العصفور طيرانُه وقدرنا نغنّي أغاني" .. 