صباح

اغانى فيلم "نهاية حب" عام 1957 - صباح

اسمر اسمر

أكلك منين يا بطة- صباح

صباح -  لأ لأة

غناء : صباح 
كلمات : مأمون الشناوي 
موسيقي : منير مراد 
الاغنية من فيلم " شارع الحب" 1958
  اخراج : عز الدين ذو الفقار


” علمني الحب علمني 
عن دنيا القلب كلمني
عن لغة للعين .. بين كل اتنين
واحكي لي عليه وفهمني 
ان كان ألم خففه لي
 وان كان نغم ردده لي 
علمني ايه معناه 
كلمني فين القاه 
رسيني ازاي اقراه 
وارجع له لما انساه 
ان كان كتاب افتحه لي .
. وان كان جواب ابعته لي
وان كان عذاب حننه لي 
وان كان هنا ارضاه انا
 ان كان احلام فسرها لي
وان كان اوهام ضيعها لي  
وان كان ايام قربها لي 
عرفني بيه
واشرحلي فيه
علمني الحب علمني ” .

علمني الحب - صباح

مدونة تراثنا للفن الأصيل
www.Torasna.blogspot.com

كلمات: اسماعيل الحبروك | الحان: محمد عبد الوهاب
 من اغانى فيلم "اغراء" 1957 

الكلمات
جوة قلبى جوة
زاد غرامى قوة
هو يابا ياما هو
هو حبيب عمرى وايام
هو شبابى وعز غرامى
هو خيالى وطيف احلامى
عايشة فى خيره
ومليش غيره
ياما ليالى مرت بيا 
دمعى وسهدى اتخانقوا عليا
مين فيهم يسهر فى عينيا
ويرجع تانى
صالحنى زمانى
امشى يا ليل الفجر اهو جانى
نور عمرى امال وامانى
عطف حبيبى وصفو زمانى
هو لوحده
ولا فيش بعده
جوة قلبى جوة
زاد غرامى قوة
هو يابا ياما هو

جوة قلبى - صباح

مدونة تراثنا للفن الأصيل
www.Torasna.blogspot.com

كلمات: سمير محبوب | الحان: محمد الموجى
 من اغانى فيلم "نهاية حب" عام 1957

الكلمات
اسمر اسمر طيب ماله
والله سماره سر جماله
ما دام حبيبنا وحيناسبنا ماله
ماله ماله ماله ماله الاسمر اسمر
مافيش فى الدنيا سماره ولا حتى رقته
خلاص انا قلبى اختاره وده بختى وقسمتو
ما دام حبيبنا وحيناسبنا ماله
ماله ماله ماله ماله الاسمر اسمر
لاقيت القلب نداله والقلب بيعبده
حلف له بضى جماله يرضيه ويسعده
ما دام حبيبنا وحيناسبنا ماله
ماله ماله ماله ماله الاسمر اسمر
ان عابوا عليا غرامه خليهم يسألوا
عن قلبى وعن احلامه
ده هنايا فى اوله
ما دام حبيبنا وحيناسبنا ماله
ماله ماله ماله ماله الاسمر اسمر

ماله الاسمر / اسمر اسمر (حفل) - صباح

مدونة تراثنا للفن الأصيل
www.Torasna.blogspot.com

كلمات: محمد حمزة | الحان: بليغ حمدى
من اغانى فيلم "نار الشوق" عام 1970

الكلمات
عدى علي وسلم سلم علي
عدى وســـلم علي قال لي رايح و جاي
راجع بعد يومين ثلاثة ومحمل سكر وشاي
يا اللي رايح و جاي
راحــوا اليومين ثلاثة و وراهم شــــهرين و ثلاثة
و كمان سنتين و ثلاثة
ولا جاني ولا جاب لي الشاي ولا غنى معاي عالناي
يا اللي رايح و جاي
قال لي ح ابعث جـوبات واكتب لك فيها حكايات
وكمان حا ابعث سلامات
ولاجاني ولا قال لي كلام ولا فكر يبعث لي سلام
يا اللي رايح وجاي
عيني من الفرقة يا عيني عيني و حبيبي ناسيني
بتمنى يرجع و يجيني
ولا عايزة لا سكر ولا شاي ولا عايزة اغاني عالناي
يا اللي رايح وجاي

عدى عليا وسلم (حفل) - صباح

مدونة تراثنا للفن الأصيل
www.Torasna.blogspot.com

كلمات: مرسى جميل عزيز | الحان: محمد الموجى
من اغانى فيلم "سلم على الحبايب" 1958

الكلمات
بستاني يا بستاني يامنور بخلاّني
فرحني وهنيني واسعدني وخليني
افرح لما اقول ياني
اه يــــاني واه يـــاني  م الفرحة ال واخداني
احلف لك يا روح قلبي طول ما انت هنا جنبي
ما اطلب اي شىء تاني
جابوا لي الحرير هندي ولولى وحاجات من دي
قلت لهم مافيش عندي اغلى م اللي هـــنـــــانى
ايه يعنى حرير وقصور 
وغزلان في ملايات بنور
ايه يعنى دهب بالكيل وجناحي يبات مكسور
العش اللي باحلم بيه من نسمة هوا نبنيه
وكفايه هناوا البال ومعاها الحبايب فيه
بستاني يا بستاني يامنور بخلاّني
فرحني وهنيني واسعدني وخليني
افرح لما اقول ياني

بستانى يا بستانى - صباح

مدونة تراثنا للفن الأصيل
www.Torasna.blogspot.com

كلمات: مرسى جميل عزيز | ألحان: محمد الموجى
من اغانى فيلم "سلم على الحبايب" 1958

الكلمات
يا حبيبى انا يا حياتى انا
وحياتى انا بحبك
وحياتى انا يا حبيبى انا
طول ما انت معايا
تقاسمنى هنايا
هاتشوف ايام مليانة غرام
مقسومة لنا بنعيم وهنا
يا حياتى انا بحبك
خليك جمبى ودايماً جمبى
خليك جمبى يا اعز حبايبى
خليك جمبى فى نور ليالينا
نقسم فرحتنا لوحدينا
خليك جمبى واقولك غنوة
زى الحب وزيك حلوة
طول ما انت معايا
هاتعيش ويايا
فى ليالى عسل وهاتبقى مثل
يقولوه عاشقين من الهوى دايبين
اولهم انا يا حبيبى انا

يا حبيبى انا - صباح

صباح - انا هنا يابن الحلال

‫أمورتي الحلوة - صباح‬

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة