مدونة تراثنا للفن الأصيل
www.Torasna.blogspot.com

كلمات: عبد اللطيف السيد | الحان: عبد العزيز محمود
من تسجيلات عام 1955

الكلمات
لفيت مشتاق اسأل عنهم
من حى لحى ما دلونى
سنتين ولا عارف عنوانهم
والناس بكلامهم شغلونى
راح فين البال المتهنى
ودعنى زمان الحنية
والبعد اهو طال وانا مستنى
صبرنى يارب انا فاض بيا
من يوم ما فاتونى وهجرونى
سنتين اتنين ما افتكرونى
ويا خوفى يطول هجرانهم
ويبيعوا الود وينسونى
ميروحش غرامهم من قلبى
وكتير الاقيهم على الفكرة
والشوق لو يكتر ويفيض بى
ارجع افكر فى العشرة
من يوم ما فاتونى وهجرونى
سنتين اتنين ما افتكرونى
ويا خوفى يطول هجرانهم
ويبيعوا الود وينسونى
ليه ابقى غريب وانا بين اهلى
واحتار والحب يسهرنى
واشوف الجنة بتندهلى
وخيال فى الحلم يصبرنى
من يوم ما فاتونى وهجرونى
سنتين اتنين ما افتكرونى
ويا خوفى يطول هجرانهم
ويبيعوا الود وينسونى

لفيت مشتاق - عبد العزيز محمود

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة

.واسمعك في كل معزوفة نغَم