محمد رشدى

مدونة تراثنا للفن الأصيل
www.Torasna.blogspot.com

كلمات: محمد مسعد | الحان: فتحى حجازى
من تسجيلات عام 1976

الكلمات
يخلق من الشبه اربعين
اما انتى يا ست الحلوين
عمرى ما شوفت شبيه لجمالك
مهما عينيا تشوف ملايين
يا نسمة رقيقة فى ليلة صيف
يا حلم جميل مع اجمل طيف
اى قلب كبير على الحب
قدام قلبك يبقى ضعيف
امال قلبى انا يعمل ايه
مش قادر اتلم عليه
ده حبك حب محبوش قلب
معذور والله ده مش بإيديه
اصل أنتى يا ست الحلوين
عمرى ما شوفت شبيه لجمالك
مهما عينيا تشوف ملايين
ياما سافرت بلاد وبلاد
زيك عمرى ما شوفت اتنين
ياللى جمالك مية وزاد
وجنينة حب وياسمين
بس جنينة ده انتى الجنة
اللى انا فيها بعيش واتهنى
اصل انتى يا ست الحلوين 
عمرى ما شوفت شبيه لجمالك
مهما عينيا تشوف ملايين

ست الحلوين / يخلق من الشبه اربعين - محمد رشدى

مدونة تراثنا للفن الأصيل
www.Torasna.blogspot.com

كلمات: عبد الرحمن الابنودى | الحان: بليغ حمدى
اسطوانات صوت القاهرة 1965

الكلمات
بلديات وحياة من خلى كلامك احلى من الشربات
وحياة من خلى العود ملفوف اربع لفات
مانتش عارفاني ازاي يا نجاة ده احنا يا حبيبتي بلديات
بلديات وقابلتك مرة
وسالتك من فين يا صبية
وسكتي يا اصيلة وحرة
وخجلتي ما تردي عليا
انا شوفتك هربت احزاني
صوتي يا ناس ماعرفش لساني
مانتش عارفاني ازاي يا نجاة ده احنا يا حبيبتي بلديات
سحرك هادي وماهوش عادي
ورموشك سيف وسط النار
لونك مقطوف قلبك مخطوف
انا قولت لهم سيبوني اعملوا معروف
والقلب لمس في عينيكي ونس
مانتش عارفاني ازاي يا نجاة ده احنا يا حبيبتي بلديات

بلديات - محمد رشدى

بلديات (حفل) - محمد رشدى

مدونة تراثنا للفن الأصيل
www.Torasna.blogspot.com

كلمات: عبد الرحمن الابنودى | الحان: حلمى بكر
من تسجيلات عام 1987

الكلمات
سهرانين الليل بطوله
الليل طويل يا حبيبى ازاى 
ده سارح كأنه ندهة ناى
ضايع ما بين خجلك وحياى
وانا والليالى سهرانين
تسهر واسهرلك للصباح
ياللى عينيك تشفى الارواح
فات العشاء والفجر اهو لاح
وانا وعيونى سهرانين
الرقة عندك اول طبع
وده اللى احبه انا بالطبع
على قلبى طابع صورتك طبع
وانا وعيونى سهرانين
لو قلبى من السنة متألم
يطيب لو انت بتتكلم
طولت النجوم من غير سلم
واحنا يا حبايب سهرانين
حبيبى يا تمر الحنة
الليل صبح واحد منا
سهر علشان احنا سهرنا
وانا والليالى سهرانين
وطول ما ليل ورا ليل بيفوت
انا بحب كلامك موت
وبفهمه لو من غير صوت
لو ملتى يا دنيا
سهرانين الليل بطوله

سهرانين الليل بطوله - محمد رشدى

مدونة تراثنا للفن الأصيل
www.Torasna.blogspot.com

كلمات: محمد حمزة | الحان: بليغ حمدى
اسطوانات صوت الفن عام 1972

الكلمات
بناديلك بناديلك فين انت وأنا أجيلك
والله واحشني بس حايشني أعرف فين وأنا اجيلك
وعيبة ع اللي حبناهم عيبة
وعيبة تبقى قلوبنا في المحبة غريبة
فين أروحلهم وأسهرلهم وأشيل معاهم همهم
ده في بعدهم وف قربهم في قلوبنا والله حبهم
وإن قالوا توب إزاي بس إزاي راح اتوب
ده انت ف كل كل طريق بمشيه اسمك مكتوب
والله أنا صبري زاد في مراره صبر أيوب
خاين؟ أبدا أبدا
ناسي؟ أبدا أبدا
قاسي؟ أبدا أبدا
بس واحشني واللي حايشني أعرف فين وأنا اجيلك

بناديلك - محمد رشدى

مدونة تراثنا للفن الأصيل
www.Torasna.blogspot.com

كلمات: عبد الرحمن الابنودى | الحان: حلمى بكر

الكلمات
قدام بيت اللى بحبه
اه يا ابوى يا ابو يا ابوى
سجرة ضلة ومعنى وهوى
مجروح ويا ناس قولوا لحبيبى
فى ايده هو وبس الدوا
دنيا يا دنيا لفين وخدانى
شايلانى من الارض وحطانى
يا تفرحينى مدام خدتينى
يا ترجعينى احب مكانى
مكانش عشمى يا دنيا معاكى
تحبى ضحكة قلبى الباكى
انسينى انتى الله يهديكى
مدام انا مش قادر انساكى
ولامتى بس هاروح واضل
شجر الحبايب هجروا الضل
يا ترجعينى حدا اللى بحبه
نضحك سوا ونمشى سوا
قولتيلى حلوة الدنيا
صدقت من طيبة قلبى
مشيت مشيتى جريت جريتى
وسيبت اهلى وحبايبى
مكانش عشمى يا ايام واصل
ارحل وارحل عمرى ما اواصل
ضيعت قلبى ونسيت حبايبى
اهو ده اللى صار وادى اللى حاصل
ولامتى بس هاروح واضل
شجر الحبايب هجروا الضل
يا ترجعينى حدا اللى بحبه
نضحك سوا ونمشى سوا

قدام بيت اللى بحبه - محمد رشدى

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة