لو بتحب المغامرة تعملها أو تسمعها فبودكاست ده ليك، ممكن تكون مش بتحب الألعاب الخطيرة برضه بس تحب تعرف الناس بتحبها ليه و بيحسوا بإيه
أمل لخصتلنا كل المغامرات الخطيرة في جنوب أفريقيا و رتبتلها إزاي هي و أصدقائها
أسمع البودكاست ده علشان تعرف كل تفاصيل المغامرة

season 4

الحلقة_٤٨  ٧ مغامرات أدرنالين في  جنوب أفريقيا

أيوة  فيه ناس بتسافر ببلاش و مش بتجيب سيرة إزاي🤫 محمد منهم بس حيعرفنا و يحكي لنا عن تجاربه في السفر ببلاش تماما من غير ما يدفع و لا قرش جوة و برة مصر
كمان حيدلنا على سكك السفر ببلاش علشان نعمل زيه و نلف العالم 🌏

🎧إسمع البودكاست ده و أنا متأكدة ان فيه كلام أول مرة تسمعه عن أسرار السفر ببلاش اللي الناس بتخبيها 😉

season4

الحلقة_٥٠ إزاي محمد بيسافر ببلاش تماما🤫

البودكاست ده لمروة و مصطفى ثنائي السفر بس مفاجأة المرة دي مصطفى هو المذيع 🙃 و مروة اللي بتحكي.
مصطفى حيطلع من مروة تفاصيل تخطيط رحلة سريعة مدينة كابدوكيا في تركيا ، كل اللي محتاج تعرفه علشان تحط المكان المختلف ده على قايمة الوجهات اللي حتطلعها  أو تحبه و تحس أنك زرت المدينة الجبلية القديمة جدا جوة حكايات مروة ، و طبعا حنحكي عن ما يحدث ورا صور البالون المميزة لكبادوكيا و صور السجاد القديم و الفنادق الي محفورة جوة الجبل و مدينة الجن القديمة اللي في بطن الجبل و حواديت كتير,
إسمع 🎧 البودكاست ده حتتعرف و تتحمس لكبادوكيا جدا و حتعرف مصطفى كان فين و مروة في كابدوكيا 😉

الحلقة_٥٦  في ٤٨ ساعة لف كبادوكيا في تركيا

في البودكاست ده  الفنانة التشكيلية مي السيد حتعرفنا بُعد جديد  في التطوع و السفر، كلام أول مرة حتعرف أنه موجود في مصر، تطوع فني كيوت جدا في مشروعات صعبة جدا مع السفارات و الهيئات الأجنبية في مصر.
تجارب  مختلفة في جنوب مصر ومع أطفال الشوارع و رياضيين كلها فيها مساعدة للمجتمع و سفر  أو أستقبلها لمسافرين
لو أنت بتحب مساعدة المجتمع، أو بتحب السفر أو بتحب تسافر بدون تكلفة مادية كبيرة، اسمع  🎧البودكاست ده حينورلك 💡 لمبات جديدة من الأفكار

season 5

الحلقه_ ٥٨ التطوع حيسفرني فين في مصر

أول ميني بودكاست عن كبسولة حجز الطيران، حيوضحلك كل الخبايا و النقط اللي محتاج تركز عليها علشان تحجز أحسن تذكرة طيران بأحسن سعر.
 بحذركم ان المعلومات كتيرة و دسمة يعني ممكن تحتاج تسمعها أكتر من مرة أو تكتب منها كمان المعلومات الجديده عليك 🙃 
و ماتنساش تشارك الميني بودكاست مع الناس اللي حتستفيد منه

الكبسولة_١ إزاي أحجز أرخص تذكرة طيران

خالد بيعرفنا على كل واحات مصر بعيونه، بحرية، خارجة، داخلة و غيرهم، حيحكي لنا قصص و حكايات و مغامرات عاشها في رحلاته المتعدد لكل واحة على موتسكله في سفر بطئ ممتع.
 ناس قبلها و مخاطر عدى بها، لحد أخر حكاية في البودكاست حتفضل مترقب و بتفكر هو عدى بكل ده إزاي 🤔
 إسمع البودكاست ده و أعرف واحات مصر بعيون رحالة بيسافر ببطء

الحلقه_٦٠ لف واحات مصر كلها مع خالد على موتسكله

إزاي أسافر و أوفر  ثمن الطيارة، Voyship أبليكاشن
بتساعد أي مسافر يكسب مبلغ و هو مسافر عن طريق توصيله بناس عايزة تنقل حاجة من وجهة سفره بطريقة أمان
 إسمع 🎧 البودكاست مع محمد الجوهري مؤسس الأبليكاشن علشان تفهم إزاي حتستفيد و تبدأ تخطط لأول سفرياتك
لما تسمع أخر البودكاست حتعرف إزاي ممكن أسرة كاملة تسافر ببلاش تماما 🤫

الحلقة_٦١  Voyship حترجعلك فلوس الطيارة

لو من أحلامك تلف أوروبا بميزانية محدودة و في نفس الوقت تكون مرتاح، المعادلة الصعبة دي محمود حققها مع زوجته و أولاده.  أسس كرافان بنفسه في وقت الكورونا الثقيل لما كنا قاعدين مش عارفين نسافر، و أنطلق أول ما الدول بدأت تفتح من ألمانيا يستكشف الدول الأوروبية. إزاي بنا الكرافان؟ بيعيشوا فيه إزاي؟ خطوط السير؟ و التحديات كلها في داخل البودكاست 🎧
لما تسمع للأخر حتعرف إزاي ممكن تأجر كرافان كسائح و تخوض نفس التجربة 😉

الحلقة_٦٢ محمود و شعاع يلفوا أوروبا بالكرافان

البودكاست ده مختلف جدا لأني بتكلم فيه مع مصطفى من بودكاست أفر جرين اللي دايما بيتكلم عن البساطة و المحافظة على البيئة، بس النهاردة الكلام كله عن السفر و إزاي كل واحد فينا بيحاول يشيل أقل شنط سفر و حنطلعلكم كل أسرارنا 😉

الحلقة_٦٣ إزاي تسافر بشنط خفيفة

عمر بيدرس الجامعة في روسيا بقاله تلات سنين ، حكلنا بقى رحلته من مجموع الثانوية العامة اللي أضطره يسافر و إزاي و الورق المطلوب، لحد رحلة التكيف و الإستمتاع في العيشة في روسيا و عمل صداقات و مجتمع هناك. 
محتاج إيه و حيكلفك كام الدراسة و الإقامة و  مين يقدر يساعدك في ده … تأثير الحرب علي الحياة حاليا في روسيا كل ده حتعرفه  لما تسمع البودكاست ده و تتعرف علي روسيا أكتر

الحلقة _٦٥ خطوات السفر للدراسة في روسيا

في البودكاست ده حتعرف كل حاجة عن الدراسة في تركيا، التقديم، التكلفة، طريقة العيشة هناك كطالب.
علشان لو بتفكر تقارن بين الدراسة في تركيا ولا في روسيا،  إسمع البودكاست ده وإسمع البودكاست اللي فات عن الدراسة في روسيا 😉
حتعرف بالظبط مين الأفضل لك

الحلقة_٦٦  الدراسة في تركيا

يعني إيه تعليم حر و أحسن من تعليم المدرسة، سارة مدربة تعليم حر و مصممة تجارب تعلم حر عن طريق السفر حتحكيلنا التفاصيل و عملت كده أزاي مع أبنها في رحلة أستمرت سنة و ربع.
 ده طلع فيه مجتمعات للتعليم الحر و مش ناس كتير تعرف عنها، هي حتعرفنا عليها، لو حابب تجربة مختلفة تعلم بيها ولادك أسمع  البودكاست ده فيه كل المعلومات الأساسية و نتيجة عملية لناس طبقت الكلام ده.

الحلقة_٦٧ ماتروحش المدرسة و أتعلم حر

في البودكاست ده علي حيحكلنا بالتفصيل إزاي طلع عمرة لوحده من غير شركة سياحة و وفر نص التكلفة من غير ما يكون معاه فيزا تانية تساعده و لا إقامة أجنبية.
 حتحتاج تركز في كل تفصيلة علشان تعمل زيه بالظبط

الحلقة_٦٨ إزاي تروح عمرة لوحدك بدون شركة

سفرية لكينيا بطفل ممكن تقلب بنكد إلا لو عملتها كينيا لايت فيرچين بأنشطة بسيطة تنفع لأسرة. 
في البودكاست ده مروة و مصطفى حيحكولنا زاروا إيه مع طفلهم في كينيا ومازاروش إيه، والحياة البرية مع الحيوانات هناك، غير المواقف الغريبة و المغامرات اللي قابلتهم هناك من أول ما ركبوا الطيارة من الفيز المستعصية و الشهادة الصفرا.

إسمع البودكاست ده و سافر معاهم في رحلة إلي كينيا الفيرچين اللايت

الحلقة_٦٩ سفرية لكينيا لايت

في البودكاست ده حتعرف إزاي تقدر تاخد أكتر من منحة، أمل حتحكي لنا عن منح و سفريات بدأت معاها من المراهقة و لحد ما خلصت الجامعة و إشتغلت.
 المنح كانت جوة مصر و في أمريكا و جنوب أفريقيا، كل المنح دي لسة موجودة و لما تعرف قصة أمل الملهمة حتعرف السكة و توصلهم إزاي.
 لو مهتم بمعلومات عن التعليم برة بدون مصروفات، البودكاست ده ليك، لو حابب تسمع قصة نجاح تحمسك تكمل أي مشوار، إسمع البودكاست ده

الحلقة_٧٠ انت كمان ينفع تاخد كذا منحة

عايز تسمع بيبيعوا إيه في السوبرماركت في البلاد المختلفة غير اللي في بلدك و رأي دينا البنت المصرية الحريفة في السوبرماركت و مشهورة أنها الوحيدة اللي بتعمل تقييمات عن المنتجات علي السوشيال ميديا لما جربت منه حاجات كتيرة و غريبة و لذيذة، اسمع البودكاست ده حتتعرف على السوبرماركت و تجيب منه إيه في اليابان و أمريكا و هولاندا و الهند و اخرون

season5

الحلقة_٧١ السوبرماركت في الدول التانية ماله!

جزر المالديف مبنعرفش عنها غير صورة الفيلا اللي وسط بحر حلو قوي و صينية الفطار في البيسن ، و في نفس الوقت بنلاقي أعلانات رحلات أسعرها معقولة مش لايقة علي الدلع ده ، و تفاصيل كتير في النص مش واضحة . في البودكاست ده مصطفي و مروة حبحكولنا  حواديت مفصلة عن المالديف ، إية الجزر دي و أنقي مكان فيها أزاي و الفرق بين الجزر إية . بعد البودكاست ده حتعرف تخطط سفريتك للمالديف و تفهم تفاصيل أي أعلان حتشوفه و تتقي المناسب ليك

الحلقة_٧٢ دليلك لجزر المالديفز

شيرين حتفرجنا علي الهند في مغامرتها علي موتوسكل لوحدها مع مفارقات غريبه و ناس مختلفه ، وقوع و توهان و بيات في مزرعه و قري صغيره و حواديت كواتش سيرفنج من هنا لبكره و أكل مختلف. تعالوا نسمع و نتفرج معاها

season 7

الحلقة_٧٣ رحلة الشاه كابور في الهند

محمود مؤسس have a dream , الأكبر و الأقدم و يمكن الوحيده اللي بتقدم فرص سفر تطوعي منظم في مصر هو ضيفنا. حيحكلنا أزاي تقدر تسافر عن طريق التطوع، هو بدأ أزي و بيعملوا إيه في التطوع و بيروحو فين. قصص كتير حتفتحلك باب عالم جديد ، أسمع البودكاست و أعرف السكة لمتعة جديدة في الحياة السفر و التطوع و المساعده و ممارسة الإنسانية

الحلقه_٧٤  سكة السفر التطوعي have a dream

حكاية عيلة لفيت في إيطاليا ، حتعرف عن البلد و جمالها في الطبيعه و المعمار و كل مدينه زرناها ، مواقف طريفه و صعبه ومغامرات . أكتر حاجه حتسمع عنها في البودكاست هي الأكل الإيطالي علشان تعمل حسابك مروه و مصطفي حيجوعوك 😉

الحلقة_٧٥ ٧إيام في إيطاليا

سعيد الخولي لف كل صحاري مصر شبر شبر ، حيحكيلنا اللي مانعرفهوش ، الديناصورات اللي لقوها ، الكهوف ، الحيوانات المرعبه الموجوده في صحرا. و حواديت عن الطيور المهاجره و الصيد الشريف و الطبخ في الصحرا. أسمع  البودكاست ده و حضر نفسك لقاعدة طويله بدون بربشه و فيه مفاجأة من ترافل كودز في أول البودكاست بلغونا رأيكم فيها علي الصفحه 😉

season 6

الحلقه_٧٦ لف صحاري مصر مع سعيد الخولي

إيمان حتحكلنا في البودكاست ده إزاي قدرت تلاقي أكتر من فرصه   تسافر و تتعلم تأمل مجانا في المغرب و تايلاند . شغفها في السفر داخلها في مناطق جديده أتعلمت فيها و أتعرفت علي نفسها بشكل أحسن . قدمت إزاي و عملوا إيه هناك و لو عايز توصل زيها تعمل إيه .. أسمع 🎧البودكاست ده علشان تعرف كل الحدوته

الحلقه_٧٧ فرصة تعلم مموله في تايلاند

المغرب وجهه سياحيه طالعه بسرعة الصاروخ عالميا ، يا تري العالم كله متجه ليها لية؟ محمود فخري أقوي مرشد و صاحب أكبر رحلات للمغرب حيحكلنا  عن المغرب ، تقعد قد إيه و تروح فين و تدفع كام و كل سؤال جاه علي بالك علشان تسافر هناك حتسمع أجابته من محمود . أسمع 🎧 البودكاست و سافر في رحله متنظمه بحرفيه علي كنبتك 😉

الحلقه_٧٨ دليلك في المغرب مع فخري

بودكاست النهارده مش عن رحله و لا فسحه ، النهارده معانا دكتور سويلم طبيب نفسي في مهام نقل لمرضى من بلد لبلد تبع هيئات دوليه .أسرار و قصص منعرفش عنها من التجهيزات الطبية في الطياره و لناس بتسافر معانا بظروف لا نتخيلها  ، مواقف شيقه و غريبه و نصايح لينا من دكتور مسافر ، لو ليك شوق في شوية أثاره 🎧 أسمع البودكاست ده و أستمتع حتي أخر لحظه

الحلقه_٧٩   مغامرات دكتور  مع مريضه  في الطيارات

نعي في البودكاست ده حتحكلنا عن كتابتها في أدب الرحلات و التاريخ و الحكايات اللي ورا كل كتاب و تاريخ أماكن أعتدناها  و معمار فني و حكياته في مدن مختلفه في أوروبا و أمريكا و دول عربيه ، أسمع البودكاست ده حتطلع رحله ممتعه عن العشق و السفر

الحلقه_٨٠ عن العشق و السفر مع نهي عوده

مروه و مصطفي حيحكولنا تايلاند ممكن تعمل فيها إيه كعيله و خصوصا أن مصطفي راحها و هو أعزب فبيدينا الخلاصه و الفرق ما بين الحالتين و المزارات المناسبه لكل حاله . تفاصيل الرحله من أماكن و أكلات و مواصلات و مشاهدات يوميه  و شوية نصايح للي بيخطط الرحله دي أو اللي نفسه يسافر معاهم في الحكايات

الحلقه_٨٢ تايلاند لما تكون عائليه

حلقة الامازون، مروة و مصطفي حياخدونا في رحله ٤ ايام جوة غابات الامازون. من اول تحضيرات الرحلة و حيحكوا لنا ايه هي غابات الامازون و شافوا إيه من اول جزيرة القرود و الطيور المميزه للمكان مرورا برحله تقفي اثار التماسيح باليل و رحله صيد سمك البيرانه المفترس ( بتاع فيلم الفك المفترس). كمان حياه السكان في الغابه علي النهر و بره و السمك و الاكل الغريب هناك. و قريه الصيادين العايمه بيوتهم و مدراسهم و كنايسهم، و البنزينات العايمه بالكوفي شوبس اللي فيها( ذي اون ذا ران كده) و رحله النهر الاسود. تفاصيل كتيره و مثيره حنعيشها معاهم ، فرصه تطلع رحله الامازون في ٤٠ دقيقه فقط

Travel codes

Amazon Trip eps01 الحلقة_1 الامازون

لو أنت من الناس المضغوطة في مفرمة الحياة 🥴 😒و عايز تفصل تماما لفترة صغيرة أو كبيرة و مش عارف تروح فين، البودكاست ده حيديك كتالوج الفصلان السريع جوة مصر:
نوبيع/رأس شيطان/طابا.
لمبنا كل المعلومات الي محتاجها في بودكاست واحد من أول حتروح ازاي، تقعد فين و تقييمات أشهر الأماكن هناك، حتعمل أيه و تستمع ازاي و أماكن الخروجات و المزارات هناك
إسمع 🎧 البودكاست حتلاقي  الخلاصة 😉

season 2

الحلقة_٢٧ كاتلوج نوبيع و راس شطان خطوة خطوة

السفر بالأطفال يا بيكون متعة يا بتقلب سفرية نكد و مرمطة للأهل. علشان نتفادى الاختيار التاني أخدنا  كل النصايح و الإحتياطات من رضوى مؤسسة شركة ماما في الشغل اللي بتدعم الأمهات في كل مسؤلياتها.
رضوى بتحب السفر زينا و بتسافر كتير حتكلمنا الخلاصة من سفرياتها مع ابنها برة و جوة مصر و كمان خبرتها من الامهات التانيين.
 إسمع 🎧 البودكاست ده و إعرف تستمتع إزاي مع أولادك في السفر

season 3

الحلقة_٣٣ أهم خطوات السفر بالأطفال من ماما في الشغل

حقيقة الإقامة في ألمانيا و فرق الثقافات بين الشعب الألماني و المصري من أصغر الحاجات للنظام و الإحتفلات و الأكلات و العلاقات الإنسانية، أماكن الفسح اللي السياح مايعرفوهاش كل ده و أكتر  دكتورة نهال حتكهولنا في بودكاست عن حياة المغترب في ألمانيا. فلو بتفكر  تسافر شغل،فسحة، هجرة لألمانيا البودكاست ده مايفوتكش 🎧

الحلقة_٤٠ مذكرات ٦ سنين اقامة في ألمانيا

أهلاً بكم في البودكاست العربي Travel Codes    
 البودكاست بتاعنا بيتكلم عن ثقافة السفر, معلومات جديدة ,خبايا عن السفر
 و خبرات شخصية متفردة من مسافرين مختلفيين
كل يوم تلات حنستمتع برحلة جديدة مع ضيف جديد في صحبة مروة علي‎   

 you can reach us via email : travelcodespodcast@gmail.com & FB : https://www.facebook.com/Travelcodespodcast/, instagram: @marwa_travelcodes

Popular tracks by Travel Codes بودكاست