لو بتحب المغامرة تعملها أو تسمعها فبودكاست ده ليك، ممكن تكون مش بتحب الألعاب الخطيرة برضه بس تحب تعرف الناس بتحبها ليه و بيحسوا بإيه
أمل لخصتلنا كل المغامرات الخطيرة في جنوب أفريقيا و رتبتلها إزاي هي و أصدقائها
أسمع البودكاست ده علشان تعرف كل تفاصيل المغامرة

season 4

الحلقة_٤٨  ٧ مغامرات أدرنالين في  جنوب أفريقيا

أيوة  فيه ناس بتسافر ببلاش و مش بتجيب سيرة إزاي🤫 محمد منهم بس حيعرفنا و يحكي لنا عن تجاربه في السفر ببلاش تماما من غير ما يدفع و لا قرش جوة و برة مصر
كمان حيدلنا على سكك السفر ببلاش علشان نعمل زيه و نلف العالم 🌏

🎧إسمع البودكاست ده و أنا متأكدة ان فيه كلام أول مرة تسمعه عن أسرار السفر ببلاش اللي الناس بتخبيها 😉

season4

الحلقة_٥٠ إزاي محمد بيسافر ببلاش تماما🤫

عمر بيدرس الجامعة في روسيا بقاله تلات سنين ، حكلنا بقى رحلته من مجموع الثانوية العامة اللي أضطره يسافر و إزاي و الورق المطلوب، لحد رحلة التكيف و الإستمتاع في العيشة في روسيا و عمل صداقات و مجتمع هناك. 
محتاج إيه و حيكلفك كام الدراسة و الإقامة و  مين يقدر يساعدك في ده … تأثير الحرب علي الحياة حاليا في روسيا كل ده حتعرفه  لما تسمع البودكاست ده و تتعرف علي روسيا أكتر

season 5

الحلقة _٦٥ خطوات السفر للدراسة في روسيا

في البودكاست ده حتعرف كل حاجة عن الدراسة في تركيا، التقديم، التكلفة، طريقة العيشة هناك كطالب.
علشان لو بتفكر تقارن بين الدراسة في تركيا ولا في روسيا،  إسمع البودكاست ده وإسمع البودكاست اللي فات عن الدراسة في روسيا 😉
حتعرف بالظبط مين الأفضل لك

الحلقة_٦٦  الدراسة في تركيا

يعني إيه تعليم حر و أحسن من تعليم المدرسة، سارة مدربة تعليم حر و مصممة تجارب تعلم حر عن طريق السفر حتحكيلنا التفاصيل و عملت كده أزاي مع أبنها في رحلة أستمرت سنة و ربع.
 ده طلع فيه مجتمعات للتعليم الحر و مش ناس كتير تعرف عنها، هي حتعرفنا عليها، لو حابب تجربة مختلفة تعلم بيها ولادك أسمع  البودكاست ده فيه كل المعلومات الأساسية و نتيجة عملية لناس طبقت الكلام ده.

الحلقة_٦٧ ماتروحش المدرسة و أتعلم حر

شيرين حتفرجنا علي الهند في مغامرتها علي موتوسكل لوحدها مع مفارقات غريبه و ناس مختلفه ، وقوع و توهان و بيات في مزرعه و قري صغيره و حواديت كواتش سيرفنج من هنا لبكره و أكل مختلف. تعالوا نسمع و نتفرج معاها

season 7

الحلقة_٧٣ رحلة الشاه كابور في الهند

حكاية عيلة لفيت في إيطاليا ، حتعرف عن البلد و جمالها في الطبيعه و المعمار و كل مدينه زرناها ، مواقف طريفه و صعبه ومغامرات . أكتر حاجه حتسمع عنها في البودكاست هي الأكل الإيطالي علشان تعمل حسابك مروه و مصطفي حيجوعوك 😉

الحلقة_٧٥ ٧إيام في إيطاليا

المغرب وجهه سياحيه طالعه بسرعة الصاروخ عالميا ، يا تري العالم كله متجه ليها لية؟ محمود فخري أقوي مرشد و صاحب أكبر رحلات للمغرب حيحكلنا  عن المغرب ، تقعد قد إيه و تروح فين و تدفع كام و كل سؤال جاه علي بالك علشان تسافر هناك حتسمع أجابته من محمود . أسمع 🎧 البودكاست و سافر في رحله متنظمه بحرفيه علي كنبتك 😉

الحلقه_٧٨ دليلك في المغرب مع فخري

حقيقة الإقامة في ألمانيا و فرق الثقافات بين الشعب الألماني و المصري من أصغر الحاجات للنظام و الإحتفلات و الأكلات و العلاقات الإنسانية، أماكن الفسح اللي السياح مايعرفوهاش كل ده و أكتر  دكتورة نهال حتكهولنا في بودكاست عن حياة المغترب في ألمانيا. فلو بتفكر  تسافر شغل،فسحة، هجرة لألمانيا البودكاست ده مايفوتكش 🎧

season 3

الحلقة_٤٠ مذكرات ٦ سنين اقامة في ألمانيا

إحنا المصريين يا ترى بنشوفكم ازاي
لما بتقابل أجانب من ثقافات مختلفة دايما بتحاول تبني إنطباع عام علشان تسهل على نفسك التعامل معاهم في المستقبل و طبعا بنبقى داخلين على كل شعب عندنا شوية اسطمبات معروفة، الانجليزي غلس و الفرنساوي رفيع و الافريقي فقير و...... حاجات كتير قوي لما بتنزل لأرض الواقع بتكتشف انه أوشعات 😲
مصطفى و انا في البودكاست ده حنحكيلكم عن أنطباعتنا الحقيقية من التعامل المباشر و سفرنا لبلاد مختلفة، حنحكي عن الشعوب اللي شبهنا قوي و اللي عكسنا خالص و ماتنسوش ان معايا أقوى دكتور نفسي في مصر يعني تحليل الشخصيات هواية بتمكن و احتراف 😉
إسمع  🎧 البودكاست ده فيه حقايق عن الشعوب غير المتداول المضروب، حينفعك في التعامل لما تسافر أو في شغلك مع الجنسيات المختلفة

الحلقة_٤٢ كل جنسية و طلعت عاملة ازاي

الهند بلد  سياحية مختلف عليها، ناس بتعقشها و ناس ترجع منها متضايقة، يمكن علشان  هي كبيرة جدا و فيها تنوع رهيب فالتخطيط لسفرية حلوة هناك مهمة صعبة. الرحالة نهلة عوض من النوع الأول جدا. لما تسمع البودكاست بحكايتها و مغامرتها هناك  حتشوف الهند الجميلة، احتفالات في الشوارع، طبيعة رائعة، شعب لذيذ و مضياف. البودكاست ده حيختصرلك الطريق لو بتفكر تسافر الهند حتعرف تروح فين بالظبط ، و لو مش ناوي تروح ممكن تغيير رأيك 😉

الحلقة_٤٦ حروح فين في الهند مع نهلة عوض

أهلاً بكم في البودكاست العربي Travel Codes    
 البودكاست بتاعنا بيتكلم عن ثقافة السفر, معلومات جديدة ,خبايا عن السفر
 و خبرات شخصية متفردة من مسافرين مختلفيين
كل يوم تلات حنستمتع برحلة جديدة مع ضيف جديد في صحبة مروة علي‎   

 you can reach us via email : travelcodespodcast@gmail.com & FB : https://www.facebook.com/Travelcodespodcast/, instagram: @marwa_travelcodes

الحلقة _٦٥ خطوات السفر للدراسة في روسيا

Travel Codes بودكاست

Related tracks