كلمات القصيدة:

خوية انفطر دلالي
من شفتك بهالحاله
قوم أحملك يالغالي
لا تدوسك الخيالة

أحنا الظهر بو اليمة
وحط راس اخوه بحجرة
تذكر مصاب الزاكي
و من عينه هل العبرة
حس البطل بدموعة
وذب راسه فوق الغبرة
يا حجر يآوي راسك
يا بو علي ويبرى لك


خلها تدوس عليه
خيل العساكر كلها
بس ما اشوف سكينة
ودمعة عتب تهملها
لمدللة عطشانه
ونتها متحملها
ويذبحني حال وليدك
منه النفس شعاله


معتاد أقول لزينب
يختي اطلبي ومن عيني
ومعتادة بس تنشدني
تشوف العلم بيميني
يا عين احشم بيها
و مقطعة جفيني
واسمعها تنشد خوية
ليش العلم ما شاله


واشلون ارد الزينب
يحسين و هذي ضروفي
سهم العدى في عيني
ومقطعة جفوفي
وتسالني وين الراية
وهذا يخوية خوفي
وشايل حملها تشوفه
ويريد اله شياله

لا تدوسك الخيالة | إصدار "القرار" 1442/2020

محرم الحرام 1442 / 2020