I Know Who I Am Live

BIOGRAFIA 

E agrupashon musikal gòspel aki, a inisiá na aña 2006 komo UNITY. Na aña 2007, el a kristalisá i a sigui te 2012 ora a modifik'é, i el a haña e nòmber “The Real Unity Experience (T.R.U.E)”. Meta di e agrupashon musikal gòspel aki ta pa ministrá pa medio di diferente género musikal, pero ku énfasis riba “ritmo kombiná”. 
T.R.U.E a wòrdu fundá pa Sharyon de Lanoi, Mernick Martha i Rodney Mambre.  Aktualmente Pastor Everon Rosini ta konsehoro i guia spiritual di T.R.U.E. Clifton H.H. Hariquez, ta un kompositor, nan lider i direktor musikal. 
Un di e faktornan di mas bunita di e agrupashon aki ta ku e integrantenan (músikonan/kantantenan) ta miembro di diferente iglesia i tin diferente idiologia. Komo agrupashon T.R.U.E ta representá i ke  kultivá e aspekto di Unidat den Kristu. Ideologia no ta mas importante ku bida eterno i un bida dediká na nos kreador i salbador Kristu HESUS. 
T.R.U.E ta toka na diferente evenemento, e.o kasamentu, hasimentu di aña, aktividatnan sosial, etc. Nada no ta limitá T.R.U.E komo agrupashon, den alabá i glorifiká Dios, te na fin di mundu.

I Know Who I Am Live

TRUE