Majanga asili yametishia juhudi za kufikia malengo ya maendeleo endelevu au SDGs katika nchi zote duniani. Uganda ni miongoni mwa nchi ambazo mwaka huu na mwaka jana 2020 zimeathiriwa moja kwa moja na mlipuko wa COVID-19 na kuongeza chumvi kwenye kidonda cha mafuriko makubwa kihistoria. 

Licha ya changamoto hizo, serikali inawatia moyo wananchi kufanya kazi kwa bidii na kwa busara ili kudhibiti madhara ya majanga haya hasa jamii za ziwani zinazikabiliwa zaidi na majanga hayo mawili wakati mmoja. Makala iliyoandaliwa na John Kibego ina maelezo zaidi.

Makala- Nyumba ya mtu hiyo imetwama ziwani Uganda

Hii leo jaridani Leah Mushi anakuletea Habari kwa Ufupi zikimulika ufunguzi wa mkutano wa 66 wa Kamisheni ya Hali ya wanawake duniani, CSW66, hali ya chakula Yemen yazidi kudorora na siku ya Hisabati duniani na nafasi yake katika kukabili changamoto za sasa.
Kisha ni mada kwa kina ambayo Assumpta Massoi amezungumza na Jaji Hannah Okwengu wa Mahakama ya RUfaa nchini Kenya kuhusu umuhimu wa jicho la kijinsia kwenye mahakama, hususan uwepo wa majaji wanawake.
Na anatamatisha Jarida na mashinani inayokupeleka Tanzania kwenye soko la hisa la Dar es salaam na harakati zake za kusongesha malengo ya maendeleo endelevu, SDGs. Karibu!

Jarida 14 03 2022 na Leah Mushi - Habari kwa ufupi na Mahojiano  na Jaji Hannah Okwengu wa  Kenya

Hii leo jaridani Leah Mushi anamulika: Hofu na shaka inayotawala kwa familia zilizoko ukimbizini ndani ya Ukraine huku waume au baba zao wakisalia kwenye mapigano; Wito wa Baraza la Haki za Binadamu la Umoja wa Mataifa kwa serikali Myanmar izuie vikosi vyake vya usalama kushambulia raia; Walinda amani wanawake wa Umoja wa Mataifa kutoka Tanzania wakihudumu Jamhuri ya Afrika ya Kati, CAR wapaza sauti wanavyojisikia kuhudumu chini  ya bendera ya UN na mchango wao kwenye amani; Makala anabisha hodi kwenye kongamano la kimataifa la lugha ya kiswahili linaloendelea jijini Arusha nchini Tanzania na leo Mkurugenzi wa Radio Sauti ya Injili kutoka Goma, DRC anazungumza. Na kisha mashinani anabisha hodi Moldova kumulika harakati za Umoja wa Mataifa kufikisha misaada ya kiutu kwa wanawake na wasichana, karibu!

Jarida 15 Machi 2022 na Leah Mushi: Ukraine, Kiswahili, Myanmar, TANBAT, UNFPA

katika kukuza lugha ya Kiswahili duniani Baraza la Kiswahili la Taifa nchini Tanzania BAKITA limeandaa kongamano la wiki moja la Idhaa za Kiswahili duniani na kuwakutanisha wadau kutoka nchi mbalimbali zinazozungumza lugha ya Kiswahili jijini Arusha nchini humo.

Stella Vuzo wa Kituo cha habari cha Umoja wa Mataifa UNIC Dar es Salaam, Tanzania anashiriki Kongamano hilo na amefanya mahojiano na Mkurugenzi wa Redio sauti ya Injili iliyoko Goma jimboni Kivu Kaskazini nchini Jamhuri ya Kidemokrasia Kongo -DRC Mchungaji Ezra Kasereka Makoma anayeanza kwa kueleza namna redio yao inavyofundisha lugha ya Kiswahili wananchi wa DRC na nchi jirani ya Rwanda.

Makala- Stella Vuzo akizungumza na Mchungaji Ezra Kasereka Makoma wa Radio  Sauti ya Injili

Miongoni mwa yaliyomo leo katika jarida letu la Habari linaloletwa kwako na Leah Mushi

- Mswada mpya unaopendekewa Uingereza kuhusu uhamiaji hauna tija kwa wakimbizi, waomba hifadhi na wahamiaji yaonya ofisi ya haki za binadamu ya Umoja wa Mataifa na kutoa raia kwa serikali ya nchi hiyo kuufikiria upya

-Huko Gambia mradi wa mfuko wa Umoja wa Mataifa la ufadhili kwa kilimo IFAD waleta nuru kwa wakulima wa mpunga ambao pia wanafanya biashara

-Nchini Jamhuri ya Kidemokrasia ya Congo DRC, kikosi cha 8 cha Tanzania TANZBATT 8 kilichomaliza muda wake chini ya mpango wa Umoja wa Mataifa nchini humo MONUSCO kinajivunia mafanikio makubwa yenye tija kwa wananchi.

-Makala yetu leo inatupeleka Uganda wilayani Hoima kuangazia changamoto na athari za mafuriko kwa wanawake wa kikundi cha Kaiso Women Group (KWG)

-Na mashinani tunabisha hodi Lviv Ukraine kwake Nataliya Ambarova mfanyakazi wa kujitolea anasimulia jinsi machungu wanayopitia wakimbizi wa ndani nchini Ukraine

Jarida- Na leah Mushi leo 17-03-2022

Katika Jarida la mada kwa kina hii leo Ijumaa Lea Mushi na akuletea pamoja na mambo mengine

-Shirika la Umoja wa Mataifa la mpango wa chakula duniani, WFP limesema wakati bei za vyakula duniani zimefikia kiwango cha juu kabisa, WFP ina wasiwasi  juu ya athari za vita nchini Ukraine katika uhakika wa upatikanaji chakula duniani.

-Mtaalamu Maalum wa Umoja wa Mataifa kuhusu haki ya binadamu ya kupata maji safi na salama ya kunywa pamoja na huduma za kujisafi Pedro Arrojo Agudo ametaka kukomeshwa kwa tabia ya kujimilikisha, kuchafua na matumizi ya kupitiliza ya rasilimali ya maji ardhini ili kulinda haki ya binadamu ya kupata maji na kupunguza hatari zitokanazo na mabadiliko ya tabianchi.

-Shirika la Umoja wa Mataifa linalohusika na harakati za kutokomeza UKimwi, UNAIDS limepongeza bunge la Zimbabwe kwa hatua ya kufutilia mbali kifungu cha 79 cha sheria za uhalifu ambacho kinaharamisha maambukizi ya virusi vinavyosababisha UKimwi, VVU

-Katika  mada kwa kina leo tunaelekea nchini Tanzania, huko wadau wa idhaa za Kiswahili duniani wamekutana kuzungumza namna ya kuzidi kuitangaza lugha hiyo duniani

-Na kama ada ya kila Ijumaa tunajifunza Kiswahili leo mtaalam wetu Josephat Gitonga kutoka Kenya anafafanua maana ya methali "Mzoea kutwaa , kutoa ni vita"

Jaridani leo Ijumaa na Leah Mushi 18-03-2022

Tunaanza na habari kwa ufupi kisha mada kwa kina ambapo leo tutaelekea nchini Jamhuri ya Kidemokrasia ya Congo, DRC kukutana na mpiganaji wa zamani wa msitu ambaye sasa ameajiriwa na Umoja wa Mataifa. Na ikiwa IJumaa tutajifunza kiswahili

Jaridani Machi 25, 2022 na Flora Nducha

Hii leo jaridani na Grace Kaneiya ni mada kwa kina ikimulika harakati za taasisi ya TAI nchini Tanzania ya kutumia vikaragozi au katuni kuelimisha jamii kuhusu masuala mbalimbali ikiwemo haki, elimu na afya. Anold Kayanda amezungumza na Ian Tarimo, kiongozi wa taasisi hiyo ambaye alikuwa jijini New York, Marekani. Halikadhalika kuna habari kwa ufupi zikianzia masuala ya amani na usalama huko Jamhuri ya Kidemokrasia ya Congo, DRC kisha Jamhuri ya Afrika ya Kati, CAR na kutatatishiwa huko Ukraine ambako Umoja wa Mataifa unapeleka jenereta za umeme kuhakikisha huduma za hospitali kwa wagonjwa hazikomi kutokana na mashambulizi yanayoaendelea. Mashinani tunabisha hodi nchini Somalia kwa mnufaika wa mradi wa maji uliofanikishwa na UNICEF. Karibu!

Jaridani 20 Aprili 2022 na Grace Kaneiya- Ian Tarimo wa TAI Tanzania

Hii leo Jaridani mwenyeji wako ni Grace Kaneiya akikuletea jarida limesheheni mada kwa kina, Habari kwa Ufupi na kujifunza kiswahili.
Mada kwa kina ni uzinduzi wa filamu ya Royal  Tour Tanzania uliofanyika hapa Marekani na tunamulika mchango wake katika kufanikisha malengo ya maendeleo endelevu, SDG na mchambuzi ni Gerson Msigwa, Msemaji wa serikali ya Tanzania. 
Habari kwa Ufupi zinaanzisha hapa Umoja wa Mataifa Katibu Mkuu wa UN Antonio Guterres na ujumbe wake wa siku ya Mama Sayari Dunia. Je nini kifanyike kulinda makazi haya pekee tuliyojaliwa? Na kisha anamulika malazi mapya kwa wakimbizi wa ndani Ukraine na Habari kwa Ufupi inafungwa na taarifa kutoka Jamhuri ya Kidemokrasia ya Congo, DRC kuhusu doria za walinda amani wa Umoja wa Mataifa kutoka Malawi.
Na katika kujifunza kiswahili hii leo tunasalia Tanzania kwake Onni Sigalla na uchambuzi wa neno “nyunyuta,” Karibu!

Jaridani 22-4-2022 na Grace Kaneiya- Filamu ya Tanzania The Royal Tour na utalii endelevu

Katika Jarida la Jumatatu Aprili 25 kwanza ni habari kwa ufupi-

Ujumbe wa Umoja wa Mataifa nchini Sudan Kusini (UNMISS) umelaani vikali unyanyasaji na ukatili wa kingono ulioenea, mauaji ikiwa ni pamoja na watu kukatwa vichwa, kuchomwa moto raia wakiwa hai, na mashambulizi dhidi ya wahudumu wa misaada ya kibinadamu katika Kaunti ya Leer.  

========================================================== =============================

Leo ni siku ya malaria duniani mwaka huu ikibeba maudhui “Tumia ubunifu ili kupunguza mzigo wa ugonjwa wa malaria na kuokoa maisha”. 

Kwa mujibu wa shirika la afya la Umoja wa Mataifa WHO hakuna chombo kimoja kinachopatikana leo duniani ambacho kitatatua tatizo la malaria hivyom shirika hilo linataka uwekezaji na uvumbuzi utakaoleta mbinu mpya za kudhibiti vijidudu, uchunguzi, dawa za malaria na zana zingine ili kuharakisha kasi ya maendeleo dhidi ya kutokomeza ugonjwa huo wa malaria. 

(Siku ya malaria huadhimishwa kila mwaka Aprili 25 kwa leo la kuchagiza juhudi za kutokomeza ugonjwa huo unaokatili maisha ya mamilioni ya watu kote duniani. )

========================================================== ======================

Na jukwaa la 21 la Umoja wa Mataifa la watun wa asili, leo limefungua pazia jijini New York Marekani. Jukwaa hilo linalofanyika ana kwa ana na kwa njia ya mtandao likiwaleta pamoja watu kutoka kila pembe ya dunia mwaka huu linajikita na maudhui “Watu wa asili, biashara, uhuru na msingi wa haki za binadamu wanazostahili ikiwa ni pamoja na ya ridhaa kabla na baada ya taarifa”. 

Ikiwa ni siku ya Malaria Duniani  mada kwa kina leo inaangazia Malaria kuhusu mbinu mpya za kudhibiti ugonjwa huo,

JARIDA LA JUMATATU APRILI 25, 2022

Hii leo jaridani Grace Kaneiya anakuleta kwanza Habari kwa Ufupi ikiwemo taarifa kutoka Turkana nchini Kenya ambako Umoja wa Mataifa umezuru kuona hali halisi ya njaa. Katika Mada kwa Kina tumezungumza na Harrieth Kwetukia huyu ni kijana wa kike kutoka Tanzania akichora sanaa za kufikirika kusongesha malengo ya maendeleo endelevu, SDGs. Na katika kujifunza kiswahili tuna neno Mteremezi. Karibu!

Jaridani 12 Mei 2022 na Grace Kaneiya- Sanaa ya Kufikirika kutoka kwa Harrieth C. Kwetukia

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

Makala- Nyumba ya mtu hiyo imetwama ziwani Uganda

UN News Kiswahili

Related tracks