صلاة خوف
قصيدة لمحمود عزت

Prayer of Fear
A poem by Mahmoud Ezzat

صلاة خوف

نجّينا م الشرّير
ارحمنا م التجربة.
المعركة _المرّادي_
مش هيّنة..
المعركة غايمة..
غربال ورا غربال
وف صفنّا الجنرال..
المعركة مرعبة.

ووقفنا زيّ الجثث..
باصين على المدبحة.
الدم على صدرنا..
بننتصر؟ ولّا..
فـ طابور الدبح؟
هل دا سؤال العار
ولا السكوت أقبح؟
ننزل نلمّ الغنايم..
ولا نعدّ الجثث؟
خلاص..
فتحنا الطريق؟
ولا الطريق اتهدم؟
الشهدا أخدوا القصاص؟
ولا بكوا م الألم؟
المجد للقنّاص؟
ولا اللي مخّه اتقسم؟
نبني جدار للفخر؟
ولا نافورة الدمّ؟
فيه ظلم..
آخره الجناين؟
فيه عدل..
بابه الظلم؟

خرّجنا م المحنة
لما الغيلان صرخت
غارزين في بعض الناب.
فجأة اكتشفنا ف صوتنا
ريحة الدم..
وف وشنا أنياب.
وان الغيلان احنا

نجّينا م المحنة..
وم الهذيان..
وم النشيد العظيم
ع المارش..بالتعظيم..
بتردده الجماهير
بصريخ جماعي عنيف
يكبت صريخ الخوف..
واللي بيرفض يهتف
يبقى شق الصفّ..
خاين..فـ صف الوحدة
مش مصفوف..
نجينا م الوحدة
والصف ماتوحّدش..
لكن بيتوحّش
نجينا من رؤية
واضحة وضوح الجبل..
بين العمى والشوف
لكنها الأوهام..
خرّجنا منها سُلام..
أكتاف على أقدام..
خرّجنا منها نضاف
الدم مش ع الكفّ..
خرّجنا منها ألف..
أو ميّة..
أو واحد
ف المقتلة القايمة
ينسي سؤال الحرب
يسأل سؤال الضعيف
ويقول:
أنا خايف..
مش م الهزيمة
إنما م النصر
مفروش طريقه بالجثث
للقصر.
لا ندخله..
لا نحمي أصحابه..
نفضل نحاصره
وإسمنا مطموس
نكتب أسامي الشهدا
على بابه..
خرّجنا منها عرايا
زي ما دخلنا..
لا وزرا ولا حاشية
لا نلبس النياشين..
خرجنا منها جُداد
زي ما نزلنا
عيال كتير ماشية
من حدّ مش خايفين..

خرّجنا منها الآن..
نجّينا م التجربة..
المعركة مرعبة
نجينا م التجربة..
المعركة مرعبة.

PRAYER OF FEAR

Deliver us from the evil
Spare us this trial.
The battle, this time
Isn't easy,
The battle is murky
Strain after strain,
And on our side, the General.
The battle is terrifying.

We stood like corpses
Watching the massacre
The blood on our chests.
Are we winning? Or
In line for slaughter?
Is the question shameful?
Or is silence worse?
Should we scavenge the spoils
Or count the corpses?
Did we open the way?
Or is the path destroyed?
Did the martyrs find justice?
Or do they weep in pain?
Glory to the sniper?
Or the one whose brain is shattered?
Shall we build a wall to pride
Or a fountain of blood?
Can injustice
Lead to the gardens?
Can oppression
Be a gate to justice?

Lead us from the crisis
When monsters howled.
And sunk their teeth into each other.
Suddenly we felt the smell of blood
In our voice
And the fangs in our face.
And it us, who are the monsters.

Spare us this trial
The madness
And the great anthem
And the marching band
The salute
Echoed by the masses
The roaring cheer of the crowd
Silencing the cries of fear.
Whoever refuses to cheer
Divides us
A traitor
Breaking rank
Out of place.
Save us from unity
The ranks are broken
But they grow savage.
Deliver us from the vision
Clear with the clarity of mountains
Between blindness and sight.
They are delusions
Deliver us from them unruined;
Shoulders on feet.
Deliver us from them pure;
No blood on our hands.
Deliver us from them a thousand
Or a hundred.
Or one
Who in the unending killing
Forgets the question of war
And asks the question of the meek
And says
I'm afraid
Not of defeat
But of a victory
Whose path is strewn with corpses
All the way to the palace.
We do not enter
We do not protect its owners
We continue the siege
Our names illegible
We write the names of the martyrs
On its door.
Lead us out naked
As we entered
No ministers or courtiers
No medals
Lead us out new
As we were when we took the streets
A lot of kids walking
Not scared of anyone.

Deliver us now.
Spare us this trial.
The battle is terrifying.
Spare us this trial.
The battle is terrifying.

صلاه الخوف +موسيقي

كلمات عبد الرحمن الابنودي
الحان عمر خيرت
خايف من بكرة لية
مين يعرف بكرة أية
 أنا مش حبص ورايا ولا اقول آة 
مهما الأمل غاب العيون شايفاه 
 اليأس مش حيوصلك ولو الهموم حتحصلك 
مش راح تقف الحياة
 و نخاف من بكرة لية 
مين عارف بكرة أية
يا حبيبي ماله الليل طول 
 جريته هنا من عمن الأول  
و كل ما يقرب يخلص يرجع لنا م الأول
 سيب اللي يكرة يكرة و أنت أحلم ببكرة
 مع أنه لسة ما جاش 
 مهما تحاصرك همومك 
و يلومك مين يلومك 
مهما تعيشهاش بلاش

لسة الورود بتشق براعمها
 و الفرحة بتلاعب نسايمها 
ونخاف من بكرة لية مين عارف بكرة أيه

على الحجار  خايف من بكره ليه

الحب له صوت

مقدرش اقول غير اني باحب
واني اسير سحر المحبوب
وبقالي بعد ما شفتك قلب
وبقيتلي روح في الحب تدوب
اول ما شفت عنيك حنيت
صوتك خطفني من الملكوت
وعرفت اني خلاص حبيت
وعرفت ان الحب له صوت

كلمات الشاعر جمال بخيت
الحان الموسيقار حمدى رؤوف
من مسلسل السائروون نياما

الحب له صوت_علي الحجار

في قلب الليل
و عزف الصمت متهادي
كموج النيل
في قلب الليل
وبرد الخوف بيتكتك سنان الخيل
وما في حد في الشارع
سوى مهر اتربط جازع
وشجرة صنت
وأنا...والصمت
وبرد الليل
وخوف الليل

وصهل المهر لم أفهم
أخوف مني أم إتعاجب
سألت المهر لم يفهم
كلام مني و لا جاوب

وكان في عينيه
بريق مني
كأنه كان بيسألني
وقفت أنظر له ينظرلي
وأنظر له و ينظرلي
ولما صار كما خلي
فتحنا ابواب حكاوينا
وتهنا في أغانينا
في برد الليل
وخوف الليل
و حزن الليل
وكان في جيده قيد جارحه
وقيد في جيدي ما لمحه
لكن حسه
أكيد حسه
وفجأة لقيناأحلامنا
وصهل الفجر في عيوننا
مسكت قيوده فكيتها
صهل بمعاني...حسيتها
وصار يجري
و ينساني
و صار يجري و ينساني
وأنا بجري
في طريق تاني
في برد الليل
وخوف الليل
وحزن الليل
وبعد كتير..في ليل تاني
لقيته لوحده من تاني
في جيده يقيده قيد تاني
صهل تاني
ماردتشي!
وباقي لوحدي انا بامشي
في برد الليل
و خوف الليل
و حزن الليل

كلمات الشاعر / عصام  الخالده  
الحان وتوزيع الموسيقار / مودى الامام

في قلب الليل  على الحجار By Usama Elgendi

يا حبيبي 
يا حبيبي قد عمري قولتها لك
 وانت جنبي ببقى لسه مشتقالك
ما انت عارف  انت سامع انة الليل والشوارع 
كل حبة رمل بتقولك حرام  
حرام ... اتحرم حضن الخطاوي وفين انا
والطريق مايل بحمله من العتاب
والنسيم حس بفراقك سحره غاب
كل حاجه رافضه بعدك 
 مش هتفضل هي بعدك
صعب اصدق !
لو ضروري تفوتني
 خد مني الحنين
واختصر بعد السنه 
 خليه يومين لو ضروري 
قبل ما تسافر بعمري 
اسجن الشوق والمنى
واطلق الصبر في وريدي
 قبل ما يطول بعدنا لو ضروري  
حتى لوطال بعدنا .. حتى لو طال بعدنا
                   انت هنا
 

شنطة سفر - ياحبيبي - انغام.mp3

#dario marianelli

everything still of her 💔

The Cottage on the Beach Atonement

▶ حديث الصباح والمساء - نهاية  انغام

عبير نعمه .. لبيروت

من فيلم كتيبه اعدام لنور الشريف و معالي زايد 
الاغنيه هي من اجمل ماقيل في حب مصر 
غناء 
هدي عمار وتلحين عمار الشريعي

كلمات المبدع سيد حجاب

حبيبتى من ضفايرها طل القمر
و بين شفافيها ندى الورد بات

ضحكتها بتهز الشجر و الحجر
و حنانها بيصحى الحياة فى النبات

حبيبتى بتعلمنى احب الحياة
من حبى فيها حياتى شمس و ربيع

و الحب فى الدنيا دى طوق النجاة
لولاه يضيع قلبي المحب الوديع

يا حلوة يا بلدنا يا نيل سلسبيل
بحبك انت رفعنا راسنا لفوق

لو الزمن ليِّل ما يرهبنا ليل
شوقنا فى عروقنا يصحى شمس الشروق

للحلوة قلب كبير يضم الولاد


وزاد وزوادة وضلة وسبيل

الموت و الاستشهاد عشانها ميلاد
و كلنا عشاق ترابها النبيل


حبيبتى من تنهدها حن الوتر
غنت سحر صوتها الشجر والنخيل

و اتعلم النجم البعيد السهر
و ساب سماه و سرح فى موجك يا نيل

حبيبتى غنوتها غيطان الحنان
شموسة صافية نورها ما ينطفيش

فى حضنها بنرتاح و نلقى الأمان
نعيشه حتى ان متنا ليها نعيش

يا حلوة يا بلدنا يا نيل سلسبيل
بحبك انت رفعنا راسنا لفوق

لو الزمن ليِّل ما يرهبنا ليل
شوقنا فى عروقنا يصحى شمس الشروق

للحلوة قلب كبير يضم الولاد
و زاد و زوادة و ضلة وسبيل

الموت و الاستشهاد عشانها ميلاد

و كلنا عشاق
و كلنا عشاق ترابها النبيل

حبيبتي من ضفايرها طل القمر - by  UsamaElgendi

يابدع الورد اسمهان . بصوت وعد البحيري.by usama

وحياتك يا حبيبي .. ريح قلبي معاك
غلب الحب معايا وتعبت .. وتعب الشوق وياك
ما تفوتنيش انا وحدي .. افضل احايل فيك
ما تخليش الدنيا تلعب بيا وبيك
خلي شوية عليا وخلي شوية عليك

عمر هوانا بيجري بيجري .. شوف راح منه كام ؟
ساعة شوق ومحبة .. وشهر بعاد وخصام
ويبقي الحب تايه .. مش عارف احنا فين ؟
زي المركب ما تبقي .. محتارة بين شطين
لكن لإمتي .. يا عيوني انت ؟
نبقي حبايب .. ومش حبايب
لحد امتي ؟
وارجع تاني واقولك ريحني الله يخليك
عشان المركب تقدر تمشي بيا وبيك
ما تفوتنيش أنا وحدي .. أفضل احايل فيك
ما تخليش الدنيا تلعب بيا وبيك
خلي شوية عليا .. وخلي شوية عليك
خلي شوية عليك .. وشويه عليك

الليل
الليل بدموعه قاسي .. ويا ويلي من ساعاته
والصبر لسة ساكت .. ويا ويلي من سكاته
توعدني بفرحتي .. واستني بضحكتي
زي الوردة ما تبقي مستنية الندي
وتغيب وتفتكر .. وتجيني وتعتذر
فين القلب اللي يقدر يستحمل كل ده ؟
وارجع تاني واقولك ريحني الله يخليك
عشان المركب تقدر تمشي بيا وبيك
ما تفوتنيش انا وحدي .. افضل احايل فيك
ما تخليش الدنيا تلعب بيا وبيك
خلي شوية عليا .. وخلي شوية عليك
خلي شوية عليك .. وشويه عليك


كلمات: حسين السيد
الحان: سيد مكاوي

متفوتنيش انا وحدي . سيد ميكاوي

الشاعر العبقري مصطفي ابراهيم 
تفرانيل 100

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمرهما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”

تفرانيل 100+موسيقي _مصطفي ابراهيم

المبدع مصطفي ابراهيم

صوت قفلتك....
لأخر سوسته ف الشنطه.....
صوت طبطبة ايدك....
بالراحه ع الباك باك....
فرافيت تذاكر سفر....
قطّعّتها اونطه....
سندة عنيك وايديك....
ف الباص على الشباك....
فيه حاجات كتير عايزاك.....
تفضل كده مسافر.....
ف طريق ملوش اخر ….
اكمنها حتموت....
ف الرحله من غيرك....
فيه حاجات كتير عايشاك....
خايفاك تبطلها ….
وحاجات كتير عايزاك....
لكن معطلها...
ان إنتا مش عايز....
جايز...
حاجات منها....
حتعيش وتستناك ….
جايز حاجات تانيه...
ف الزحمه راح تنساك....
زي اللي راحوا زمان....
حتبطل الدخان ؟...
ولاعتك السخان ….
وسجايرك البوسطن...
حيموتوا من غيرك …
حتبطل الاحزان ؟...
كشكولك المليان...
بـقصايدك الجايه....
حيعيش لمين غيرك ؟...
جسمك حجزله مكان...
بالعافيه جوه الكادر...
ميت ايد على كتافك....
ميت بصه على وشك....
كل الحاجات حواليك...
ف الكادر سانده عليك....
لو جيت وشلْت اديك....
الصورة تتفركش ….
ضلك على الحيطه ….
كان خافي عنها النور ….
وطلّعها بتنغمش....
كفك على السفره....
من غيره كان إزاي...
مفرشها يتكرمش ؟....
بصمة صباع إيدك...
لسّاها ع الشبابيك...
ميت ألف تفصيله...
ملهاش وجود غير بيك....
وإنتا عليك تختار...
حتبدّي مين على مين ؟....
وتبدّي إيه على إيه ؟....
الجاي والجايين ؟
وللا اللي خدت عليه ؟
أصل الحياه للعلم....
مفهاش حاجات ببلاش....
وأصلا عشان تتعاش....
كادر الحياه المشحون...
فرح والم وشجون....
لازم يكون ...بيلف....
لازم يكون…. بيدور....
يتقل عليك ويخف....
ويعشّمك بالنور....
ف نهاية المشوار.....
ونا قلبي لف و دار.....
ميت ألف ليل ونهار....
نفسه ف فرحه كادوه.....
وحلاوه من غير نار....
وامّا الزمن تعبه...
قصقص شريط الفيلم....
وخَد كادر كان عاجبه....
وقرر يعيش ف الحلم.....
و الحلم كان كامل...
جدا تمام خالص...
ولجل الكمال لله....
كل الحاجات جواه....
لاكن في شيء ناقص....
فاضي بشكل غريب....
إيه اللي سبته هناك؟...
ف تلاقي ف الكراكيب....
صورة القمر وياك …
متشاله ف الكشكول...
باصه ف عنيك علطول...
وكأنها بتقول ....
بالذمه مش واحشاك ؟

مصطفي ابراهيم .مفيهاش حاجات ببلاش +موسيقي

♪♪ وما الموسيقى إلا أزيز أبواب الجنة ♪♪

Usama Elgendi

Popular tracks