شكر خاص لروبير وعلاء براني و ديكستنشن والسمكة القرش وماما دهب

الكلمات :
قاعد ومتحاوط بأفكاري الي الماضي 
خايف اكمل جملة لإصلاح اخطائي 
عارف احسس على ما بقي من براحي
وقاعد انا لحالي ابحث عن خلاصي جوا راسي 

قلبي تعب من مجهود بيبذل كل كام دقيقه
صدري ضاق بيه كل نفس دخل فيه دخان خنيق 
وأصبح قلبي يتعدى الخمسين 
جسمي رخو زي شوية مياه على فلين

مش متأكد انا بحاول اتأقلم على ايه بالظبط 
هل على الرفض وللا على النفط وللا على الخض 
يمكن على جوارح الدواير وانا جاموسه تايهه 
الف الف الف مربوط جوا ساقيه 

حاسس 
كل حاجة وكل حاجة تلمت احساسي 
اكني كنت كسكين في مبرد آلي راح نحاسي 
حاسم القرار في دماغي فعلمني اكون كالآلي ساعات 
وبقعد الف جوا دماغي بطبعي قاسي 

لو كانت الحقيقة بتسخبى 
كنا حاولنا نحفر فيها الف خندق 
سيبنا على الله حكاية في الزمان ده 
مفيش اي حاجة كتبناها وليها معنى 

ميصعبش عليك اي غالي تاه
الاعمار بايد الله 
الخلاص انك تعيش ومش محتاج
محدش فينا لقى بندور لسه عالعلاج 

تعبان من كوني محتاس بدور انا كالكفيف عال مفتاح
شغف ملقيناش جامع القمامة كالهواه 
كانت الرواية اطرف من قوالة ناس 
وانا كل الم اخدته سد حيط و طلعني باداه 

قاعد ومتحاوط بأفكاري الي الماضي 
خايف اكمل جملة لإصلاح اخطائي 
عارف احسس على ما بقي من براحي
وقاعد انا لحالي ابحث عن خلاصي جوا راسي

إن لم تستطع هزيمتهم....!

Dj Erfany | دي جي قرفاني