التراك الاول من مشروع "وداع"

انتاج الشلش :
https://instagram.com/shalash_or_chalch?igshid=16dq3xlxsz06s

كلمات و اداء : إدراك

بالأصل شو تعريف الشكوك ؟
الليل سايق الطريق بيتأكد ع الشروق
اسألة بلا اجوبة  عقود بلا شروط 
من راسي بتوقع الكلمات بتعلثم بنص الحروف
من كتر الجدالات صارت تربطنا الظروف
انا و الشك باليقين صار تالتنا هو الخوف
عاملين حالنا مفتحين بس عميان ما عم نشوف
خايفين من الجلاد و احنا الماسكين السوط
منجلد حالنا بالتفكير الزايد 
منعدم آملنا بغرفنا لتموت ع الساكت 
هدوء ما بعد العاصفة مافي ولا حدا متواجد
غير انا و الدمار و كل هالبرد القارص
شوارع فاضية و الدنيا عتمة 
وين بتصير البلد اذا الكل عم يمر بأزمة 
عم بخسر عزمي 
باني كمل 
كل الي شفته و عم شوفه و لسا متحمل 

قالو عنا كتير بدون ما يعرفونا (x2) 

بعرف الليل منيح اكل من ملامحي شقفة
دروس بوقت اضافي هالوقت ما بيكفي
علمني ناور الدمع وكيف انساه و ارجع كفي
استنى شوف الشروق حتى اعرف وين رح صفي
بريح بالي حتى لو الهموم بتكتر 
سباق بنافس حالي و بطلع انا الاول 
المهم اكسب حالي  ما مهم مين بخسر
ما ببرر غاية بوسيلة ولا بستنا من حالها تحصل 
في صوت من برا شكله الصبح وصل 
بعرفه من خطواته لما ع الدرج ينزل 
بشوفه من نظراته كلما عالغرفة  يتسلسلل 
كيف عم يحاول بركي خيط العتمة تكسر
بروح ما بيقدر بيجي الليل من جديد
جايب أرق على أرق ياخد كل النصيب 
الشوق قاتل متمرس بيقدر من بعيد يصيب
لهيك بنهرب ع غرفنا لحتى عن عيونه نغيب 

"وداع"

01- شكوك/shukok (انتاج الشلش)

الإدراك هو معالجة الدماغ للمعلومات التي تأتي من الحواس، بحيث يقوم النظام العصبي المركزي المعقد على تحديد وتنظيم وتفسير المعلومات لفهم العالم المحيط بنا، وتتم هذه المعالجة خارج وعي الإنسان، وتعتبر هذه العمليّة الحسيّة فرديّة، لذلك يواجه العديد من الأشخاص نفس الموقف ولكنهم يدركونها بطريقة مختلفة عن الآخر

01- شكوك/shukok (انتاج الشلش)

Edrak