لغاية امتى هتفضل تلف وتدور ~

مشاهد 🎥

Wagih Aziz - Sakta leah | وجيه عزيز - ساكته ليه

الباب المفتوح _ كفاية أن عنيكى مابتلمعش إلا ليا أنا بس

عجبى عليـك . . عجبى عليـك يا زمن
يـا بو البدع يا مبــكى عينى دماً
إزاى أنـا أختـار لـروحى طـريـق
وانا اللى داخـل فى الحيـاة مرغمـاً

عـجبى
_________________
حاسب من الأحـزان وحاسـب لهـا
حاسب علـى رقابيـك مـن حبلهـا
راح تنتهـى ولابــد راح تنتهـى
مـش انتهت أحـزان مـن قبلهـا ؟
عـجبى
_________________
مرغم عليـك يا صـبح مغصوب يا ليل
لادخلتهـا بـرجليا ولا كــانـلى ميل
شـايلنى شـيل دخلـت انا فى الحياة
وبكـره ح اخرج منهـا شـايلنى شـيل

عـجبى
___________________

يأسـك وصـبرك بين إيديك وانت حـر
تيأس مـا تيـأس الحياه راح تمــر
أنا دقت مندا ومندا عـجبـى لـقيت
الصـبر مـر وبرضـك اليـأس مــر
عـجبي
__________________
يا باب أيا مقفـول . . إمـتى الدخـول
صـبـرت يـامـا واللى يصـبر ينـول
دقيت سـنين . . والرد يرجع لى : مين ؟
لو كنت عارف مين أنـا . . كنت أقـول

عـجبى

حاسب من الأحزان \ يأسك وصبرك بين إيديك - رباعيات صلاح جاهين بصوت علي الحجار

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته

الاجابة لكل الاسئلة
الاجابة لكل "ليه" سألتها ف يوم من الايام

حديث داوود و عزيز من حديث الصباح و المساء

- يا ماما ماتسيبيش اساس المشكلة و تمسكي في الفروع .. أساس المشكلة كانت غلطتها هي .. شغلها في الجرنان من غير ما تستاناني و تاخد موافقتي .. و لما هددتها و خيرتها فضلته عليا

- إنت متجوزها عشان بتحبها ولا عايز تستعبدها ؟

- إنتي هتقولي نفس الكلام اللي هي بتقوله ؟؟؟
يا ماما مش معنى ان انا بحبها .. ان مايبقاليش رأي في مسألة جوهرية زي دي

- يبقالك رأي أه .. بس لها الحق تقتنع بيه او ما تقتنعش

- يعني إيه ماتقتنعش !!!
ماتقتنعش يعني ما تقتنعش ... كل واحد له دماغه

- دي مراتي !!!!!

- مراتك مش عربيتك .. اللي تشغلها بمفتاحك .. تحركها زي ما انت عايز و توديها مطرح ما تروح

- هأهأهأ .. والله عال .. ال رضينا بالهم و الهم مش راضي بينا

- إيه !!! .. بتقول إيه يا علي ؟؟؟!! .. لاهو إنت فاكر نفسك أحسن منها ؟؟ّ!! و إتعاطفت و إتكرمت لما إتجوزتها ؟؟؟؟!! بتستقل بيها و مستكتر نفسك عليها !!!! ... ما إنت حفيت وراها لما رضيت بيك .. ده إنت كان ناقص تنصب خيمة و تقعد فيها قصاد باب شقتها

- ماهو هبل الحب بقى و عباطته ... تقولي إيه !!!

- أقول إخص و ألف إخص عليك يا علي
.
ممدوح عبد العليم - محسنة توفيق
ليالي الحلمية

-   إنت متجوزها عشان بتحبها ولا عايز تستعبدها .ليالى الحلميه

ـــ هو اللى قاعد برة مع خالتك ده هو العريس ؟
 اه هو -
ــ عندها حق يا نجوى , الراجل مافيهوش عيب
 حتى لو ..أتجوز واحد عشان بس مافيهوش عيب ؟- 
 لأ طبعا .. عشان حاجات كتير - 
 زى إيه ؟ - 
ــ عشان تاخدى اللقب يعنى , و تبقى مدام مش مودمازيل 
وعشان تخلفيلك عيلين يطلعوا عينيكى 
ــ وعشان تلاقى حد تدفسى فى حضنه لما الدنيا ترصرص 
 طب و الحب ؟ -  
ــ الحب حاجة و الجواز حاجة تانية , و بعدين الحب بعد الجواز بيبقى جواز .. يعنى كله محصل بعضه
وبعدين يا نجوى إنتى نظريا طول عمرك بتحبىّ على روحك .. عملياً عُمرنا  ..ماشوفناكى مع راجل
إيه ؟؟ ناوية تقضّيها نظرى كدة  ؟!!!
حتى أحلام أبلة تهانى اللى كنا بنصدّقها زمان .. كبرنا عليها وماعدتش لايقة علينا خلاص ...

‫#‏فى_شقة_مصر_الجديدة‬


الحب حاجة والجواز حاجة تانية

مشهد من فيلم البيضة والحجر 

ماهو لو كنت إنسان جاهل كنا صدقنا انك مُدّعى ودجّال 
لكن انت إنسان مثُقف ومعاك دكتوراه فى العلوم الفلسفية 
ماهو ده من خيبتى برضه - 
واضح إنك شديد التواضع ياصاحب الكرامة
يا محترم انا مش صاحب كرامة -
أستغفر الله ده انت اللى بتوزع الامل الحلو على الناس كل يوم الصبح 
هو فى حد فى البلد كلها م بيقراش حظك هذا اليوم المنور ببصمتك فى كل الجرايد ؟ 
كله فى الهجايص صدقنى -
أصدقك واكذّب نفسى ؟
اذا كنت انا شخصياً مقدرش اتحرك من بيتى الصبح قبل م اطمن على حظى فى الجرنال
تبقى غلطان -
يادكتور التحريات بتقول ان كل الناس اللى اتعاملوا معاك بيأكدوا إنك صاحب كرامة وليك وزنك
انا زى اللى لابس بدلة حديد كل مابيزيد وزنه جواها بتخنقه -
يعنى انت مُصمم إنك دجال ؟
كل شئ اصبح مُزيف المبادئ ، الافكار ، الناس ، حتى نظريات العلم بيفتتها الشك وبتهدمها البحوث الجديدة مع كل يوم 
بصراحة انت اجهدت ذهنى 
الناس فى حاجة ليقين ، لحقيقة واحدة تكون ثابتة ده اللى بيخليهم يؤمنوا بحجاب وتعويذة ودرويش اهبل يضحك عليهم 
أفهم من كده انك بتجهّل المجتمع وتتهمه بالجهل ؟
لا .. بالضعف ، الضعف مبيفرقش بين جاهل ومتعلم هما اللى بيخلقوا الدجال ويصنعوه  بارادتهم زى ماصنعوا من الحجر تمثال وعبدوه 
!!

احمد زكى - الناس فى حاجة ليقين ، لحقيقة واحدة تكون ثابتة - من فيلم البيضة والحجر

عن حيرة بشر عامر عبد الظاهر - من مسلسل زيزينيا

ما يكنه عبد الفتاح الضرغامي لعايدة - أحمد بدير ويحي الفخراني - من مسلسل زيزينيا

نقاش حول الهوية المصرية - دكتور برهان وأستاذ وفائي - من مسلسل (أرابيسك: أيام حسن النعماني)

عن تجاربنا المريرة - من مسلسل الرايه البيضا

لحظة أن يلتقي الغرباء - من مسلسل الرايه البيضا

وجيه عزيز .. لو موصوفلك

اخر عتاب | أرابيسك أيام حسن النعماني

حسن وداليا - أهل كايرو - أنا كنت مرعوب إن أنا اتنيل أحبك


https://www.facebook.com/hussein.samy.1612


عن حيرة بشر عامر عبد الظاهر - من مسلسل زيزينيا

Hussein samy

Recent comments

Omar Sharawy

Yosry Mahmoud

Related tracks