دينية

عمرودياب

جهاد نور

يادمعتى الحزينه

آيَــآ جُزئِي ♥ ~

أنا المشتاق - محمد باش

وَ مَحْيَاي / " الأنا و الجسد " 5

دويتو " هيجننى " - ايلام جاى و محمد الريفى (ELAM JAY feat MOHAMED RIFI "HAYGANINI" (OFFICIAL Audio

VIDEO :  https://youtu.be/KUrvbXd0Lkg 
Mahragan :  https://youtu.be/eXRVA5JH1Sg 

دويتو " هيجننى " - ايلام جاى و محمد الريفى (ELAM JAY feat MOHAMED RIFI "HAYGANINI" (OFFICIAL Audio

الشيخ فهد الكندري سورة البقرة

وحشتيني 
ولو كل اللي عارفينك قالولك اني مانفعكيش 
ولو كل اللي عارفينني قالولي بكره تنسيني 
وحشتيني 
ولو كل البشر قالوا ان انا عاصي 
واني غلطت ف حياتي غلط ياما 
ده واد تلفان وكل يومين معاه واحدة 
وحتى فلان زعل وياه عشان واحدة 
انا أصلا مانيش يوسف 
ولو زوجة العزيز همت 
وقالت هيت لك ياجميل 
يجوز راح اميل 
وممكن اضمها جهراً
يسيل من ضحكها نهراً 
تدوب الاغنيات ف النيل 
لكن مهما هاشوف وهاطوف ومهما قابلت ناس وظروف 
هتبقي لوحدك القشة اللي جيت علشان تنجيني 
وحشتيني
مافيش انسان مالوش ماضي 
مافيش راجل مالوش أخطاء 
لكن دايماً ف نقطة ضعف 
ونقطة ضعفي هي انتي 
وطول الوقت كنت باقول 
انا مابقتش عاوز شيء سواكي انتي 
باحس معاكي اني مسيح 
براءتك عاملة زي الريح 
بتكنس ف الغلط بهدوء
وبابقي ف ضحكتك سكران 
ومش عارف لا انام ولا افوق 
وكان فيه حل والله 
وكان ممكن اكون بالوقت زوج صالح 
ماليش ف المسئولية ساعات 
ساعات طايش 
لكن بالوقت كان ممكن اكون احسن 
تسامحيني ف غلط فالت
وهاحلفلك بإني هاصلح العدلة التي مالت 
بلاش تمثيل عشان أصلاً 
صياعتي وفشلي من غيرهم
ماكانش يجوز تحبيني 
وحشتيني
ف كل مكان ف ذكرى معاكي متسابة 
ايديا ف ايدك الطفلة باعدي معاك ف الشارع 
ملامحك وانتي بتسمعي فيروز 
نهارك وانتي بتواجهيه بشاي بحليب 
وحكاياتك على صحابك 
فلانة بتكرهك جداً 
فلانة قالتلي ماتشوفيهوش 
كلام قولتيه وكان لازم 
ف وقت الجرح ماتقوليهوش 
اكيد دلوقتي بتقولي 
زمانه مولع الدنيا 
بيغلط كل يوم عادي 
خلاص فاكك بقا ومرتاح 
وانا والله ف قيودك 
كطير من كتر ما اتقيد 
طلعله جناح 
انا ف البعد متحاوط بطيف ريحتك 
ولسه لحد هذا الوقت فاكر شكل تسريحتك 
وتنهيدك 
وشكل الساعة علي ايدك 
طريقتك وانت بتغني 
بعيد عنك حياتي عذاب 
حياتك ايه بعيد عني 
يا ارض عرفتها فجأة 
ودنيا لمستها بشويش 
يا أطهر من رقم فلكي 
ف عداد اسمه أكل العيش 
بتحكمي ليه على غيابي 
وف حضوري بتنسيني 
رفضتي ان انتي تتسابي 
وفجأة انتي اللي سيبتيني 
وحشتيني
كأنك في الغياب اقرب
 وجود بيزيد اذا بعدتي
رصيد ناقص في كل غياب
و وحدك في الغياب زيدتي
عرفتي ازاي تشاركيني غنا التفاصيل
بقيت متساب لاكن شبطان
شيطان طيفك ملاك في شيطان
مخليني في وسط الناس لاكن وحدي
اشوف العمر بيعدي
و حاسدني البشر على ايه و انا بدونك
و ايه الدنيا سوا عيونك
سوا حضنك في وقت الخوف
يا عم الحاسد الطامع تعالى و شوف
طلل راجل في عز الليل بيسرد قصته لروحه
ويشكي جروحه لجروحه
و يظهر للبشر باسم
يعيشو كأنه مطمن
و هو في قلبه يتم عجيب
شوفيلك حل في غيابك
يا اما رجوع من المبدأ
يا اما تقولي كيف ابدأ
في اي طريق ينسيني
وحشتيني ... وحشتيني



يا امي ما شكل السماء

Gehad Nour