Amr Hassan 👑♥️

عمرو حسن

شعر

Amr Hassan - Ma7abetnish _-_ عمرو حسن - محبتنيش - حفلة إبريل 2021

عمرو حسن وحشتيني ٣ للمرة الأولى

ابوس  ايديكي قبل أي كلام 
فرض احترام 
وحق حُب ف يوم من الأيام 
كان هو أجمل حاجه ف حياتي 
واتلو السلام كالرجال أوقات مابيفارقوا 
اديكي حقك عليا ف الغياب تقدير 
انا شفت منك برضه حلو كتير 
والله فرق كبير بين اختلاف وخلاف 
احنا اختلفنا ويجوز مابقاش ما بيننا نصيب 
لكن ما بيننا سنين كملها رب حسيب 
والراجل اللي يعيب ناقص مالوش ذمه 
باسم الحاجات المهمه 
باسمك ف بدأ القول 
وباسم كل عزيز كان له مكان بينّا 
ماتزوديش اللي بيننا بجرح هـيدينّا
خلى الحاجات طيبة 
ووشوشنا مترتبة 
والصورة متركبة مطرح ما سيبناها
وبلاش يكون حُبنا موجه ركبناها 
لا كلامنا كان عادي 
ولا كنا زي الخلق 
من يومنا متخانقين 
من يومنا جوز مجانين ومشينا على كيفنا 
مانكونش ليه على كيفنا واحنا متفارقين !
مانكرش فيه أوقات بيكون شيطاننا صديق 
وساعات بنرمي كلام مايكونش كله بريء 
وساعات بنتوعد بحاجات مانعملهاش 
بس احنا جوانا ماشيين وماكرهناش 
عن نفسي مش كاره 
أنا باحكي عن نفسي 
وبرضه عن نفسي باتمنى وادعيلك
كل الهنا يجيلك 
يارب منديلك مايشوفش عمره دموع 
وتكون ليالي الرضا بالسبعه ف الأسبوع 
يشهد عليا اللي خلاني اشوفك احن 
اني حزين مع إن 
ده قرارنا واخترناه
بس الوجع منطقي وان كنا فضلنّاه 
فياريت تقولي غلط 
لكن أكيد ماقصدش 
وان يسألوني هاقول أهو ربنا ما أرادش 
هي جميلة قوي
ومنظمة وطيبة 
وذكية وجريئة 
وقوية وبريئة 
لكن مافيش رابط 
طلقة فراق صابت 
والعلة ف المتصاب 
وعشان مابيننا صحاب 
وبيننا ناس عارفين ان احنا كنا اتنين 
بس بخيال واحد 
خلينا متفقين نقول كلام واحد 
قسمة ونصيب وخلاص 
وهتفضلي ع الراس مهما السنين مرت 
مهما الخيوط كرت والعمر فات بيّا 
هتفضلي الملهمه والبنت ف النية 
المخرَج اللي لقيته ف دايرة مقفولة 
وأول ظهور فعلي 
للسيدة الأولى 
شمس الغرام البكر 
أول دفا بيمر ف سقعة الأيام 
وهتفضلي الدبدبة من زهوة البدايات 
ريحة حنين لحاجات 
يسألني عنك قلبي قبل النوم 
تسألني عنك ياقة قميص أزرق 
أو كرسي عطفتي مرة عليه وسندتي ايدك 
يسألني عازف ايقاع عن صوت مرورك جنبي ف الشارع 
ويسألني الغياب 
يؤسفني أفتح باب لا تجلسي خلفه 
وانتي الكلام كله من ياءه إلي ألفُه 
هنعمل ايه ف اتنين اتفقوا ف اختلفوا 
كل الحلول اللي كانت ممكنه اتعملت
معادلة واكتملت 
وربنا الغالب 
سالب وجعنا في موجب التفاصيل 
بتساوي صبر جميل على ذكرى بالسالب
سيبيني افضفض بقا 
دول كلمتين يعني 
كان جرح ووجعني وقولت ما بدالي 
وانتي ف جرح قديم قولتي مابدالك 
هابوس ايديكي احترام ان جيتي على بالي 
وانتي اسمحيلي ابوسها ان جيت على بالك 
دول برضه مش ساعتين 
دول عمر والله 
ده انا كنت علشانك بازعل مع العالم 
باتحدى كل الناس 
كنت ان تحوم سيرتك 
اضحك ويلقوني باصبح خفيف الوزن 
كنت ان يغيب اسمك يمُر فيا الحزن ويمد ف جزوره 
نتلاقي زي عليل لقى حد بيزوره 
وسط التعب والهم 
لو جيتي كنت أهتم واضغط على ألمي علشان مايوجعكيش 
وكنتي قبلة حياة تديني فرصه أعيش 
لولا شوية بُعد اتسللوا بالغلط 
وكبروا بغيابنا 
واتحولوا للبلاب ملفوف على بابنا 
لولا اللي نقلوا كلام وانسحبوا بالأيام 
ولولا تركيبتك 
ولولا تركيبتي 
لا كنت انا سيبتك 
ولا كنتي يوم سيبتي 
البعد ياحبيبتي كان حل ماله بديل 
غاب النهار واستنيناه ميت ليل
والوضع ده أحسن 
انا ناسي كل جراح مرت بايد منك 
انسيلي كل هموم عدت عليكي ف يوم 
قولي ده واد طيب 
بس الزمن جه عليه 
واداني ياما ايديه وسندت وأنا صافيه 
وهاقول دي ست النسا 
الطيبة الدافية 
بلاش نكون ف السوق ، سوق الكلام المر 
الحرة حبت حُر 
واتفارقوا بالأيام 
وابوس ايديكي بعد كل كلام 
يتقال عليكي او يكون عنك 
ماتزعليش وخلاص 
ولا يتزعل منك 
يا اللي انتي بيكي نسيت كل اللي كان بيغُمّ
يا طفلة ساعة اللقا أسميتها دوم دوم 
وقلبي من وقتها اتعلم الطيران 
واتعلمت تنورة تبتدي الدوران
أنعم وأكرم لقا 
لما الفراق بيطيب 
خليني ف التجربة 
أب وصديق وحبيب 
وقولي سيبنا وبس 
مش شرط مين بيسيب 
ماتفرجيش الناس على جرحنا المستور 
ولا كسرنا المجبور 
وصدقي حكمتي أو لوعة المكسور
اللي اتزرع ف الضل 
بيموت ف أول نور 
https://www.youtube.com/watch?v=l2h_NxD1GMs

El Sakia TV Concerts

كلام ماتقالش في جوابى الاخير - عمرو حسن

عمرو حسن - يسألونك عن الروح

عمرو حسن - وحشتيني

يظهر غيابك بقّع الأيام 
من يوم ما مات الحضن ريحه على الهدوم
وانا باسكنك أوطان من الذكرى
وكإن إيدي ف بنطلوني الجينز مش مهتم
زي الموسيقى بامُر لحن ودم على نوتة فاضية اسمها الدنيا
بابكي بيوت فيها الأمل مهجور
كان ايه لزومه بس تبني السور 
ما دُمنا لسه بالحنين برّاه ؟
وايه يفيد الصوت ف ودن من الجبل 
الا المسافة بين خروجه وبين صداه
يا هل ترى يعرف فؤاد حداد 
" ليه كل مانقول آه الناس تقول الله "

دلوقتي ممكن أقولكم بالظبط 
فنجاني ليه دايماً بإيد واحدة
وليه السماعات بيبوظلها ناحية
ونعيش بنسمع من ودان واحدة 
أُكَر الباب بإيد واحدة 
رؤؤس الشماعات واحدة 
وليه القناص عشان ينجح 
يشوف هدفه بعين واحدة 
كإن ف كل شيء غايب 
أمل دايب وطيف واحدة 

،،،، 

أنا العابر على الشارع وحيد المشي
باربي ف قلبي كل القطن ف الرحلة
واسمّي الشيء بعكس الشيء عشان يحلى 
لوحدي كل شيء أوضح 
لا هاتهجّى الحاجات اتنين واكون مضطر اغّيرهم مع الأوقات 
ولا هتهزني الأشياء ولا التواريخ ولا البدايات 
 

 أنا التانيين 
أنا نفسي وأنا الباصين عليا من شكوك ويقين 
أنا المعني بأحزاني وانا وجهة نظر فيا ورأي العالم الباقيين 
كده أجمل 
أواجه ما فضل ليا وفاض ليا بضمير مُفرد 
أقود مجموعة الفراشات الي الوردة
أو اقتل من بناية بعيدة شخص سئيل
اخلي الكنبة مرتع للكلاب والتبغ
واصاحب بالطو ف التلاتين من الوحده 

قال لي صديق :
( لو ضاقت المواعيد اصطاد مكان بإزاز على الشارع
واسمع أغاني قد ماتقدر)
لكن صديقي ماقالش شيء مقنع بخصوص خروج الأغنيات م الجلد 
ازاي نحرر نفسنا م الساكنين ف الجرح 
ونسيب مكان صالح لزرع العادي ف المدهش 
ماتسمعش النصايح م اللي مش واقف معاك ف الحرب
لا الوضع هو ولا الظروف متشابهات
لكن على الأرجح صدقت ظنه عن مكان بإزاز بيطل ع الشارع 
واديني باكتب منه هذا النص 

يظهر غيابك بقّع الأيام 
بارجع ورجلي بتمشي على قدام 
ف البعد يبدو الشيء كما هو 
بيبان سليم مع ان روحه رخام 
ملايين بيمشوا بذكرى ف الطرقات
مساكين بنمسح دمعة الخطوات 
وبندخل المعركة بخيال نشط ساكن 
“الأماكن كلها مشتاقة لك” 
بقينا أسرى للأغاني وللأماكن 
أصبحنا زي الفصله بين يمكن ولكن 
وبقينا جرحى من حروب ماقامتش 
رمينا رسايلنا ف ازازة جوه البحر
لكنها ثبتت وجع ، ما عامتش
لا أرض توصل لها ولا موج يوصّلها
قاعدين على السكك الحديد من مدة منتظرين 
ومافيش حبيب ف القطر جي من الغياب
وزي ناس بتشوف دمانا تظنها عناب 
فيه ناس تشوف الانتظار محض اكتئاب 
حربك لوحدك 
اعرف صحابك مهما كانوا قليلين وضعاف
وامشي بخفة ف وقت من ألغام 
واما غيابها يبقّع الأيام 
غني معايا الغنوة دي واضحك بشكلٍ عام : 

" يا العالم السخيف والأيام اللذيذة
يا الواقع المخيف والأشياء العزيزة 
يا الدافع الشريف والثابت ف الغريزة 
يا المشي إلي الخريف بالعلاقات الوجيزة 
الليل رفة بريزة 
والصبح رهان جديد
الفيلم ده مش سعيد 
ومالوش نهايات لطيفه 
دلوقتي على الجريد 
وشوية على القطيفة 
ضم الذكرى اللطيفه واتصور ذكرى بيها 
فيه حاجات بتنام فاكرها وحاجات بتقوم ناسيها 
وحاجات ف شروقها سهلة ييجي غروبها تقاسيها 
أول سلامات بتبهر وبتبهت من تاليها
فيه واحدة تنام ف حضنك 
ف تبيع طول ما انت ليها 
وفيه واحدة تمُر جنبك 
فتنسيك من تليها "

غنّي معايا الغنوة دي
واقطع خيوط الماريونيت من السما والظن 
وابقى ابتسم 
لحظة ما تكتشف ان همك كان سحابة صيف 
وان الأغاني بتتولد تاني
أجمل وأقرب للي يشبه لك 
وان كان غيابها بقّع الأيام 
أو مر طيفها ف الشوارع والزحام 
درّب بكاك يملى المدى مطره 
زي الموسيقى التصويرية ف فيلم مش فاكره
خلفية سابقة للحن تاني جديد
صوت جي من لاشيء تجاه لاشيء
وجع بعيد بيمس جرح بعيد 
انت الوحيد ف المعركة بطولك
انت الوحيد
انت الوحيد
انت الوحيد
#الموسيقى_التصويرية

الموسيقي التصويرية "عمرو حسن" من حفله الساقيه 2018

المّول اللى اسمه الدنيا - عمرو حسن

عمرو حسن  خلينا صحاب

تفرانيل مصطفى ابراهيم

من وحي الأنبياء الجثدد (الثلاثية كاملة) : http://vimeo.com/52792066

إنى رأيت اليوم ... الصورة من بره
قلت الحسين لسة ....حيموت كمان مره 

إنى رأيت اليوم ... فيما يرى الثائر
ان الحسين ملموم .. فوق جثته عساكر
بيدغدغوه بالشوم ؛
كل أما ييجى يقوم !
و ان البشر واقفة ؛
تبكى بدال ما تحوش !
و ان العلم مصفه ؛
م السونكى و الخرطوش !
و ان الطريق مفروش... بالدم للآخر ...

إنى رأيت اليوم...
الدم ع الآيش....
و إن الحسين إحنا....
و مهما اتقتل عايش !!

فيما يري الثائر : من وحي الأنبياء الجُدد - مصطفى إبراهيم

قصيدة انا مش كداب عمرو حسن ، اغنيه باتحدي العالم ملك محمد من حفل أكتوبر بـ ساقيه الصاوي 2019

فلان الفلاني - مصطفي إبراهيم

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

اناشيد اسلامية
https://www.facebook.com/anashedisalmia
الكلمات

أخبرنا أستاذي يوماً *** عن شيء يدعى الحرية

فسألت الأستاذ بلطف *** أن يتكلم بالعربية ؟
ما الحرية ؟
هل هي مصطلح يوناني *** عن بعض الحقب الزمنية ؟!

أم أشياء نستوردها *** أو مصنوعات وطنية ؟!!

فأجاب معلمنا حزناً *** وانساب الدمع بعفوية

قد أنسوكم كل التاريخ *** وكل القيم العلوية
أسفي أن تخرج أجيال *** لا تفهم معنى الحرية
لا تملك سيفاً أو قلماً *** لا تحمل فكراً و هوية !!

وعلمت بموت مدرسنا *** في الزنزانات الفردية

فنذرت لئن أحياني الله *** وكانت بالعمر بقية

لأجوب الأرض بأكملها *** بحثاَ عن معنى الحرية
ووقفت بمحراب التاريخ *** لأسأله ما الحرية

فأجاب بصوت مهدود *** يشكو أشكال الهمجية
إن الحرية أن تحيا *** عبدا لله بكلية

وفق القرآن ووفق الشرع *** ووفق السنن النبوية

لا حسب قوانين طغاة *** أو تشريعات أرضية
وضعت كي تحمي ظلاما *** وتعيد القيم الوثنية
الحرية لا تستجدي *** من سوق النقد الدولية

والحرية لا تمنحها *** هيئات البر الخيرية

الحرية نبت ينمو *** بدماء حرة وزكية

لن يرفع فرعون رأسا ***إن ظل بالعمر بقية

القصيدة كاملة 
قصتي مع الحرية!!!؟

أخبرنا أستاذي يوماً *** عن شيء يدعى الحرية

فسألت الأستاذ بلطف *** أن يتكلم بالعربية ؟!
ما هذا اللفظ وما تعني *** وأية شئ حرية؟!!
هل هي مصطلح يوناني *** عن بعض الحقب الزمنية ؟!

أم أشياء نستوردها *** أو مصنوعات وطنية ؟!!

فأجاب معلمنا حزناً *** وانساب الدمع بعفوية

قد أنسوكم كل التاريخ *** وكل القيم العلوية
أسفي أن تخرج أجيال *** لا تفهم معنى الحرية

لا تملك سيفاً أو قلماً *** لا تحمل فكراً و هوية !!

وعلمت بموت مدرسنا *** في الزنزانات الفردية

فنذرت لئن أحياني الله *** وكانت بالعمر بقية

لأجوب الأرض بأكملها *** بحثاًَ عن معنى الحرية
*****

وقصدت نوادي أمتنا *** أسألهم أين الحرية ؟!!

فتواروا عن بصري هلعاً !! ***وكأن قنابل ذرية

ستفجر فوق رؤوسهم *** وتبيد جميع البشرية

وأتى رجل يسعى وجلا *** وحكا همساً وبسرّية

لا تسأل عن هذا أبداً *** أحرف كلماتك شوكية

إرحل فتراب مدينتنا *** يحوي أذاناً مخفيّة !

!تسمع ما لا يحكى أبداً *** وترى قصصاً بوليسية

ويكون المجرم حضرتكم *** والقاضي حامي الشرعية

ويلفق حولك تدبير *** لإطاحة نظم ثورية

وببيع روابي بلدتنا *** يوم الحرب التحريرية!

وبأشياء لا تعرفها *** وخيانات للقومية

وتساق إلى ساحات الموت *** عميلا للصهيونية!!

واختتم النصح بقولته *** وبلهجته التحذيرية

لم أسمع شيئاً لم أركم *** ما كنا نذكر حرية

هل تفهم؟ عندي أطفال *** كفراخ الطير البرية

*****

وذهبت إلى شيخ الإفتاء *** لأسأله ما الحرية؟

!فتنحنح يصلح جبته *** ورمى بنظرة نارية

اسمع يا ولدي معناها *** وافهم أشكال الحرية

ما يمنح مولانا يوما *** بقرارات جمهورية

والسير بضوء فتاوانا *** والأحكام القانونية

وكلامك فيه مغالطة *** وبه رائحة كفرية

هل تحمل فكر أزارقة؟ *** أم تنحو نحو حرورية؟؟

واحذر من أن تعمل عقلا *** بالأفكار الشيطانية

واسمع إذ يلقى مولانا *** خطباً كبرى تاريخية

هي نور الدرب و منهجه *** وهي الأهداف الشعبية

ما عرف الباطل في القول *** أو في فعل أو نظرية

من خالف رأي مولانا *** فنهايته مأساوية

لو يأخذ مالك أجمعه *** أو يسبي كل الذرية

أو يجلد ظهرك تسلية *** وهوايات ترفيهية

أو يصلبك ويقدمك *** قرباناً للماسونية

فله ما أبقى أو أعطى *** لا يسأل عن أي قضية

ذات السلطان مقدسة *** فيها نفحات علوية

قد قرر هذا يا ولدي *** في فقرات دستورية

لا تصغي يوماً يا ولدي *** لجماعات إرهابية

لا علم لديهم لا فهما *** لقضايا العصر الفقهية

يفتون كما أفتى قوم *** من سبع قرون زمنية

تبعوا أقوال أئمتهم من أحمد لابن الجوزية

أغرى فيهم بل ضللهم *** سيدهم ابن التيمية

و نسوا أن الدنيا تجري *** لا تبقى فيها الرجعية

والفقه يدور مع الأزمان *** كمجموعتنا الشمسية

وزمان القوم مليكهم *** فله منا ألف تحية

وكلامك معنا يا ولدي *** أسمى درجات الحرية

فخرجت وعندي غثيان *** و صداع الحمى التيفية

و سألت النفس أشيخ هو؟ *** أم من أتباع البوذية؟!

أو سيخي أو وثني من **** بعض الملل الهندية؟!

*****

ووصلت إلى بلاد السَكْسَون *** لأسألهم عن الحرية

فأجابوني (سوري.. سوري) *** نو حرية نو حرية

من أدراهم أني سوري *** ألأني أطلب حرية؟!!

*****

وسألت المغتربين وقد *** أفزعني فقد الحرية

هل منكم أحد يعرفها *** أو يعرف وصفاً ومزية؟

!فأجاب القوم بآهاااات *** أيقظت هموما منسية

لو رزقناها ما هاجرنا *** و تركنا الشمس الشرقية

بل طالعنا معلومات *** في المخطوطات الأثرية

أن الحرية أزهار *** ولها رائحة عطرية

كانت تنمو بمدينتنا *** وتفوح على الإنسانية

ترك الحراس رعايتها *** فرعتها الحمر الوحشية

و سألت أديبًا من بلدي *** هل تعرف معنى الحرية؟!

فأجاب بآهاااات حري *** لا تسألنا نحن رعية

*****

وذهبت إلى صناع الرأي *** وأهل الصحف الدورية

ووكالات وإذاعات *** ومحطات تلفازية

وظننت بأني لن أعدم *** من يفهم معنى الحرية

فإذا بالهرج قد استعلى *** وأقيمت سوق الحرية

وخطيب طالبَ في شمم *** أن تلغى القيم الدينية

وبمنع تداول أسماء *** و مفاهيم إسلامية

وإباحة فجر و قمار *** و فعال الأمم اللوطية

وتلاه امرأة مفزعة *** كسنام الإبل البختية

وبصوت يقصف هدار *** بقنابلها العنقودية

إن الحرية أن تشبع *** نار الرغبات الجنسية

الحرية فعل سحاق *** ترعاه النظم الدولية

كي لا ينمو الإسلام *** ولا تأتي قنبلة بشرية

هي خمر يجري و سفاح *** و نواد الرقص الليلية

وأتى سيّدهم مختتماً *** نادي أبطال الحرية

و تلى ما جاء الأمر به *** من دار الحكم المحمية

أمر السلطان و مجلسه *** بقرارات تشريعية

تقضي أن يعتقل مليون *** وإبادة الأفكار الرجعية

فليحفظ ربي مولانا *** و يديم ظلال الحرية

فبمولانا وبحكمته *** ستصان حياض الحرية

ناديت أيا أهل الإعلام *** أهذا معنى الحرية ؟!

فأجابوني بإستهزاء *** وبصيحات هيستيرية

الظن بأنك رجعي *** أو من أعداء الحرية

وانشق الباب وداهمني *** رهط بثياب الجندية

هذا لكما هذا ركلا *** ذاك بأسفل البندقية

اخرج خَبَر من تعرفهم *** من أعداء للحرية

*****

وقصدت منظمة الأمم *** ولجان العمل الدولية

وسألت مجالس أمتهم *** والهيئات الإنسانية

ميثاقكم يعني شيئاً *** بحقوق البشر الفطرية؟

أو أن هناك قرارات *** عن حد وشكل الحرية؟!

قالوا الحرية أشكال *** ولها أسس تفصيلية

حسب البلدان و حسب الدين ***و حسب أساس الجنسية

ديني الإسلام و كذا وطني *** وولدت بأرض عربية

حريتكم حددناها *** بثلاث بنود أصلية

فوق الخازوق لكم علم *** والحفل بيوم الحرية

ونشيد يظهر أنكم *** أنهيتم شكل التبعية

*****

ووقفت بمحراب التاريخ *** لأسأله ما الحرية

فأجاب بصوت مهدود *** يشكو أشكال الهمجية

إن الحرية أن تحيا *** عبدا لله بكلية

وفق القرآن ووفق الشرع *** ووفق السنن النبوية

لا حسب قوانين طغاة *** أو تشريعات أرضية

وضعت كي تحمي ظلاما *** وتعيد القيم الوثنية

والحرية لا تعطيه *** هيئات الأمم الكفرية

ومحافل شرك وخداع *** من تصميم الماسونية

الحرية لا تستجدي *** من سوق النقد الدولية

والحرية لا تمنحها *** هيئات البر الخيرية

الحرية نبت ينمو *** بدماء حرة وزكية
تؤخذ قسراتبني صرحا *** يرعى بجهاد وحمية

يعلو بسهام ورماح *** ورجال عشقوا الحرية

أسمع ما أملي يا ولدي *** وأرويه لكل البشرية

إن تغفل عن سيفك يوماً *** فانسى موضوع الحرية

فغيابك عن يوم لقاء *** هو نصر للطاغوتية

والخوف لضيعة أموال *** أو أملاك أو ذرية

لن يرفع فرعون رأسا ***إن ظل بالعمر بقية

Amr Hassan - Ma7abetnish _-_ عمرو حسن - محبتنيش - حفلة إبريل 2021

Mahmoud Ali