قشطه بس بتقصد القافيه ليه في كلمات محطوطه علشان تجيب مصدر موسيقي قافيه يعني

Muslim مش هزود في الملام مش هيفرق في الخصام

اغنية ادم  - كله بتاع مصلحته - تتر مسلسل تحت الارض - كاملة

موجوع قلبي الاصليه♥♥

alaaelgazzar - تيتنك عربي.mp3

بهواك انا وبدوب انا لطفله عمرها 14سنه واسمها بسنت

1- بخاف اخاف م الخوف لخوفى يقتلنى
كثير بحس انى زاهد فى الاشياء 
بقضى العمر ما بين لقا وفراق 
ساعات كثير بشتاق 
لحاجات كانت منى 
لحاجات عاشت فيا 
بتعب كثير كمنى 
قلبى مهوش ليا ! 
ويعدى العمر ساعات
يقتلنى الليل أوقات
تطلع منى أهااات 
تسجنى بالوحدة .
أنا صوفى بالفطرة 
واجتماعى وحيد ،
 لسه الطرق قادرة
تحضن المواعيد
لسه العيال واقفة بتردد الاناشيد 
لسه الحياة باهتة ومايلة للتجديد !

2- هو انت ليه بتميل للحلم والاوهام
للبعد والنسيان
للخوف وللحرمان 
لطريق ملوش عنوان 
هو أيه يعنى ؟ غير أفلام ، أشعار وكلام 
كتب وأغانى ، تكوينك الجسمانى 
كشكل أو كديكور 
كان نفسى أكون مخبول 
معرفش شئ فيها ، ولكنى مش ندمان
بقيت كده لأنى : 
معرفش أعيش مأسور 
أو أسكن بيت مهجور 
يا قلبى يا عصفور 
كمل طريفك ثور 
الدنيا دايمة تدور 
زى ماهى عايزة 
كل الحاجات جايزة 
ومفيش دروس ببلاش 
لسه الحياة حلوة فيها حاجات تتعاش  !

3- أوقات بحس إنى على الهامش بلا معنى ،، تكوينا أوجعنا 
فطريق ملوش أخر 
بقضى العمر فى بواخر
بيروحوا لنفس الشط 
نفس الحاجات بالظبط 
بتقتلنا 100 مرة 
هى الحياة حلوة ؟ ولا الحياة مرة ! 
وبنمشى ليه فطرق وقلوبنا مضطرة !
أنا أكبر هزلى جاد 
وكلام كثير مكتوم 
دايرة الحياة تتعاد 
وأنا برضى بالمقسوم :') 

4- هو أنا ليه بتحول وأكره حاجات حبتها !
وليه بحب حاجات منيش ف قسمتها 
داير بدور ف دواير 
زاهد عن دنيا وجاه 
فهل يجوز أتبرع 
بعمرى لوجه الله ؟

5: ما بين طول العمر والشغف علاقة عكسية ، أو يمكن أنا اللى بمل بسرعة 
عمرك بيتسرسب جرعة ف جرعة 
وفى يوم هتبقى ضريح 
كل البشر مجاريح 
مكتوب عليك البكا ولو جى ليها بتضحك ( أثناء الولادة ) 
وبرغم ده مجنون 
ورافض تكون فى الكون 
زى البشر عادى 
متحبش التقليد 
ولا تبقى م المطاريد 
عايز تكون غيرهم 
تعيش برا تفكيرهم 
عايز تكون أنت 
راجل جدع وصبور 
احزانه واقفة طابور 
وتلاقى ف الاخر أغلب اللى جايله قرف
ولكنه بيعافر احتراما للشغف

6- معرفش أكون سطحى ومدبش ف التفاصيل 
 أو أكون عبيط ساذج عايش حياته عويل 
أنا بس يعنى بميل لطريق جديد ف الشوف
وأحب كثير أنى أخرج عن المألوف
عايش حياتى بطوف 
على شئ مهوش ف الارض
كل الحكاية أنى 
جتها بدون قصد ! 

7- بتمشى ف شارع فؤاد بصحبة صوت فيروز - الله كبير - 
فيها أيه يعنى لو يوم قدرنا نطير !
ونصاحب العصافير 
والحلم يكون مشروع 
وغنانا يكون مسموع 
والأمانى تصبح حقيقة 
يتحول العالم ف دقيقة 
لجانين ورد 
" تشعر عيونك بالدفا م البرد " 
هذا العالم عالم أفتراضى 
لو ينفع أنى أقاضى 
كل صناع الدمار 
وقاتلى البسمة ، لسه فى القسمة كل ماهو جدير بالذكر 
هذا العالم يحول كل ما فبنا من بكر وطفولة ! 
كل السكك أغلبها مقفولة 
كاسات سكرك بتتمثل ف كوكاكولا 
آلام القولون أصبحت أشد من ألام الحب 
هذا العالم أتنشى بالكدب 
وبيخلص الشارع وتنتهى الأغنية 
واحس ف لحظة أن الرؤية مش هى 
سامع يدوب كلكسات وصدى صوت بشر
العالم نفسه ف خطر 
وأنا بس يعنى حلمت 
أن العالم يبقى أسلم من دلوقت 
كل الحاجات فى الدنيا مجرد وقت

8: محتاج لشوية وقت أدارى فيه عن عيون العالم 
وأدقق فى العالم الفعلى 
وأنتشلنى من القاع 
أرقص على غير الايقاع 
وأعيد النظر فى حاجات 
انسحب بسكات وأقفل بابى ميشغلنيش
كل اللى اتسجن بالوحدة 
ميت أصلا مهما يعيش 
إنى احتجنى بشدة 
وأتخذنى رفيق 
مرمى البصر بيضيق 
وأرواحنا وخدنها البشر شركة 
لا داعى من تقسيم التركة 
راح أعيش يومين وحدى 
وأعيش وحدى الحنين 
وأصاحب الكافين بالأخص فى القهوة
وأحاول أخلق معنى م اللا معنى 
ونصاحب بشر علشان بس تسمعنا
يا أيها التارك روحك ف الفضا 
عمرك بينقضى مع كل دقيقة بتقضيها فى العتمة ! 
مبحبش الكتمة من بشر أو دخان 
لا شك أن الماضى لا يقبل النسيان 
لا شك إنى الأن - محتاج أعيد تفكير - 
ومخفش من بكرة 
حياتك كلها أصلا هتبقى عبارة عن ذكرى .
 
9- إنى بستسلم وأشعر بحالة خوف 
لم يحبنا العالم ولم تساعدنا الظروف 
أشعر بحالة سكر 
رغم إنى لم أدوق الخمر 
بحاول أعوط إلى الطريق المستقيم
وأضحك ولو لابس فى سنانى تقويم 
وأتصالح مع نفسى 
وأعزمها على بيبسى 
وأدفع  تكاليف الصيانة 
طفل عاش بدايته فى حضانة 
خوفا من الحياة 
الوحدة هتزيدك
كل يوم ماساة .

10: بواجه وحدى دقات الساعات 
بواجه حزنى بشوية أفيهات 
يقتلنى معرفتى بأن الوقت فات ، وهيفوت
إن حاول ينتحر سرعله وقت الموت 
ولكن واقى الفرح صد رصاص الحزن 
وأداله فرصة يعيش ، يا أيها الدرويش 
أدينى ولو حكمة قال : 
الوقت راح هيمر 
مهما كانت أحوالك 
يسرق سنين العمر 
ويندمك على حالك 
فإن ضاع منك وقت مضيعش غيره 
فإنك تندم عليه
 مش شرط تبقى البطل 
عشان تاخد السوكسبه :') .

"المحطات العشرين ،، "خالد سليمان

في الدنيا ياما جرى مبتمشيش بالمسطرة ضحكتلك ولا يا ترى ضحكت عليك

Aghanyna.CoM

Dari Ya Alby (Acoustic Version)داري - حمزة نمره

صعبان عليا نفسى 
مهرجان 
معاذ الشريف 2018

اغنية صعبان عليا نفسى  جامد اوى  معاذ الشريف مهرجنات2018

عبد اللطيف غازي ومحمد جباري

عبد اللطيف غازي ومحمد جباري- على بالي لـ شرين عبد الوهاب

أنــــــــت بعــــــــيني أحلــــــــى بنـــــيـة

انتي بعيني احلى بنيه

www.alarab.com

ملكة جمال الروح - جورج وسوف

- You can tell a lot about a person by what's on their playlist .

"المحطات العشرين ،، "خالد سليمان

Khaled Soliman

Recent comments

Cili [FM]

omar hamdy

Belal Essam

Related tracks