#ماشي_أغنية
#آخر_الصعاليك_المحترمين
#المغرب_للجميع

#NEO_CHAÂBI
#POST_CHAÂBI
#SILLY_SONG

هادي ماشي غناية على للي ضاعوا
ماشي على الشاف و على العيلة (العائلة) للي باعوا
ماشي تا على الحب ولا كمشة د الهموم
هذا أتفه ديسك غاتسمع اليوم

ماشي على للي ڭ‍ال ليك و ڭ‍ال عليك
ماشي على الزين المربوط ورا الشبابيك
ماشي على آش كايعني الربيع للراعي
ماشي على للي خالعينا بالقراعي

هادي غناية على العواشق و الفراشط و المقالي
غناية على المقارج و الزلايف و الڭ‍صاعي
غناية على الماعن
على مالهم الماعن؟

تحتاجهم تلقاهم
أحسن من مولاهم
و ڭ‍اع للي خلاهم
أسياد الناس
و للي ماعندهوم سيد
أحسن من لالاهم

هادي ماشي غناية على للي فرعونا
ولا على الفنانة للي ركعوا
ماشي على الكرة و عقم الهجوم
هذا أتفه ديسك غاتسمع اليوم

ماشي على للي تسنيتي و مادور ليك
ولا شحال ساينتي القرعة د لاميريك
ماشي على للي حاسب روحو خير منا
ولا للي كرهك غي باش يدخل للجنة

هادي غناية على العواشق و الفراشط و المقالي
غناية على المقارج و الزلايف و الڭ‍صاعي
غناية على الماعن
على مالهم الماعن؟

تحتاجهم تلقاهم
أحسن من مولاهم
و ڭ‍اع للي خلاهم
أسياد الناس
و للي ماعندهوم سيد
أحسن من لالاهم.

كلمات و ماعن و طعارج و ما دونهم من الآلات: الشاب.
فيديو كليب: الشاب.
إنتاج: هههههههههههههه.

شكرا و إلى اللقاء في الحلقة القادمة!

C H E B - K I T C H E N - عن الماعن.

الشاب . CHEB