#قصيدتي #شير_ياحلوين_ورأيكوا ❤😌
#إلي_أبويا_النايم_أبدياً
#بصوتي_هاجر_نبيل❤
#الكلمات👇

الي ابويا النايم 
ف سريره الدايم
ولحد الان لسه ما زارنيش ✋
غيابك عني حقيقي طوّل
انا من غيرك مش عارفه اعيش
مش قولت مش هتسيبني🙂
طب.. طب انت بجد واحشني
انا عارفه انك لسه حاسسني
زي تمام ما انا حاسه بروحك
لسه معايا فرشه شعرك ..
نضارتك ..
وهدومك بردو ..
بيقولوا اخدت كتير منك
ضحكتك .. شعرك .. ملامحك👌
هزارك و جدَّك
فرحك وحزنك

انا نفسي اقابلك 💔
لو حتي يوم لو حتي ساعه
اقولك فيها كل الحقيقه 
طب بص .. دقيقه !
عارفه انك هتاخدني ف حضنك زي زمان

فاتت 20 ثانيه يا والدي !!

طب سيبني احكيلك عن تعبي
عن فرحي الناقص فرح بدونك
عن نومي القلقان ف غيابك
عن شوقي ليوم من ايامك
عن حاجتي لحضنك وكلامك
وهزارك ولنومك جمبي😞
عن تشجيعي لنادي تحبه
حبيته من حبك فيه❤
عن قعدتنا احنا الاتنين نسمع للست
سبتني اسمعها بدونك ليه💔
عن كلام اللي يقابلوني ..
يخرب عقلك .!!
طالعه لابوكي
انتي اكيد كنتي الاقربله
لسه بحبك 💕
ايوه بحبه!
ده يمكن اكتر من زمان ..
كل ما عقرب الساعه
بيقص ف شريط الزمان

فاتت 50 ثانيه !

هتسيبني لمين ف الدنيا 
احضني تاني هتوحشني
مين غيرك بس اللي حاسسني 
فاضل ثانيه 💔

طب هاعمل ايه بس بدونك 
استني يا ابويا وماتسيبنيش
وخدني معاك بره الدنيا 🌎

حواليا الناس .. اموات علي قيد الحياه👌
بموتك موتني 
وعيشت جوايا !
فاكر صورك معايا ؟؟🙂
صورتك مره صوره
حطاها ع المرايا❤
يمكن عينك تحضني 
كل ما ابص ليها..
او حتي تحتويني
بحنانها اللي ماليها💞
ارجعلي دقيقه كمان
وساعتها مش هاتكلم 
ولا هاحكي عن اللي كان
وان كان بالامكان ...
احضني وما تسيبنيش
غير لما اطمن تاني
واقدر اكمل واعيش😪
قولتلك بطل سجاير
ليه بس ما سمعتنيش😔

الناس تاعبني اووي يا والدي
ياما بشوف ف عنيهم شفقه
"ربنا يرحمه يا حبيبتي يارب"
متأكده ان ما ليهم ذنب
ودي كلمه طبيعي انها تتقال
بس اللي محال ..
ان الكلمه ترجع مفقود
انا مابقولش الكلمه دي وحشه !!
بس انا عايزاها ماتتقاليش
بالنبره اللي بتتقال بيها🙂
وقولوها جواكوا ماتحزنونيش
انا ابويا ما ماتش ✋
وده سببي ف اني عليه ما احزنش👌
ياما نفسي تشوف ف ملامحي..
ضحكتي وانا بحكي عليك
يا غايب حاضر جوايا بكل ما فيك

اظهروا دايما مشاعركوا لكل شخص تحبوه
حافظوا عليه وصونوه ..
وبلاش يوم تتعبوه..
الغياب اكبر عذاب
يارب ابدا ما تحسوه✋❤

انا عمري ما ببكي علي حاجه
كانت بين ايدي وضاعت
قلبي عليها تملي يعيط
بس دمع عيني ساكت

انا ابويا نزل علي شغله
ول دلوقتي لسه ما جاش
الي ابويا الميت بوضوءه
ولحد الان لسه ما صلاش ...🙂✋

قصيدة "إلي ابويا النايم أبدياً"- هاجر نبيل

Hagar Nabil