يالي تزعل وانا ماني بغلطان 
خلك على راحتك واللي تبي سوّه

لا ترفع الخشم يوم انك تعداني 
والله لتبطي وانا ما قلت لك قوّة

ان كان قصدك عبث ودك تحداني ؟
فابشر بقلب على الصدات ياقوّة !
 
نسيت يومك بعزّ الحُبّ تجفاني؟
أقفيت لا جابك غيره ولا مروّه

يومك تلذذ بتعذيبي وحرماني
وأن جيت تلقى حبيبك منقلّب جوّه

إن قلت وينك حياتي؟ قلت لي كاني
يا نار هالقلب من كاني ويا ضوّه

أن جات غلطةٍ وحده من لساني
الواجب إنك تطوفها من الخوّه

لكن .. على راحتك واليوم صحّاني
أسلوبك الي تغيّر وللأسف توّه

تكفى على هالزعل .. خلّك على شاني!
عشان تبطي وأنا ما قلت لك قوّه .

#حمد_السعيد

ياللي تزّعل - حمد السعيد

فرحت لك وأنا معاليقي حطام
والصدر من ما فيه بيّح كنينه

فرحة يتيمٍ ليلة العيد ما نام !
خالاته وخواله مواعدينه

مواعدينه بشت وشماغ بسّام
ويلّعبونه في ملاهي المدينة 

مانام وأحلامه تحّراه قدّام
كنه يطول أحلامه بـ( راحتينـه ) !

صبحه تجّلا نـوره بـ/ عيـد الإسلام
وقبل يروح المسجد ملّبسينه


جده ما بين العين والجيم واللام
خلّيه يافلانة ولا تأخرينه !

تراقبه بعيونها حب وهيان
وعيونها ممّا تكنّه حزينه

"يعرض لها الماضي مثل عرض الافلام "
لماضي ابوه وغلاه وحنينه 

يرجيه لـ( سنين القسـا ) درع وحزام 
وجنـب ٍ علـى صكات بقعا يعينه 

أبو ثلاث أعوام والّا 4 أعوام 
يغار منه البدر.. من كثر زينه 

صلّى وجاء وأمر الله اللي قضى تـآم
ماهوب داري عنه.. زينه وشينه

بشته عليه مهنـدم ٍ خير هندام 
واللي بعمره كلهم محترينه

يوم اطلعوا للشارع أنقسموا أقسام 
وأهم مافي القصّة ملّعبينه

تداعب رموشه ذعاذيع الانسـام
ويابردها يـوم آيبست شفّتينّه

وعلى تراب الأرض بأصبعه رسّام
أمّا رسـم لـه طيـر .. والا سفينه

العيد طعمه كان في الشارع العّام
ماهوب عن رغباته مقيدينه

رجع ولكن فرحته ضايعه (دام
كل ٍ مشى ) واخذ ولده بـيمينه

صاروا خواله في نظر عينه أصنام 
آحيـوا بـ.. داخله الجروع الدفينه

ولا عنده الّا امه وناب القهر سّام
جاها يبي منها اليدين الأمينه

شعوره اللي حس به مثل الإلهام 
وأول سؤال في باله : أبـوي وينـه ؟

سؤال : لكن كان مثل النبا الهّام
لازال باقي في المسامع رنينـه

جته تعدي ماهو تخّطي بالاقدام
وشالته بيديها وحبّت جبينه

أبوك : جاء البارح وقبل الفجر قام 
وشرى لك ألعاب وهدايا ثمينه

تراه حبّك وأنت غارق في الأحلام 
وراح لدوامه والشغل مرسلينه 

لحظه وهو بين الحقايق والأوهام 
والدمع الأزرق حاير فمقلتينه

يمّـه : ترى مانمت والعالم نيام
ماجاء.. ولا لمست يديني يدينه 

مادام رقمه معك من بين الأرقام 
بأكلمه يوم إنك تكلمينه!

طاحت ما كن آلها من الصدمة عظام 
ولاعاد فيها صبر ولا سكينه 

قالت بدون شعور وإدراك وإلمام
أبوك في تراب القبر دافنينه..

العام مات ومتّ من موته العام 
وكنّي بعد مامات عني سجينه 

أبوك جنـديع للوطن ضد الإجرام
عطاك عمره دون داره ودينه

تفجّرت من تحت رجلينه ألغام
ولاعاد لي بعده حصون ٍ حصينـه

بكّت .. وطاح الدمع من حر الآلآم
وبكى وطاح الكون من موق عينه 

كل ٍ عذلها بين عاتب ولوّام
تصّبري خلّي ضلوعك متينه

ماهو صحيح ان الضروره لها أحكام 
أكبر خطأ يوم إنك تعلمينه 

بكره تنسّيه الليالي والأيام 
هو فيه أحد ينسى حدا والدينه ؟

طير السعد في عالمه مابعد حام
والله يعلم وش تخبي سنينه 

أنا كذا؛ ساكت، وصابر، ومنضام
لكن كان الفرق بيني وبينه

الدمع لعيون الأرامل والايتام
ودمع الرجل ذل وهـوان وغبينه

فرحت لك وأنا معاليقي حطام - مشعان البرّاق

الهم والتفكير وكثَار الضنون.

you are the first person and the last person

مشعان البراق💤

منهو اللي مصرح لك تسلط علي

‏أنشدك وانتظر منك الجواب الأكيد
‏قبل تحطيمي ،،، وتدمير مستقبلي

‏هل معك قوة السلطان عبدالحميد
‏او معك صولجان الحاكم الفيصلي

you are the first person and the last person

Rama