This is a poem by Inzima(Produce by Umjita Records)in response to the Sun-CityBoxing match that took place between two acclaimed and most favored South African Musicians Cassper Nyovest & our very own mXhosa Naakmusiq (Anga Makhubalo). In honor and celebrating Anga Makubalo as a descendant yakwaXhosa, and as well as the current CHAMPIOON of the Celeb-City, Zeningakulinge Nimqale uAnga!!!

UNGAMQAL'UXHOSA!
BY INZIMA

Lo! NgowaleNtili ingqongwe ngooNgquphantsi,
neMiqolomba.
IGorha!!!
Elabhox'inkundla yooNdlebezikhanyilanga bexoxa.
Wabhida iiNkonde zancoma.
Nakumandela zagoba.
Suke zamnika umbandela wawuphicotha.

Lo! liGwada lokuthimlisa amagqirha.
UMnqayi wokuqinisa amaVila.
Elahluth'inqatha kuManqangisa ezihange, nezihandiba.
Ezaziba!!!
Zibambisele iNtaka, kanti zibuye neeNtsiba.
Uzakuthi ubuphi ukuba awundiva.

Ndithi uzungamqali uXhosa.
Uzirholele ihlahla lihleli kwiiNgxondorha.
Uyakucholwa uleli ngophotha.
Cassper Ngcon'umyeke axhaphe iNgqaka,
Wena uzihluzele iNtloya.

Kakade uCuntsu!
Akafani noShici!
Kungenjalo angangakushiyeli neCici.
Nguye iNkulu kuMzi kaNguni, 
Ubuze eTopiya.
Namhla ndibona uMgqakhwe ebanga iLifa.

Lo! njenge Gongqongqo uyakukuqongqoloza.
Igama elinegunya lokongamela,
Hayi ukukholosa.
Khumbulani i-Afrika...
Kuni ikhuthuziwe iphaca.
Ngubani owalahlekelwa ngooBiko?
OoHani...
Sele efuna nokuba nguCikicana ka Makhanda.
Oku kwento yokuba afike ayingcwabe ekhaya.
Gabula! Cofamankazana.

Uzungaaa! mqal'uXhosa.
Cassper uGezo malujongwe...
Oo A.K.A bakhona lena imfazwe mayisongwe.
Uyokuthi wakuqubula Xa uyiPolitika.
Asiyazi ke lonto thina sosuka sicikoze.

Sibhodle iintshwembenxa zamagama.
Sibengamafuqasi arhaxa njenge Qaqa.
Uyakuthi ukudyobha ngentshongo,
Ibe ibinguwe ebemkrolonqa ngezilanda.

"Kaloku uNaak ekhaya uziqika-qika kuQaqaqa.
UXhentsa axhininike,
Abe exhinele exhukwana.
Ungamqheli ke noQatiko oQathalala"

Khawuve ke!
Umcunukisile uXhosa de warhabaxa.
Wakhupha izithuko ezidale nakhuza nankwantya.
Kodwa ukuba ebethe "fuck!"
Beniyakuqhuzuka kubesegcibhala.
Kaloku izithuko kuni,
Zingena kamnandi ngolwimi lwabebala.

Nyovest umcunukisile uXhosa.
Udikwe "finish" akasafuni nova.
Yhini! sele ewukhalele nomhlaba owathathwa ngeTshova.
Ezityela uBuntu ebulumela ngenceba nokuxola.

Hayi ebengenje uNaak wenziwe.
Uxolo luxhom'izandla ngoba umxhokonxile.
Nam ndimncamile,
Kungcono ndinkcwayize.
UBuntu abusenaNxuwa kulelali bufudukile.

Xa enje nqwa! neZembe ukuchitha-chitha.
Nqwa! neXhwili ukugxagxamisa.
Nqwa! nenyoka ukwanyelisa.
Yiyo lonto uzakubhilwa-bhilwa ngooGqirha.

Nyuka iNtaba...
Uvuse uPhalo noRharhabe bazolamla.
UFaku afudumeze ufudo afuthe.
Ubuye umkh'ezantsi uMthuthe.

Yhini! na Nyovesi ukuba ungandi Hooooooyina!
Ngengacaphukanga uXhosa.
Umchambuze isilonda.
Sokushiywa ngooTogu nooMaqoma.
Namhla unguMvuliyezisa "akasayi kuzola."
UnguRigala.
Ucunukiswa kwangula "mfanekiso kaBiko usalenga-lenga eludongeni."
UnguLengisi "ulangazelela kwanokufa,"
ebuntwini mbuyiseleni.
Bendithe "Ntanga hayi!"
UXhosa ungamqali mna Athini Mqondeki.
Suke wasola inkululeko aze nayo,
Ukuba ikuhlalisa "ematyotyombeni" Wena Anele Kose.
"Wamjamela ngamehlo abomvu"
Makhafula Vilakazi.
Wathi "ufun'umhlaba, kodwa wohlulwa yiKasi"
Lo Ziqu-ProFound.
Nam ke "ndacela ukungayingeni" ngoba andimazi oyena Nqontsonqa.
Ukuze ndingachatshazelwa ligazi.

Uzungaaa! Mqali uXhosa...
Ngoba akaloHashe lamiyiyizelo yena,
LiHashe lentlombe.
AkaloHashe lamantokazi yena,
LiHashe lamaHenyukazi.
Ngaye bafundile abafundi, bade bafunda ukufundisa.
Ngoba utyhale, watyhudisa de watyhoboza.
Andibhombolozi ndiyabonga.
Yiva mna mqala oqaqambe ngokuQingqa nokuqalekisa.
Inzima, enzimela ezinye iiNzima.

Uyothi ubungaboni...
Uyothi ubungaqondi...
Xa ejik'apha okwevili lesikhoji...
Kungekho nelothemba lokuba kuyophinda kube Chosi!!!

UNGAMQAL'UXHOSA by INZIMA (Homage To Naakmuziq)

Thabiso Mboleni

Iinjongo

Single track from Nunstop Records
Produced by Pzho

Nyamezela

Mama

Artist name: Lloydness
Track tittle: Amagintsa
Produced by: Empire

AMAGINTSA - LLOYDNESS [Prod. By EMPIRE]

its a song that speaks to all the impatient,to just be content with what they have and where they are.

Xola

Siba Novel Ft Matic GHETTO

umthwakazi..prod. revron beats, recorded at imbali music, ft aya ka dikela

umthwakazi (8-4 dab)

18 Pzho Ft Vegita - -- - I Made It [Prod By Pzho][1]

Music taken from the album zolani available on itunes

0010.Pzho Zolani  Look At Your Friends Man Ft. Mickey

Stories are made and joy is created through it all

Phizo Nolitha Audio Spaza Music Or Songs Mp3 55475

A South African Recording and Entertainment Company based in the Eastern Cape, Johannesburg and Cape Town. Umjita Records is a brother to Umjita Clothing Brand.... follow us on Facebook and Tik Tok.

UNGAMQAL'UXHOSA by INZIMA (Homage To Naakmuziq)

UMJITA RECORDS

Related tracks