☀️

Kurdî

kurdish

Bihêle ez neçim

asîman xûz bûye bi ser gelî ve
bihêle
bihêle bila hevrîşim birrize li sivdera payîzê
bila baxçe binale bi dengê şalûran
êdî deriyek im ku venabim bi tu derê ve
kes dimirin ji bo kesan
lê kes namire di şûna kesî de
 
dimeşe aso bêyî zîzîna ber destê sibê
dibihîsim lingên zarokan, tewla hespên kûmêt
olana bajarên bilind direqise li bin zinaran
li jûrên nîxtarî axîna keçbûkên çilkezî
dipengize bahoz ji neynikên şikestî
bihêle ez
bibînim tayên spî li ser rehên spîndaran
 
tiliyên min berde ku li dora min digerin
pêlan didin pistepistên xeyalan
li şûna ramûsanên te xwîna reş û ziwa
vedikişe ji germilkên min siya nûbeharan
bihêle da bibînim kîjan sîng a min e
lêvên min kîjan in ku te gez dikir di stara şevê de
 
xewa maran peşkilî, borebora pezkoviyan
sênc xeyîdîn, koremişkan bar kirin çûn
stêrk dibiriqin weke hawarekî
ên ku dimirin zêdetir dimirin
qêrîn dihejîne zimanokên wan
de bihêle bila reyhan bişemire li ber şibakê
 
nîn e êşek ku weke mertal zeng bide
gava zaroktî bibe aveke şîlo li pey payîzê
navê min bikole li şûna çonga min a şikestî
dengê min li welatekî bigerîne ku bivejim
bihêle ku bivejim piştî xortaniyeke tehmsar
bila hejîrek bilind bibe ji bin tehtekî
 
em û berfê ne yan berf û em in nizanim
ev pêçî yên kî ne, ev por ê kî ye nizanim
lê ev sîng a min e bêtebat û çav dibezin ji nava serî
dengek ku ne weke dengan e, orîn e, borebor e, zêmar e
li dor e, li nav e, li jor e yan paldayî ye weke quntêran
min nîn e starek ku aş bikim bijangên xwe
bihêle bila pepûkek vebêje bi rengê kavilan
 
êdî ew wext hat ku dilê min biperpisîne
ku ronahiya min kor ke ku nêrgizan biqurifîne
ku li asoyekî ji bîr bike dilê xortaniya çiyayan
bi xatirê te ey evîn, ey sorgeweziya gulekê
bûka dayikên êşoyî, bavên ji derb ketî
bihêle, bila stêrk ji asîman bixuricin
bihele ez neçim,
destê min berde
ku ev ne destê min e!
 
Selîm Temo
(ji kovara Çirûskê)

BIHÊLE EZ NEÇIM

Here Em Bi Te re
Stranbêj: Cemal Tîrêj
Tekst û Muzîk: Cemal Tîrêj

Koma Berxwedan - Here em bi te re

Comerd - Car Caran

Kawa Nemir Sone 18 u 91

Ilana Eliya~Jabaliyo(Kurdish Lullaby)

Youtube kanalımıza bekleriz www.youtube.com/user/Apoci56

Erol Berxwedan - YPS  (Yeni 2016)

photo by gulnida

Helbest ji terefê Erol Şaybak hatiye amade kirin.

Selim Temo | Keştiya Bayê(bi dengê wî)

Feqiye Teyran - Tu Yi

Ez Agirim, Ez Namirim - Bijî Şervanên YPG

Efrin  Seri Hilde[ Official Video ] 2018

Strana Halepçe ya ku Şivan Perwer gotiye.

Şivan Perwer Helebce Halebce Halabja

Koma Berxwedan-Bihere Destar/Kurdî/Kurdish/Kürtçe

Koma Berxwedan - Memo

siverekHDP