يوم كلن تمنى شوفة اللي يريد
يعلم الله غيرك ماتمنيت اشوف
كل يوم اكتشف لي في غرامك جديد
نافلن كل جيلك ياعديم الوصوف
الغلا رغم بعدك عن عيوني يزيد
تحت ظل الغياب ورغم كل الظروف 
الامل مافقدته فيك لوك بعيد
خابرن ماتكنه لي ترا معروف
الحقيقة ملكني زينك اللي فريد
واصبح القلب في قبضة رموشن وقوف
العيون اسرتني والمنى مايفيد
جرحتني سهومك مثل ضرب السيوف
كل ماقلت يكفي قال هل من مزيد
قلبي اللي زمانه قسوته ماتروف
كل مافيك زين وطبعك اللي عنيد
كل ماشفت ابذكر واذكر اللي تشوف

يوم كلن تمنى/حسين العلي

RZG