وتلاقي روحك واقفة تايه في الشقوق...!

لو جيت هتلقى في قلبي مطرح  عمره ما ساع غيرك حبيب 🤎

روان خدي قلبي خلاص انا مش عاوزاه.

قلبَك هوى حرقُه الشجن.. 

وإزاي أبُص فِي نِنّها ملمَحش عينِي وصورتي زي زمان!! 

إزاي تشوف غيري بِهواها تخلِّده! 

ويفوتنِي من سَلو الدلال طلّة بهية.

ارفَع غمامة عينِي، حِس الشوق! 

اوعاك تغيب! وإن غيبت زارك من ريحاني دموع.")

كنت حلمي _ ندى ناجي

عَتَب الرجوع ..

وردك دبل يا حزين من كُتر ما رويتُه 
كُتر العطاء للشيء بيكون سبب موتُه 

وردك دبل || فرج البنا

معجزة ع الأرض_ رحمة الحداد

سواق الأزء قصيدة اتكتبت في حب شارع المعز

سواق الأزء

بدور عليكي _ اشرف عبدالهادي

لو والدي ماماتش - أشرف عبدالهادي

ماتكدبيش...
مش كُنتي عارفة إن ألبعيد
عربيد حَريم..؟
وإن الخمور بتحِل لي
لو بس كات من بُق "ميم"
وإن المزاج أنواع
وألرب، رب كريم
يرزُقنا بالأمتاع
فِ اللقمة والملِّيم
والأهل والأتباع
والعِند والتصميم
والشِعر والأوجاع
والفكرة والتعليم
والنسوان .....


إزاي فكّرتي فِ قلب دايب
هاقولِك: تشبيه مجازي بسيط
كان كاس نبيت, فاخر وقع ع الأرض
نَشَع وسال بالعرض..
جابوا خيشة يتيمة تحضُن إزاز
شربِت وسِكرِت لكن فيها دم
اهو.. شوفي حالي..
سكران بينشع هم
بـ 10
أو 7.5
في المية كحولّيات..
جمرات النار في أحشائي مابتنطفيش
في الوقت دة..
فيه حل واحد بس عشان أعيش
أحضُن طفاية حريق فِ شكل بنت
تطفي اللهيب.. وتحييني
تحبيني؟.. طب إزاي
رجلي أتبرت م المشي في البطّال
قلبي الحَديد مابقاش يجيد العِشق
او جُزء م الأخضر..
باحبِك أيوة, بس مش هاقدر!
صدري متخربش من أخر برا كُحلي
أقولك بلاش تفاصيل
تقوليلي لأ.. بوحلى
أبوح.. تبكي..
الله.. على لعنة التفاصيل
حُب تاني, لمين..؟
هنا مافيش وقت أضيعُه
وعشان أكون أمين
كان فيه وخلِص..
"دة نَص, ومش قَصيدة"
كسرت الوزن وكسرني
بحتت حديدة..
لعنة التفاصيل تشهد عليا
وحُبي لـ فريدة
وقَصّ شَعرك مرتين
بسبب عربيد بلا لحمة
وانتي تستاهلي العسلية
والفيونكات واللعب في الزحمة
عليكي السلام في الكلام
عليكي السلام في الجواب
عليكي السلام.. والرحمة
..
كافر وتشهد عنّي أركان العِراق
مؤمن بأن الدنيا تتهَدّ فِ عِناق
إزاي بتكوني قشَّاية غاوية الإنتحار
مع حد ماهر في الكلام ويغرَّقِك
قلبي الدَيُوث دلدَق بنات
طب حاسبي بس يدلدَقِك!
عاوزك معايا بس
مش عاوز ضَريح
إيديا لوّنها التُراب ع إللي اندفن
قلبي الصريح أصبح جريح
قلبِك صَحيح هادي ومُريح
وعشان بنفهم فِ الأصول
انا جاي وشايل الكفن..
حُكم بلدِك ع الرقاب يا سَنيورة فماتزعليش
رُصاصة الرحمة إللي هَتخوض التجربة
هَتسيبني أعيش..
أربع ثواني وبالعدد
الأولة, هاسمع طبل بندير ع المدد
والتانية, هَتشوفي الخضار دبلان
والتالتة, هَيسود الحنان وِسع الجَلَد
والرابعة, هَنشاهد سقوط الدُنچوان
..
وأشوف مشاعرِك من بعيد
وهاكون سَعيد بدموع عينيكي
لأول مرة في الحياة..
تنزل سِتار الجِفن فِ الشُوتْ الأخير
فاضل كتير..؟
هانت خلاص..!
هاركع ركوع المسحولين
فِ طوابير الرغيف
هارجع رجوع الجُندي
عن قتل الشريف
مال الوطن بينا يا حبيبتي؟
خايب ومن خيبتي..
مَقتول وسايح فِ هَمّي
مش طايل زُرار الإنسحاب
ما تدوسي وأتلمّي..
وكفاية تتمعشقي على طفل من دمّي
عايزانا نتجوِّز ونشُق بيننا طَريق؟
هَنجيبه وهَيكبر ويلومنا على حالنا
طب ماله دة ومالنا..؟
هَيشوفني ويشوفِك
ويشُك من خوفِك
رَجَس ومراتُه الحور
دستور يا أسيادنا
يقتلني من تاني..
وتعيشي بتعاني..
طب عاني دلوقتي
واهو تبقي قصَّرتي
على حالي وعليكي
كام ضربة من بعدين
قلبي مالوهش عَزيز
قلبِك جفا وأتهَدّ
بيعي القلوب برخيص
لو ليكي حَد فِ حَد
قلب الصَبية نَفيس
عيَّل ومش بيخون
لو شافنا مش بنصون
هَيُقيم علينا الحَد
طب عِدّي موتانا
لو ليكي يعني فِ عَد
لِفّي المسار بشويش
من تحت كوبري الجيش
هَتروحي بس لفين؟
جوايا شارع سَد.

شارع سد - اشرف خلف

قسوة الحياة يا فتاتي لـ محمد طارق - بصوتي

الشاعر " احمد جابر " .. مذكرات صديقي السجين

شعر 
محمد العواوني
عواونيتا

مالم تراه مراية الاتوبيس | محمد العواوني

انا عيشت عمري بَخبِّي في جفوني الدموع 
 من حقي أبكي ولو لمرة في نَص ..


عَتَب الرجوع ..

روان عبدالواحد

Recent comments

Soma Soliman

Malak Ali Eldeeb

Malak Ali Eldeeb

Malak Ali Eldeeb

Related tracks