مكسبي يامسندي حفظ العباده
والدروب الكايده حدرى وطاتي
خوتي للذيب ماتطلب شهاده
وانت ياذيب الفيافي صرت ذاتي

انت يابن عبيد شيخ ٍ سيد ساده
قرم وابن اقروم ياعز اللجاتي
انتم اهل الشور يانعم الافاده
مكرمين الضيف حيل مبركاتي

وش على العقبان من دبي الجراده
مايروع الذيب من ترع النباتي
والبهم عرض الغنم يعتاش زاده
والعصا في يد راعيها سواتي

بعض نبت الارضي مايدفي رماده
هـش لـو انه جـمـوع محزماتي
وبعض نبت الارض يستوجب حصاده
يحرص الفلاح في حـشّـه بتاتي

كل فارس لي تعثر به جواده
مايخونه ساعده ضد العداتي
والردي قرب له فراش ووساده
مايشب الضو في ليله يباتي

صبينا صبيٍ عزومي في جهاده
صبينا فكاك ترفات البناتي
صبينا وقت اللقاء يقدح زناده
لاد زايد مطعمين الجايعاتي

طيرنا قرناس لاتخشى زهاده
طيرنا وقت الهدد طلعه ثباتي

خالد عبدالرحمن - مكسبي يا مسندي

من كل بحر قطره .. و من كل بستان زهره

كلامهم خلى ضلوعي يلجن
لجة مخاليلٍ لواها العطش لي

وردن على بيرٍ به العام شربن
وجفت رواته ما بها ريحة المي

خالد عبدالرحمن - مكسبي يا مسندي

*ْ*ْ*ٓ*ّ

ّْْٓ