متعليه وتشوفين، عونج يا نجمة 
گلب السفيهِ نام، گلبي شينيمه

يا گمر ليش تغيب؟ ظل انطر وياي.. 
وانت على نيمك طار، وانا على دنياي..



- الأغنية بعنوان "شوفي" لـ كماكان.
- اللوحة للفنانة لورنا سليم.

عـونچ يا نجمـة

يعد جميل بشير ملك العود على المستوى العالمي

مقامات عراقية على العود - جميل بشير

صُور واضحِةٌ، لوحة 
قدرٍ عُضالٍ كاملةٌ.

الوعي في الشَّر

راية مابين النهرين| قصيدة للنوّاب تُنشر لأول مرة من ارشيف الموسيقي أحمد مختار

اُذْكُرْ أَنَّ الْمَوْتَ لاَ يُبْطِئُ. أَلَمْ يَبْلُغْكَ عَهْدُ الْجَحِيمِ؟

الكوميديا الإلهية - الجحيم - النشيد الحادي عشر - صدفة.

تقسيمة على مقام الحجاز
حسن عبادة 

بين بابين

" عَيْنُ اَلَكَمالِ خَيْالهِ : سِفرُ السندباد الاول

تغني سيتا هاكوبيان أغنية حضيري أبو عزيز "الولد" لكن بكلمات جديدة وتوزيع موسيقى مختلف.

الولد الولد - سيتا هاكوبيان

عاشقانه نيست

إحلو عمري - ميادة الحناوي

2016/12/03

ترافه وليل ... ودگ ريحان ... يسمر لا تواخذنه

يلَن كل دگه من حسنك .... شتل ريحان للجنه

ليالي ... ودگ نحر حدّار .... واحنه الشوگ ناحرنه

تحنّن ... دوس فوگ الروح ... واحسبها عليّ منّه

أطگن ورد من تجزي .... وألف نمّام يتحنه

بترف جدميك اطيرنّ فوگ ... فوگ الفوگ

أكتنّ عالورد ... مزنه

من اشوفك انذر النجمات ... ترچيه لسوالفنه

ووديلك هوى شگابين ..... واتردني بطرگ ونّه

بوشل هجرك يلمذبل .... شتلنه العشگ والصندل

تنينه وكل هجر حمّل ...دمع نيلي وسعدّ أسود

ترف وانت ولا سعده ... ولا مامش ولا أزود

حسافه اسگيتك بروحي ... وحسافه العمر ما ورّد
يگلي امعبر الطبگه : عشگنه نياحه يا سمره

يالمعبّر ... دصدّ عينك .... لچعة العين ما تبره

تأمل بينة يحبيب

رصعة الحنچ في گمرة

نسيت الروح يا يمه .... شدهني وتلها من ايدي وعگدها بطارف الغترة

أموتنّ وانتي گليله .... تظل رويحتي بستره

يروحي شكثر عاگولچ .... والمچاتل على الگطره

تبهذل حالي كل دگه ... وتذبني بفرح كل شمره

الزلف نايل هوى جبوري .... وانگط شفافي عالجوري

دمع نيلي وسعد اسود

ترف وانت ولا سعدة ولا مامش ولا ازود

ترف وانت ولا وردة ولا شوكة ولا ازود

حسافة سگيتك بروحي

حسافة العمر ما ورد

فرشت شليلي بدروبك .... أبيع العشگ للدنيه

هضيمه اتحنّن الشامت عليّه وتشتمت بيّه

چثير اگزازك بروحي .... واگولن هاي حنيّه

من اتلّك بالحلم يسمر .... يجي القداح بيديه

واعتّك واطبج بحرگه .... رفيف الريّه عالريّه

وتسيل دموعي بجفوفك ... نبع برمال نجديّه

واگلك ... ويــــــــــــــــــــــــــن هالغيبة ..؟؟

سنه .... وبالحلم منسيّه

يطيف شويه عاشرنه .... الصبح دنياك مگضيّه

شگلك .... وانت هالمايع ... ونه من الحرگه زهديّه ..؟؟

يامايل فرگ ... كل مايل فرگ بالعشگ عاريّه

بوشل هجرك يلمذبل .... شتلنه من الحزن مشتل

تنينه وكل هجر حمّل .... دمع نيلي وسعدّ أسود

ترف وانت ولا سعده ..... ولا مامش ولا أزود

حسافه سكيتك بروحي ....... وحسافة العمر ما ورّد

عـونچ يا نجمـة

Helen

Related tracks