LEEU VAN GELOOF 
Damaskus-ervaring. Tot vandag toe, as mense wil verwys na ‘n bekering of ‘n lewensveranderende gebeurtenis, sal hulle praat van ‘n Damaskus-ervaring. Die storie in die Handelinge 9 van Paulus se bekering is werklik aangrypend. Mens wonder wat in daardie 3 dae in Damaskus deur Paulus se kop gegaan het – hy was blind; het niks geëet, niks gedrink nie. Nugter denke sê hy moes sekerlik vreesbevange gewees het toe hy uiteindelik tot die insig kom dat hy sy lewe daaraan toegewy het om die SEUN van God te vervolg. Want alles wat Saulus gedink het hy weet van God, alles waarvan Saulus so vas oortuig was, is nou op sy kop gekeer en deurmekaar gekrap deur Jesus se woorde: “Waarom vervolg jy My?” Sy verdiende loon was om deur ‘n weerligstraal vanuit die Hemel getref te word. Maar nee,  een van die verrassendste dele van die verhaal, is dat Paulus nie in sak en as gaan sit het nie – inteendeel! Toe hy daar opstaan, word hy die Leeu van Geloof. Niks sou weer dieselfde wees nie. Met dieselfde passie, ywer en boldness waarmee Saulus die ekstra myl geloop het om die volgelinge van Jesus te vervolg, met daardie selfde boldness têkkel hy met vrymoedigheid sy roeping om die goeie nuus van Jesus te verkondig en met blymoedigheid vervolging en lyding ter wille van die evangelie te aanvaar.

“Ons noem hierdie gebeurtenis ’n bekering”, skryf NT Wright, “maar dit was meer soos ’n vulkaniese uitbarsting, ’n donderstorm en ’n getygolf wat kragte saamsnoer.  Indien die dood en opstanding van Jesus die skarnier was waarop die groot deur van die geskiedenis oopgeswaai het, was die bekering van Saulus van Tarsus die moment toe al die beloftes van God saamgebundel is, hulself in ’n groot bal opgewen het, en deur daardie oop deur in die wye wêreld uitgebars het”.

Hoe het dit gekom dat Paulus met soveel boldness, geloof en guts in die wye wêreld kon uitbars om die Evangelie te verkondig?

7 Maart 2021 - Siegfried Maré

Ek is wie U sê ek is.
Die meeste van ons sit een of ander tyd met ‘n identiteitskrisis. Wie is ek? Wie wil ek wees? Soos wíé wil ek wees? Wat sou ek verander as ek kan? Hoekom worry ek so baie oor wat ander mense van my sê, of wat hulle nie sê nie? Dit word met tye nogal moeilik om ons eie waarde en identiteit raak te sien, veral wanneer ons deur die verkeerde oë na onsself kyk. En dan die gedagtes wat ons pootjie…ek maak darem net té veel droog vir God om eers na my kant toe te kyk. 

Maar weet jy wat? Ek en jy het soveel waarde! Hoe is dit moontlik? Dis Jesus wat dit moontlik gemaak het. Hy gee aan ons nuwe waarde en ‘n splinternuwe identiteit, en daarom kyk God met sagte oë na ons. God sien ons raak. Régtig raak. Hy ag ons hoog. Elkeen van ons is die appel van Sy oog. Ons is wie HY sê ons is, en ons hoef NIKS ekstra te doen om God se aandag te trek nie. Jesus se bloed het ons vrygespreek sodat ons opnuut kosbaar en waardevol in God se oë kan wees. Dis hoe God na ons kyk, met sagte oë, en Hy wil so graag hê dat jy deur SY sagte oë na jouself kyk. Jy ís waardevol vir Hom, en dít is jou identiteit. 

In hierdie eerste deel van haar boodskap, gesels Adéle met ons oor “In WIE lê my identiteit?”, en ons word gekonfronteer met die vraag; “is my identiteit in mense en hul opinies, of in Christus en wat die Woord sê?”

3 Oktober 2021 - Adéle van der Walt

In die Bybel lees ons baie van wonderwerke. Dooies word opgewek, siekes word genees, blindes kan sien, Jesus loop op die water, en baie meer. Selfs in die Ou Testament is daar baie verhale van wonderwerke.
 
Maar vandag, in 2021, sien ons nog daardie dinge gebeur?  Sommige glo ja, ander skud hul koppe. Die tye van wonderwerke is verby, dit het net in die Bybelse dae gebeur…
 
Ons weet anders….
 
Want vele wonderwerke gebeur elke dag in ons lewens, en vele meer kan gebeur. Wanneer ons die storie van Jesus se wonderwerk by die Bruilof in Kana lees, is dit asof Johannes vir ons wil sê: waar ookal Jesus gegaan het en waar Hy in die lewe ingekom het, was soos water wat in wyn verander het. Hy bring saam met Hom ‘n “sense of wonder”. Al wat sy volgelinge moes doen om daarin deel te kon hê, was om te hoor wat Hy sê, en dit te doen- selfs ‘foolish’ dinge soos om wynkruike vol water te maak.
 
Siegfried gesels met ons oor “Jesus, ek en wonderwerke”. Mag ons nooit enige iets in ons brose lewens as vanselfsprekend aanvaar nie, maar na alles kyk as ‘n  wonderwerk gestuur uit God se goeie-gewende hande van liefde en genade.

En mag ons meer en meer soos Jesus wonderwerke doen, alles tot Sy glorie.

12 Desember 2021 - Siegfried Maré

Bitterheid byt jou twee keer… nee, eintlik sommer drie, vier, vyf maal … Dit gebeur die eerste keer as iemand jou skade aandoen; die tweede keer as jy dit onthou; die derde keer as jy met woede daaraan terugdink en die vyfde en twintigste keer as jy dit nogmaals in jou kop herhaal. Of dit dalk vir die dertigste keer oorvertel. Bitterheid is ‘n bitter swaar vrag wat jy saam met jou sleep. Bitterheid maak van ‘n mens ‘n onvrye persoon, dit skep in jou gemoed ‘n doodsheid. Jy word ‘n dor mens.
 
Bitterheid maak jou ‘n slaaf van diegene wat jou benadeel het. Jy verander in hulle slagoffer. Dalk het hulle al lankal vergeet van die seer wat hulle jou veroorsaak het. Moontlik skeel dit hulle min. Maar jyself loop vir jare met ‘n stuk donkerte in jou hart wat nooit wil weggaan nie. Dit alles omdat jy dieselfde bitter gevoelens deur jou kop hersirkuleer. Bitterheid is so erg omdat dit self-vernietigend is. Om die woede saam met jou te dra hou ‘n fokus op die verlede en verhinder jou van die pad wat God voor jou neergelê het.
 
Bitterheid is so 'n sweer in ons tyd dat sommige kliniese sielkundiges al daarvoor pleit dat dit as 'n geestessiekte gediagnoseer behoort te word.
 
Adéle gesels met ons oor Bitterheid, wat dit aan ‘n mens en jou verhoudings, en selfs jou gesondheid, doen. Hoe breek jy bitterheid en kom jy vry van hierdie swaar las?

26 Desember 2021 - Adéle Van Der Walt

As jy as kind in die Sondagskool was het jy seker ook baie keer gehoor dat jy veronderstel is om jou lewe te gebruik om God te verheerlik. Dit is nie iets wat die Sondagskool-tannie sommer uitgedink het nie, maar staan ‘n hele paar keer in die Bybel geskryf, so ons weet God is ernstig daaroor. Jy is gemaak om Hom te verheerlik. God het ons Sy kinders gemaak, als vir ons gedoen, alle struikelblokke uit die weg geruim en ons toegerus met  mag en krag sodat ons Hom kan verheerlik met ons lewens deur te wandel in die goeie werke wat Hy vir ons vooruit beplan het.

Kom ons toets of als in ons lewe aanneemlik is vir God en verheerlik Hom deur dit wat nie vir Hom aanneemlik is, af te gooi. Wanneer jy Hom verheerlik, sal jy ten volle die opgestane lewe, léwe.

12 Junie 2022 - Andrie Bouwer

As dit kom by ons sonde, verlossing en opgestane lewe in Christus, is daar min Skrifgedeeltes wat dit so duidelik en treffend soos Efesiërs 2 beskryf. Hier lees ons watter groot verandering God in ons lewens gebring het: Hy het ons wat geestelik dood was – verlore in ons sonde, sonder God en sonder hoop – uit genade saam met Christus lewend gemaak.

As Efesiërs 2 sê dat ons dood was, beteken dit nie dat ons fisies dood was nie. Dit is veel erger: Ons was geestelik dood. Dit beteken verlore, vervreem van God, sonder hoop en sonder God. Hier word ons lewe voor Christus as dood beskryf. Nie siek of sleg of aan die slaap of kort-net-so-bietjie-hulp nie. Dood. Dit is die Bybel se beskrywing van die mens wat in sonde geval het. Maar deur God se asemrowende genade maak Hy jou saam met Christus lewend. Jy het opgestaan uit die vlees en die Heilige Gees is nou in beheer van jou lewe en jy is vry. Dis hoe die storie nou staan.

Dit is eintlik te groot om werklik te besef wat God vir ons doen. Hy gee vir ons Iemand om elke oomblik deel van ons lewe te wees, 24/7, wat ons kan help om ons opgestane lewe reg te leef. Hy gee vir ons ‘n Vriend wat ons wil help om finaal koebaai te waai vir ons vlees, en met genade, en rede, ons opgestane lewe in Christus te léwe. 

In die volgende gedeelte in ons reeks oor “Verstaan die Opgestane Lewe”, kyk Siegfried na ons opstanding uit die vlees in die Gees.

3 Julie 2022 - Siegfried Maré

'Alleen uit genade is ons gered, deur geloof alleen. Nie uit goeie werke nie, maar tot goeie werke.’ Hierdie stelling is sekerlik een van die mees sentrale waarhede van ons Christelike geloof, maar ook die een waaroor daar die mees fatale misverstande bestaan. Daar is ‘n wesenlike onderskeid: ons dóén nie goeie werke om in die hemel te kom nie, nie om gered te word nie, maar omdat ons gered ís. Goeie werke lei nie tot ons verlossing nie; goeie werke is die bewys van ons verlossing en opgestane lewe in Christus. Deur ons werke word Jesus verheerlik. Jesus ontvang roem, eer en glorie deur die goeie werke wat gedoen word. Ons kan amper sê dat ons hande en voete, ons werke, ’n spieël is waarin mense vir Jesus raaksien.

Ons doen goed aan ander uit dankbaarheid vir die redding wat ons van Christus ontvang het. En God het vir elkeen van ons, vir jou en my, ‘n spesifieke taak, jou roeping, wat nét jy vir Hom op aarde kan verrig; om die goeie werke wat Hy vir jou persoonlik bestem het, uit te leef. Dit is die groter prentjie.

In die volgende gedeelte in ons reeks oor “Verstaan die Opgestane Lewe”, kyk Siegfried na ons opstanding in Christus vir goeie werke.

10 Julie 2022 - Siegfried Maré

Derek Chester-Browne het 'n kragtige getuienis. As 'n voormalige dwelmhandelaar en -verslaafde; ‘n man wat ‘n lewe daarvan gemaak het om ander ‘seer te maak’ (en goed was daarmee), is hy 'n man wat wérklik verstaan ​​wat genade beteken.

Luister na sy storie – en maak gereed dat jou boksie en idee van wat ‘kerk’ is, geskud word.

2 Oktober 2022 - Derek Chester-Browne

Ons skop af met die boek Petrus, rondom die tema - heiligmaking oftewel 'sanctification'. Om heilig te leef is ’n uitdaging...wel, so dink seker meeste van ons. Dit is ‘n proses, en dit gebeur ook nie vanself nie. Tog roep die Here alle gelowiges op tot heiligmaking. Heiligheid is ’n pad waar ons leer om al hoe minder die pot mis te sit en al hoe meer te doen wat God wil hê ons moet doen. 

Jerry deel enkele gedagtes oor heiligmaking - wat is dit, hoe doen mens dit, en hoekom doen ons dit? So, kom join ons soos ons journey deur die boek Petrus begin, en ons begin kyk na al die verskillende aspekte van heiligmaking sodat ons toegerus kan word op hierdie pad na heiligheid.

9 Oktober 2022 - Jerry Bouwer

Jou redding en jou heiligmaking kom as 'n 'package deal'. Petrus moedig ons aan om nie soos die wêreld te wees nie. Ons moet skynheiligheid, kwaad, bedrog, jaloesie en kwaadpratery aflê. God se Gees in ons help ons daarmee. 

In hierdie vierde deel in ons reeks, bou JD verder op wat Siegfried en Jerry aangeraak het oor Heiligmaking, en kyk hy meer in diepte na hoe ons daar kom, en ook na redding en hoe dit by heiligmaking aanpas. Kom 'journey' verder saam met ons op ons Pad na Heiligmaking!

30 Oktober 2022 - JD Bredenkamp

Paulus draai nie doekies om nie. Die mense van Korinte is redelik van die pad af. Daar is van die gemeentelede wat lekker in die sonde bad en dit is asof die res net hulle oë daarvoor wegdraai. ’n Kind en stiefma leef soos man en vrou saam. Daar is ’n man wat onsedelik lewe en nog vele meer. Paulus sê dat dit nie so kan aangaan nie. Die kwaad moet met wortel en tak uitgeroei word. Selfs die nie-gelowiges begin nou al oor die verkeerde dinge praat. Wat ‘n skande!

Paulus se wakeup call aan die gemeente, kom nie vanuit ‘n beterweterige, vinger-swaai, julle-beter-doen-wat-ek-sê-ÓF plek nie. Paulus se verstaan van sonde en die gevolge daarvan, kom vanuit ‘n gróót verstaan van die liefde. Hy het presies geweet uit watter gutter die Here hom kom haal het. En daardie insig gee vir hom die aansporing om boldly met die gemeente te raas – nie omdat hy die kwaai oom is wat die onhebbelike jong gemeente wil vasvat nie, maar omdat hy hulle liefhet en van die genade wat hy van God ontvang het, aan hulle wil uitdeel.

Siegfried kyk na hoe Paulus se liefde en insig oor sonde se gevolg, hom motiveer het om boldly op te staan en Christus te verkondig sodat daar hoop kon kom vir die wat nie gered is nie. En hoe liefde ook ons aansporing is om tot aksie oor te gaan.

16 Julie 2023 - Siegfried Maré

The eternal impact of miracles and healing lie far beyond the healing of our temporal bodies or changing of our immediate circumstances. Divine healing and miracles are God’s calling cards to reach deep into the heart of all mankind and transform lives with the Gospel of Jesus Christ. As believers, we are sent by Him to minister His Word and His power to the sick, hurting, dying world around us. Keir looks at how we are to become more grounded in the breadth and depth of divine healing and miracles. Be inspired and 'flip on the switch' of your faith as Keir brings us a wealth of knowledge straight from the Word of God, and accounts of actual miracles in the lives of everyday believers!

13 August 2023 - Keir Tayler

Shakespeare het gesê ‘to be or not to be’, maar ek dink een van die grootste uitdagings vir ons as die ‘saints’ van God is: ‘to say or not to say’.

Daar lê soveel krag in ons tonge en woorde - die krag van lewe en dood, selfs die krag om die rigting van ons lewens te bepaal. Ons tonge word vergelyk met die roer van ‘n skip; die kleinste deel maar tog die belangrikste vir die rigting van die skip!

Sou dit nie wonderlik wees om ‘n duidelike teken te kon gehad het nie: ‘Draai Noord vir heiligwording - draai Suid vir vernietiging’? Paulus het soveel keer in sy briewe aan die kerk verwys na ons woorde en woordgebruik. God beklemtoon die belangrikheid daarvan oor en oor in die Woord en ons kan nie anders as om te besef dis deel van die pad van heiligmaking nie.

Kom kyk hoe hierdie roer in jou lewe werk sodat ons saam kan seker maak ons skip bly in die regte rigting - die rigting van heiligmaking.

19 November 2023 - Liesl Maré

Ons tema vir die volgende paar weke is Die Doop en Siegfried kyk in hierdie boodskap na wat Jesus se perspektief daaroor is.

11 Februarie 2024 - Siegfried Mare

Die samewerking van Vrugte en Geskenke - granate en klokkies

18 Februarie 2024 Kenny Le Roux

Die Doop - 7 tipes Doop (Liesl Maré)

Hoeveel tipes doop is daar? Is daar net een, dalk twee of drie? Liesl kyk in hierdie preek na die 7 verskillende tipes doop genoem in die Nuwe Testament. Sy lê speciale klem op die ene wat seker die mees onpopulêre een is - Die Doop van Swaarkry. Luister saam na die bemoediging van Jesus wat die pad voor ons geloop het, want duer Sy voorbeeld kry ons die krag en hoop om aan te gaan, gee nie om hoe swaar dit is nie.

25 Februarie 2024 Liesl Mare

Die doop en die lewe daarna. Ons gaan in kort bietjie kyk na die doop en dan fokus op hoe die lewe lyk na ons gedoop is. Regte-lewe-belewenisse wat gedeel gaan word, maak dit eg en maklik om te verstaan, hoe ons almal in Christus kan opstaan in 'n nuwe, avontuurlistige lewe.

04 March 2024 Delmaine Fritz

Lesotho Uitreik Feb 2024
Ons span gee terugvoer van hul reis na Lesotho

04 March 2024 Lesotho Feedback

Stap ons uit in die outoriteit wat ons ontvang het toe ons Jesus as redder aanvaar het? Kom ons kyk saam hoe Jesus dit gedoen het sodat ons dit saam kan aanpak

10 Maart 2024 Jaco Van Der Walt

Die Doop - 'n Loop saam met Jesus (Siegfried Maré)

Die doop is om saam met Jesus te loop. Siegfried praat oor wat dit behels om IN Jesus te wees en Sy genade deurlopend to ontvang.

17 Maart 2024 Siegfried Mare

Die Doop : Na my doop - die oopgaan van ons oë en smagting om Sy glorie te sien (Siegfried Maré)

Na ons doop stap ons 'n nuwe pad IN Jesus, maar ons herinner onsself voortdurend dat ons Sy glorie wil sien. Ons smag na oë wat meer en meer kan fokus op Jesus, Sy glorie en Sy Gees.

24 Maart 2024 Siegfried Mare

Die Doop - Jy kan ook doop (Siegfried Maré)

Ons stap in gereedheid, soos die Israeliete tydens die eerste Paasfees, gegord met 'n belt, ons voete geskoen, 'n staf in ons hand. Deel van die gedoopte lewe is om in gereedheid te wees om uit te gaan en 'n verskil te gaan maak.

31 Maart 2024 Siegfried Mare

Jesus is jou Opstanding: Ons staan in Jesus op (Siegfried Maré)

Waar jou fokus is, is jou krag. Siegfried kyk na wie Jesus vir jou is en hoe jy in Hom kan opstaan. Ons besef ons het Sy hulp nodig en kan slegs met Sy hulp opstaan en loop.

7 April 2024 Siegfried Mare

My bewyse dat ek opgestaan het in Jesus. Ek kyk na my verandering hoe ek kyk na Jesus. My gedrag verander na ongeerg na EER. En snaaks maar tog so. Ek werk goed met my geld.

14 April 2024 Siegfried Mare

My getuienis van my opstandings lewe. Ons gaan kyk hoe geloof en hoop nie net "sê dinge" is nie maar 'n beskrywing van my belewenis van Christus Jesus.

21 April 2024 - Siegfried Mare

Die Opstanding: Ek weet ek het opgestaan want ek loop saam met Jesus. 

Om saam met Jesus te loop is anders as om net te weet van Hom. As jy saam met Hom loop beleef jy hoe Sy lewe in jou manifesteer.

28 April 2024 - Siegfried Mare

Ek weet ek het opgestaan want ek kan doen wat Jesus doen. 

Om te kan doen wat Jesus doen moet ek naby Hom wees om te kan sien wat Hy doen en hoor wat Hy sê. Ons gaan kyk na hoe ek en jy naby Hom kan wees en naby Hom bly.

5 Mei 2024 - Siegfried Mare

My opstanding het 'n doel. Kom ons vra onsself, "Wat beteken my opstanding vir my, en hoekom het ek dit nodig?"

12 Mei 2024 - Siegfried Maré

My opstanding stel my instaat om God se wil te doen.
 
Ek wil ook vir my Vader vreugde bring want Hy het my lewe verander ten goede. So, ek wil weet hoe ek vir Hom vreugde kan bring.

19 Mei 2024 - Siegfried Mare

13 January 2019 - Siegfried Maré
EK KAN: Ek KAN in my eerste liefde vir die Here bly loop

1 Johannes 4 vers 19: Ons het Hom lief, omdat Hy ons eerste liefgehad het.

Hoe lyk jou liefdesmondering en hoe bly jy dag-na-dag daarin leef?

13 January 2019: Ek KAN in my eerste liefde vir die Here bly loop

06 Jan 2019 - Siegfried Maré
Siegfried gesels oor hoe jy God moet insluit in jou Nuwejaarsplanne. Hoe jou eerste liefde God is en hoe hy moet seevier in al jou besluite die jaar.
Kernwoord: Virtue. Eerbaarheid. Gen.20

06 Jan 2019 - Eerste Liefde: God is in Jou Planne

Voetspore. Die sigbare merke wat dag vir dag verklap waar ons was. Voetspore in die grond, voetspore in die lewe, merke wat ons agterlaat, soms goeies, soms slegtes. En dan natuurlik die voetspore van ander voor ons. Sommige lank terug, sommige sommer onlangs. Agter wie stap ek en jy aan? Vir wie volg ons? Loop ons op goeie spore of slegte spore? Is ons in die regte rigting op pad?

Terwyl Jesus op aarde was, was Hy die lewende voorbeeld van Iemand wat lewe soos God vra. Sy liefde vir, Sy gehoorsaamheid aan, en Sy vertroue op Sy hemelse Vader was in alles wat Hy gedoen het sigbaar. Hy het God se liefde vir mense demonstreer in Sy eie omgee-liefde vir elke mens met wie Hy in aanraking gekom het. Hy wou almal help, het almal met simpatie en empatie behandel, en vir almal Sy onvoorwaardelike vergifnis aangebied. Met alles wat Hy gedoen het, was Hy gehoorsaam aan die opdrag wat Hy van God gekry het – om die boodskap van verlossing op aarde uit te dra. 

Jesus se spore is baie duidelik, dis diep getrap in die samelewing. Die diepste herkenbare spoor is die kruis – ons baken. Daar op die kruis het Hy die diepste spoor denkbaar getrap. Daar waar die Satan vertrap is. Daar op die kruis het Jesus die sleutel gelos vir ons pad hemel toe. Maar Jesus se spore stop nie by die kruis nie, want Hy het opgestaan. Sy spore gaan tot in die hemel. En ons spore gaan of dáár stop, of in die verderf. John Eldredge het gesê; “Only by walking with God can we hope to find the path that leads to life. That is what it means to be a disciple. After all - aren't we 'followers of Christ'? Then by all means, let's actually follow him. Not ideas about Him. Not just His principles. Him.”

As ons agter Jesus aanstap, kan ons net op die regte plek beland. Dan kan ander maar gerus agter ons aanstap, want dan loop ons spore nie vreemde of slegte draaie nie.

6 Desember 2020 - Liesl Maré

Die Akker is 'n Christelike Kerk, gebaseer in Linden, Johannesburg.

Popular tracks by Die Akker