خالد الفيصل - ﻻ ما انتهيت

واهني اللي على الحول ينبت له جديد	
 وش سواة اللي جناحين قلبه محرقه
يا لطيف الروح وبحق خلاق العبيد
اكرم المملوك بالوصل والا فاعتقه


بدر بن عبدالمحسن : الخل العنيد

أقول أحبك يخرج البحر صندوق 
تبرالغزاة وكنز سود البيارق 
وأقول أحبك صدرالايام مشقوق 
عن وجه غرناطه وعن مهر طارق 

اقول احبك بدر بن عبدالمحسن

ياللي حنانك نظرة بين الأهداب

ردي علي بعض العزا ناظريني

بدر بن عبدالمحسن : لاتجرحيني

الأمير الشّاعر : بدر بن عبدالمحسن .
قصيدة : رسالة .
المعرُوفة باسم : إلى من يُهمّها أمري .

بدر بن عبدالمحسن | رسالة .

‫ بدر بن عبدالمحسن -ظماي انت‬


لا تسأليني و ابصر الناس..الاعمى
وين العدل؟ يفداك يا شمعة الدار

لولاي ما خلّوا حناياك مرمى
بـ سهامهم و لفّقوا عنك الاخبار

ليت الشفاه اللي عن الحق طرمى
خلتك و حطت فيني العيب و العار

انا البحر..من يشرب البحر يظما
و انا اللذي في الجود مداتي امطار

الظلم يوجع..يا اهل الظلم مهما
حاولت ادور تفاسير و اعذار

انتي بياض الغيم يا زمزم الما
و اعلى النجوم اللي على الارض سيّار

بياض الغيم  بدر بن عبدالمحسن

بدر بن عبدالمحسن - حزين

آه ما ارق الرياض تالي الليل

الليالي الوضح - بدر بن عبدالمحسن

صياح الباب يكفي لا ظهرت وبكتم صياحي
لك الله لو تبيني اصرخ حبيبي لا تهج الباب
ولو باقي عتب لا ترحم همومي وافراحي 
عيوني لك مرايا لو تبي وافتح ضلوعي كتاب
اذا مات الحكي ما عاد ينفع ضحكي ونواحي
يقولون الذي كاره يلاقي للفراق اسباب
حبيبي والوداع نعاس نجم والجفن صاحي
واحلام الرماد ولفتة تملي الدروب غياب
امانة لو عشقت في يوم غيري تذكر جراحي
ولا تترك حبيبك ما بقى للعاشقين عتاب
مفارق والذي يخليك لحظة بطفي مصباحي
تعرى الدمع ساعدني البسه الظلام ثياب

صياح الباب - بدر عبدالمحسن

بصوت أحمد النقبي

الكلمات: 
انتظرتك .. عمري كله .. وانتي حلم

ومرت الايام والله .. وانتي حلم..

ليه تأخرتي علي ..

توهي مره واسالي ..

كوني في غير الزمان .. والا في غير المكان

كوني عمري .. عمري كله..

اللي باقي .. واللي كان..

انتظرتك عمري كله .. وانتي حلم ..

كل نجمه شعشعت والقلب عتمه .. كانت انتي ..

كل حرفٍ حرك شفاهي بكلمه .. عنك انتي ..

وكل حبي اللي مضى والحب قسمه .. منك انتي ..

كانوا الاحباب ظلك .. بعض احساسك ونورك ..

ما عرفتك يوم كلك .. ياللي في غيابك حضورك ..

انتظرتك عمري كله .. وانتي حلم ..

هذا إنتي .. قولي والله إنه إنتي ..

وين غبتي ؟! .. عني هذا الوقت كله ..

وين كنتي ؟! ..

شيبت عيني طيوفك .. وما أصدق إني أشوفك ..

ياللي قلبي في كفوفك .. نقش حنا ..

وفي جديلك عطر ورد ..

آتمنى .. لو تكوني في فراغ اعيوني وعنى

وفي سموم ضلوعي برد ..

ليه تأخرتي علي ..

وما طرى لك تسألي ..

ليه نأخرتي علي .. وما طرى لك تسألي ..

إنتظرتك عمري كله عمري كله .. وانتي حلم

بدر بن عبد المحسن

أنتِ حلم - الأمير بدر بن عبد المحسن

خالد الفيصل: قال الوداع وقلت ريّع لي شوي

مجنونها ـ بدر بن عبد المحسن

لليل احبك ـ بدر بن عبد المحسن

يوم مدّ لها يده

كانت الرجفه لقا

ودّعت فيها الشقا

وتركت بين الاصابع عطـرها

وعمرها ما جت على وقت الوعد

إلا ذاك اليوم

و عمرها ما بكت


و ما ضحكت

ما حكت له

و اسكتت

مثل ذاك اليوم

حسايف_  الامير بدر بن عبدالمحسن

على الوساده شرايد نوم - من ما ترك خلي الجافي 
لعل تالي سهرك اليوم - يا عين و اللي مضى كافي 
هجرت هم و طويت سقوم - و دخلت في المخدع الدافي 
و ساعة غفى جفني المحروم - و رميت حملي على اكتافي 
حلمت باللي هواه حلوم - يصب جمرٍ على اطرافي 
و انا احترق يالله المقسوم - و اطفي النار بلحافي 
يا زين للعاشقين سلوم - و غاديك تحكم بالانصافي 
هو ينعدل لا شقى مظلوم - او يشكي السقم متعافي 
ما﻿ شفت جرحٍ عليه هدوم؟ - هذا انا البيٌن الخافي

بدر بن عبد المحسن - ما شفت جرحاً عليه هدوم ؟

ليه أحس إني وأنا اشوفك حزين - وقلبي الليله بهمي ممتلي

كانها الفرقى طلبتك حاجتين - لا تعلمني ولا تكذب علي

خلني ما بين شكي واليقين - السكوت رضاي عنك وزعلي

باكر اللي خافي لازم يبين - والوعد بلقى مكانك به خلي

وانتظر لي ليلة او ليلتين - لين ما يقفي السحاب وينجلي

ولا طويت الياس بذرف دمعتين - للهوى الغالي و باوادع هلي

صاحبي بموت من كثر الحنين - خلني بختار لحظة مقتلي

بدر بن عبد المحسن - كانها الفرقى طلبتك حاجتين

صحيح اني انسى الحوادث والملامح و الاسامي..
لما أكتب عن غرامي .. شعر ابعد ما يكون عن مجرد 
جرح دامي ..
يمكن أقرب للجنون...
من تفاصيل الحكاية..الاساور والمرايه..
عندي هموم القصيده غامضه صعبه عنيده..
وانت عاشق للوضوح ..
ودك بسري ابوح..و انا اخر همي بوحي 
اعبر الشارع ... في الرصيف الثاني قهوه
فيها اربع طاولات ..وحده اجلس فيها وحدي ..وحده للي بيجي بعدي .. وحده لأغلى حرف عندي..أما اخر وحده دايم للي فات..
من هموم وذكريات ..زحمة لكن كل من في القهوه ربعي 
كلهم دمي و دمعي ليه ما تجلس مكاني 
وهذا شوفي وهذا سمعي اطلب اقلام ودفاتر ..وحاول اكتب عن شعور ..لاهو ظلما و لا هو نور ..
قلب مابين السطور .. وانا اكتب اغنيه مثل الرسايل كنت اكذب .. و الخيال العذب كذب ..
كنت لازم اخفي سري و ما اقول
ان هالمره قصيدي هو خيالات الحقول تطرد اسراب الطيور عن حقيقه عن شعور ....
ما هو في ذهب السنابل .. انما تحت الجذور ..
كسروا العشاق بابي ...
قطعوا لحمي ثيابي.. وخلعوا الادراج ..
طاحت مزهرياتي الجميله شققوا جفني كتابي وسألوا
وين الجديله
ودمعة العين الكحيله مالقوا في بيتي الا .. وما لقوا في صدري الا .. وما لقوا في قلبي الا ..
امنياتي المستحيله .. 
و اني احلم بس احلم ..

بدر بن عبد المحسن - بس أحلم

من كتب الحب العتاق وتاريخ القراق 
وستاير الدمع الرقاق ..
جمعت قلبي غبار وقطع فخار ..
ومن على المرمر البارد ..
ومن ما نسته النار من غيمي المحروق ..
وحملت عيوني وركبت أول سفينه تبحر ..

على وجهي الاصفر خريف طال ..
وسلال من رذاذ وملح ..
وفي صدري حجارة نسيوها بحاره ..
مروا علي ف يوم ..
وقالوا تعال معنا وما كان يجمعنا ..
إلا الضياع والريح ..

راجع من الايام من الاحلام ..
ومن الف سناره مغروسة بقلبي
لقيت لي بشارة ما اغلى عطا ربي ..
أثر العمر ساره وموج البحر ساره .. 
وكل المدى ساره ..
سافرت كل العمر وراجع احب سارة ..

بدر بن عبد المحسن - سارة

في كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضي الحوانيت القديمه ..
ونقش أبواب البيوت ..
كلها شعر ومواعيد قديمه ..
وصوت قلبي اللي يموت وما يموت ..
لكل قصة حب عذال وحسود ..
ليه تخدعنا الأماني والليالي السود سود
إشعلي جمر العناد قربي معاد أشوفك ..
لا يفرقنا السواد ..
ارسمي وجهي بكفوفك ..
ولا تجرحنا عيون الليل وحروف النميمه 
ولا يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت ..
لكل قصة حب أشواك وورود ..
وليه نصرخ من ألمها وكلها تنبت في عود ..
ناظري هذا قمرنا لو تغطيه الغيوم ..
وناظري هذا شجرنا مهما تحرقه السموم ..
ولو تجرحنا عيون الليل وحروف النميمه ..
ولو يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت

ع

sarash1