فرقه فاشيخة ...مزج بين الموسيقي الفلكلوريه المصريه والاليكترونيه والتريب هوب

Ya Sahbi (The Walls Of Cairo)egyption project

Al Qamar Wal Moheet | القمر و المحيط

Sunday Night Whistle

Music: Emm el khelkhal - Khlaed Jubran
كتابة وإلقاء: محمد السيد عزيز
----


ارتاح هنا
ع الباسطا-دي
حاسب 
دي سلمه مكسورة
خبط عليا وانا هفتح
واطبع بوسات فوق القورة
اطبطبك
 كلك تتهز
وانفضك
من لمز وغمز
ارقيك من الحاضر والأمس
وبكرة 
ان كان له ضرورة
.....
وانا 
ما بقولش بحبك
لكن
هعقدلك عقد فصوصة بريق
 فصين م المرو
وفص عقيق
يحميكي من الضلمه وم الضيق
وان لف رقابك
تلقي امان
وان لف رقبتي 
ما اكونش برئ
..
راجع من اخر الكون 
ملعون
في ايديا قلوب دايبه من الخوف
كات راسمه كيان حواليه بتطوف
بتهمهم بالنبض المألوف
وتضخ الدم في عب الكون
والكون ملهوف ومهوش فاضي
بيلف يلف
وكعوبي انا دابت ع الفاضي
والشمس تحف
تلسعني قلوبهم مش شمسك
وان كنت بشوفك.. مش لامسك
يا حلاوة بكرايا وامسك
وحلاوة روح بتروح عندك
ارجع عطشان..
انا مش هقول بردو بحبك
لكن
 هفصصلك رمان
يروي الزمن لو كان عطشان
ويرد ايد الكون عنك
وعيون الجان
..
لو روحي تسند على صدرك
القاني بشوف
لو راسي تسند على كتفك
ارجع مألوف
وان كلي يتكن ف كلك
ارجع انسان
.. 
وانا مش هقول بردو بحبك
لكن
هسأل
عن سر لون عينك في الشمس
وغربتك وسط صحابك
وكلام الهمس
وان فات عبيرك.. غطاني
القى العبير كله معاني
بتفسر السر الكوني 
و الانهيار الانساني 
..
القصيدة اتحولت غزل
من غير قصد ولا نية
انا كنت بفتح لاصحابي 
 .. لقيت جنية
اتاريني بفتح باب البيت 
على شباكك
رماني وجعي ل اقرب حضن
في شباكك
ما تخافي شوكي مبيشوكش
 ان شافك
في الليل بيقلب نور اصفر
و حنية
..
قلبك
بقى صبار يستني االليل
يمكن 
كف يطبطب فوق شوكه
من غير قصد
في الضلمه
..
..

محمد السيد عزيز
يناير 2024

هفصصلك رمان

Music Track: Ibrahim Maalouf Naga (feat. Adnan Jubran)trio Jubran
كتابة و إلقاء محمد السيد عزيز
......

في المحنه
طبطب ع اللي بيبكي
وخاف ع الساكت
واحضن في اللي يخاف
الدمعه ان نزلت .. فهتجري
اما اللي دموعه ما نزلتشي
هيعيش خواف 

الدنيا 
بتعري  الروح وقت المحنه
وترص عيال آدم 
جوا الفتارين
انتو  سبقتو واحنا اللاحقين
والموت شواف 

تدلق القهوة الساقعه على دراعك
تلقاه سقعان
كام حضن الليلة مكانش معاك
كام ودن بتسمع دب النمل
ومش سمعاك
كام ليل بيعدي
وعدى وهيعدي
وانت الواقف مش بتعدي
زي المانيكان
.. 

من اللاشئ
للا شئ
لشبه حروف
جايين نهد الدنيا
بدمعنا المولوتوف 
راجعين نداري سؤتنا
فساقتنا الظروف
قومنا سرقنا الموسيقى
من ابراهيم معلوف
وعشان حقوق فكريه
هيمسحوه قريب
ده ما يمنعش ابدا
ان ابراهيم طيب
بيحتوي الانسان
وبيعمل المعروف
...

بنستنى الغروب لجل نتحرر
م العيون
نظرات البشر سكاكين
من تحت جفون
بتسرسب م الخوف خوف 
وتبص لكن ما تشوف
وتلوم وتعاتب
وتصالح
او تطرح  ملح
وساعات بتطبطب
وتطمن
وساعات ت ج ر ح
والدنيا
فيلم porn طويل
ساعتين ع ال loop
دقيقتين راكب
والباقي مركوب

والانترنت الغير محدود
محدود
زي وضعك لاقتصادي
والاجتماعي
وانتهاء صلاحية الوعود
..
...

بنخاف من قرص الشمس
ومن ضل الشجر
وبندمن مهدئات طبية
و مكملات غذائية
الطبيعه مخصمانا
فاستبدلناها بأدوية
تعدد الشخصيات لانفصامي
مش الزامي
لو كلها دراميه
وتعدد الحواديت
بقى فيلم (porn) طويل ع ال (loop)
دقيقتين راكب
ساعتين مركوب 
والانترنت الغير محدود
محدود
محجوب
زي عينيكي على سطح البحر
وانا بغرق
في ظروف دامية
..
..
لو هطلب  حضن
ابقى شخص اعتمادي
كلمة معلش بقت غالية
في وضعنا. الاقتصادي
فبقيت تحضنهم وانت المحتاج المعلش
وتقول معلش
خليها عليا المرادي
...
لو هطلب اهتمام
 ِِ (Attention whore) ابقى 
...
لو هطلب الوصل
ابقى شخص حكاك
..
لو هطلب 
ابقى شخص محتاج

فطلبت الوحدة
ونسيوني
بتلف الدنيا
افتكروني
رجعولي في ليلة فلقيوني
مبقتش بخاف
وبقول للاعور ف عيونه
يا جمال عينك
خطفوني
وبشيل سكاكين تحت جفوني
نتبادلو سوائل عبر الويب
نتبادلو مشاعر عبر الويب
كله مميكن
فبقيت انشف من الصوّان
لو تطلب عيني 
هلين
واخلعهم
لو تطلب ايدي الاتنين
هستأذنك تقطعهم
لو تطلب قلبي 
هقولك في قلوب احسن
الناصيه الجايه شمال في يمين
في يمين
في شمال
واما هتمشي هرجع تمثال
كما كان الحال
...
دي مش قصيدة
ده ريسيت (Receipt)
خبيت بلاوي ف قلبك
شيبت
من كتر ما اتخضيت
اتوسخت بلون الدنيا الاصفر
بقيت معفر
اشبه بنهار مطلعلوش شمس
او اغبر
واختارت تفكر فترة
ثم 
مبقتش تفكر
اخترت تسنك مع ترس الدنيا
بتلف تلف
على قد الوسع اللي ف قلبك
عقلك بيخف
فنجان مظبوط
صدرك مكبوت
عقلك مضغوط
وتلف تلف
٣٣ سنه في عجلة هامستر
خلصت؟
استريح
كنت فاكرك جامد
ميهزكش الريح
اتارينا فوق جرف هار
فانهار بنا
بس لسه بنطلع التصاريح
... 
....
هذا الوضع الاقتصادي
مش محتاج صندوق النقد
ولا جامعة الدول
ولا دول النفط
هذا الوضع العالمي 
مش محتاج سقوط امريكا
ولا السوشيال ميديا
والانترنت
هذا الوضع العربي
مش محتاج قائد عربي
ولا مسواة الراجل بالست
هاذا الوضع الشخصي
مش محتاج هذا الكم
من المهدئات
وجلسات الثيرابيست
كل الاوضاع دي
محتاجه
 ٨ ٨٪
او 
٥٪ 
at the least
....

فيلم بورن/ عجلة هامستر -Hamster Wheel   
محمد السيد عزيز
20 يناير 2024

Hamster Wheel - عجلة هامستر

Track about absolute bull shit and just messing around, track 2 on the album

TOAO Hunter - There She Go

توظيف مجنون لأغنية شجر الليمون في فيلم البحث عن منفذ للسيد رامبو

كل شيء بينسرق مني - محمد منير

A short symphonic poem for piano and orchestra, requested by the Brazilian pianist, Pablo Marquine.  Pablo is renowned for his sensitivity.  I wrote this piece to give this gift the chance of full expression. This is a computer realisation of the work. It is more than passable, but lacks his sensitivity.

Pablo's Symphonic Poem

When the pianist Pablo Marquine asked me for a symphonic poem for piano and orchestra I was left with the question: "What is the difference between a concerto and a symphonic poem?" This work is my answer. Pablo is an exquisitely sensitive performer.  Although this is an excellent computerised version, worked with my friend,  Dr Michael Hill, it falls far short of the nuance that Pablo would bring.  Nonetheless, it is more than worth the listen. Please enjoy.

Pablo's Symphonic Poem - refined computer version.

Melvyn Cann