طلعت يا محلا نورها

بيقولوا الوقت بيقتل الحب.mp3

بحب البحر-كاميليا جبران

رم, طارق الناصر - مشتاقة كتير


زي العصافير ما هي رمز سلام
سيد مدكور كان رمز العشق
وعيال الحارة الناقصة علام
نقلولنا حكايته بهمة وحزق
القصة بتبدأ كان يا مكان
والداية بتطلب بَكَرة لزق
وبتلزق قلبه فـ طقس ختان
على أمل اللزق يحوشه يحب
وفـ حوش الشقة البت حنان
رزعت زغروطة تهز الأرض
ودعاوي تجيب آخر حلوان
للشيخ مدكور بصلاح النسل

سيد عقبال عندكوا زنّان
أقصد إنشالله أعدائكوا يارب
والحج أبوه مدكور زيّان
رِسماله فـ ورشة وشقة وكلب
وفي يوم ملعون عكشوه أخصام 
قفلوله الورشة بمحضر سَب
كات ورث العيلة سبع أجيال
أبًا عن جدة لجد لأب
وسي سيد كان سايق عوجان
قال ايه بسلامته هيدخل طب
والعصر جابوه الورشة عشان
الضُهر أبوه كان مات مـ الضرب

سيد عقبال عندكوا نجار
كسّيب وإيديه من دودة قز
من كرسي لطاولة لكارّو حمار
لڤيلل في مراسي بضربة حظ
والورشة اتذكرت بالأشعار
عند الكُبارات أرباب العز
وفـ طلعة شغل لمحها غزال 
وبعيد عنكوا من شر المَس
من شر حلاوة صف سنان 
لميّع وبديع محكوم الرص
من يومها بينزف شوق سيّال 
خرّجله طوفان من تحت اللزق

سيّد عقبال عندكوا حبّيب
والحب مرض بيصيب العقل
وفـ سهرة شغل وجو غريب
حرّم زملاته نعيم الجهل
وحلف لَـ يحاسب عالمشاريب
لو بكرة مجاش برقمها الشغل
والصبح فـ أقرب فرع بريد 
سابلها جوابات متروسة بشِعر
عن حب مسبب قطع وريد
قرّبله معاد عذابات القبر
وكلام عن فرصة بعث شهيد
بمراسم سحر الشوف والوصل

سيد عقبال عندكوا سمّيع
وأغاني الكون ضمن فلاشته
وفـ سهرة شغل وجو بديع
كان صوت وسّوف واخد راحته
وخياله فـ صف سنان لمّيع
يعميلك عينك لو شوفته
وينزّه نفسه بين الجرابيع
ويفكر زملاته بوعده
وفـ لحظة جمال الجو يضيع
ويبدّل نغماته بصهده
ويخشوا الأوضة اربع مجاميع
أصغرهم فيه نسر في كتفه

سيد عقبال أعدائكوا خروف
علفوه شلاليت لما اتربى
أخدوه على نقطة شرطة فـ حوف
كات نومته وصحيانه بعلقة
ويومين واترحل عالمكشوف
وجابوله شهود قتل وطلقة
إذ بعد الطعن وبعض الخوف
خد دستة سجن مع الرأفة
أتاريها مدامة لِوا معروف
ماسك مديرية في الضبعة
يا سلامة العين يا ندامة الشوف
من رمش عيون وِسع البقرة

سيد عقبال عندكوا مش سهل
وشهور السجن سنين عـ الجحش
وفـ ظرف ما فتحوا زيارة الأهل
كان عاشله بواقي غرام متعاشش
وكتب جوابين عـ الشوق والغل
ومضاها بإسم وريث العرش
وفـ ظرف ورق مختوم مـ السجن
وصَّل جواباته اليوزباش سحس
واترد جواب من ست الحسن 
في مفاده طلاقها وهجر العِش
وكلام يطرَبله الطير عالغصن
بيأجل موعد حشو النعش

بس المعتاد تعاريج الدرب
لحظة ما سي سيد يبدأ عَس
زي الجوابات ما هي رمز الغُرب 
سيد مدكور كان رمز النحس

٢٠ يوليو | عين شمس
إهداء لأحمد فؤاد نجم

قصة سيد مدكور - الجزء الأول

يايا بنت يالي بتغزلي- منير

كلمات وألحان: فؤاد عبدالمجيد

أوركسترا: مصطفى ناجي

الأبيات

حيرني الهوى 
أرهقني الجوى 
وثقيلٌ خطوهُ ليلُ النوى 
ليت من أهوى صفا 
ثم بادلني الوفا 
وتدارك مهجتي 
من فؤاد ما غفا

Foad Abdel Megeed - Hayarany El Hawa - فؤاد عبد المجيد- حيرني الهوى

Naseer Shamma - Egyptian Heritage

علي الحجار
ألبوم : أحب أعيش
1979

علي الحجار - أحب أعيش

ناي البرغوثي - ماريا - حفلة مسرح الجنينة - تسجيلات التحفجية

عطشان والميه في يدك.. اسقني من بحر جدك

لسه الأغاني ممكنة.. ممكنة

قصة سيد مدكور - الجزء الأول

Shoukey