under Zero

3eshna w shofna

Mshakel Yawmya

Me7taga Baladna

Este2ta3 2013

مهرجان شعبي ولكن 2013

Ard El Fetna 2013

Under Zero - Sebony Fe 7aly - 2014

UnderZero - E7na Kda - 2014.MP3

Mixing & Mastring By : Mox Rec https://www.facebook.com/sayed.mox?fref=ts

Under Zero - Walls - حيطان 2014 (Prod By Rammah)

Title: Shoubra (شبرا)
Artists: Under-Zero ft. Mazagangy and Mohab-Z
Produced by: JBeats Productions
Mixed and Mastered by: O.T.O Strange @House of Hestia (Oklahoma, United States)

Lyrics:

Verse 1: (K3)
سمعوا اللى ماشى فى السوق قالوا خلاص الراب لأ
فلما سمعت اتأكدت و قلت عندهم حق
فى ناس بتنشر جهل فى ناس بتسب الأهل
فخدت مبدأ انى افيد زى خلية النحل
بنحارب و الميديا رافضة تسيب الفكرة الهابطة
فنمشى بمدأ الاتحاد صعب تقطم رابطة
بيلموا الروبابيكيا قصدى الروباميديا
بيخدوا عينك بالفلوس فتدفع راسك فدية
فاتغدى بيهم قبل ما يتعشوا بيك
اخطف عقولهم بالمزيكا اللى ترضيك
سيبك من اللى بيعطلك و يلهيك
خلى الرسالة اللى بتعملها اللى تعليك
محدش هينتجلك دول بس بيجيبوا رجلك
اعمل بيتك دوم و تك و بدلة رأس هتسلك
دول بينا بيستخفوا بيموتوا فى اللى يسفوا
فنى من ابداعى فمفيش داعى انك تشفه

Verse 2: (Mazagangy)
من قلب شبرا البلد مصنع الرجال
الكلمة تطلع هنا و بعدين برا تتقال
حد عنده اعتراض على صوتك يا خال
عايز يمين امين عايز شمال شغال
ابو وش مكشوف ايوة انا بجح
طبيعى ولا بسكر ولا بصطبح
اوه لا لا شكلك ديلر ياه
مزاجنجى اه بس ماليش فى الكيمي كيمي كا
اصل الدماغ من المزيكا مش بتكتفى
هتفضل فيا و عمرها ما فى يوم هتختفى
اكتم هتشتم هنشتم
معادلة مزاج تقسم البيت عالساوند سيستيم
ما كله بيروح جيم و بيقول منطقتى
ايه الحلاوة دى ايه الطعامة دى
العب بعيد ولا اقولك خد لون دى
ماشى و سايب عليها بصمتى

Verse 3: (Mohab-Z)
بنخترعها مزيكا بالمجان مش بنبيعها
بنقول حاجات بتحصل مش قصص بنصتنعها
عمرنا ما قلنا اى كلام مالوش اساس من الصحة
جرب اسمع دقق ركز فى الحروف راجعها
لسان الشارع انسان بيعبر بالمكتوب
اوقات صراحته تجرح و تعور زى الطوب
و عالمكشوف هتشوف لونى واضح مش ممسوح
عشان بوضح معنى حقيقى واثق تعبى مش هيروح
فبالنسبالى الراب مش فن عادى لأ خيالى
عرضت بيه مشاكل عن امثالك و امثالى
بنرتب الكلام على الالحان ده شغل عالى
و بنختلف عن غيرنا فى اسلوبنا المثالى
بلاغيكوا انا فنى بيتقدر من غيركوا او بيكوا
بنقدم رسالة مش ميديا بتعميكوا
فلو مش عجباكوا اعتبروها مش ليكوا
هقفل ودانى و هعمل ناسيكوا

Verse 4: (Flipeno)
اهلا بيكوا فى الحرب الكامله الكلمات فيها من تحت الأرض
من جوه جوانب الميديا الفاشلة اسمى فلبينو ممنوع مالعرض
وانا اللى اخترتك تلعب كده ببساطة تخسر 
أكيد حذرتك مع أندر زيرو متفكرش 
فاعتبروا صوتنا فى التراك ده مجرد وسيلة مساعدة 
خلت كل أطراف الميديا تلتفت للفن بتاعنا
فأنا من بين مليون أسلوب اخترت أسلوب فى لمجتمع مطلوب 
خدت أن الراب له أصول فاتبنى فى السما للهيب هوب دور 
أسرع أسرع نفسك يقطع شبح البيت من جواك يطلع 
فأنا من أندر زيرو بتجمع أساليب عملت للراب مصنع
فاجمع فشلك ويا الجهل يطلع فنك نفس الشكل
نبرة صوته بتأدى لموته فبيفقد تأثيره على العقل
داحنا فى زمن اللى بيقلع يركب موجه للمنتج موضته بتكسب 
فاكر أنكل  كلماته راح تغلب على مبتدئ فلمبدء يهرب
فأنا لو أقدم اللى غيرى فيه أفضل غير فكرك و أعكس
سيره بمزيكه بناثر فلفوق نفضل نحفر بصمة أندر زيرو

Verse 5: (Adry)
ادري نموذج صلب عقله اتخطي جهلكم 
بعمل مزيكا نضيفة لنفسي مش لكم
لو الاسفاف ده مبدأ ثابت عندكم 
ففنكم لا يعني غير امثالكم 
فاتجمعنا كلنا ضهرنا ف ضهر بعضنا 
من غير اي اسئلة احنا ابتدينا من هنا 
شبرا الحرة ومش جايين من برة  وبنقدملكوا فن راقي
خارج نطاقي تأمل افاقي والباقي اتي 
كلامي دا ليكوا لأن مجالي اهم
فأولي اقدم الواقع لو كان مليان بالهم 
فسبني احافظ عالهيب هوب لاحسن يتنسي 
فواجه الواقع منه بلاش تجري 
تحت الارض مزيكا بتحكي 
عن واقع فوق الارض مش للبيع 
اندر زيرو مزيكا بتحمي 
ثقافة مجتمع عن طريق ادري

Shoubra (شبرا) - UnderZero ft . Mohab Z & Mazagangy - Prod By J-Beats

www.facebook.com/underzeromusic
prod by : j.beats


ADRE UnderZero - 2014 - مصر تحت الارض

UnderZero - Fata7o el setara / فتحوا الستارة 2014

UnderZero- El 7elwa Blady- الحلوة بلادي

RC Hip - Hop Records
Under zero music 
title : I need some sleep 
rap/lyrics :k3 Underzero 
beat : free sample 
lyrics
chorus 
i need some sleep 
i can't go on like this 
i try counting sheep  
but there's one always miss
______________________________________________________
v1 
 نام من غير ما تفكر لسة بدري جدا
انت سهرت كتير والديك قرب يدن
قصة قبل النوم ؟ حاضر هحكيهالك 
بس اوعدني الاول تحفظها طول حياتك
قصة قبل النوم  قصة شعب من غير فكرة
قصة بلد خلت شب اكبر حلمو هجرة
شعب قلبو ليكرا بكلمة يحب ويكره
من حبو للتاريخ حتي الان عاشين عالذكري
 هنا في ناس متسلطنا في بلدنا ناس متسرطنة 
هنا الشعب مؤمن جدا بس يحب المسخرة
هنا الناس بتحب بعض وكل يوم في مجزرة
هنا في طفل زيو زيك بس اتربي في مقبرة
انا بتمني لما تكبر تقعد  فيها تبني 
مش هقولك بيعها مش هقولك سيبها واجري
متفرقش بين الناس ومتحكمش بدين ولون 
واعرف ان العدل اساس اي ملك فكل الكون 
______________________________________________________chorus 
i need some sleep 
i can't go on like this 
i try counting sheep  
but there's one always miss
______________________________________________________
v2
عادي انك تستغرب ممكن تقول مجنون
إزاي بحكي قصة زي دي لطفل قبل النوم
علشان اصفي حد ممكن تحكي له ممكن يسمعلك
مش هيقسم دوري ودورو مين النعجة ومين التعلب
ممكن مش هيفهم حاجة بس هترسخ فيه الفكرة
تثبت صورة جوا ماضيه يسعي انو يغيرها بكره
عندو لسه الحب طازه عندو لسه صافية النيه
عندو حاجة قربت تنقرض زي الانسانية
عندو فترة الخير يلعب يبني مكعبات 
مش هيهد للغير مش هيشمت في الي مات 
عندو حاجة ندرة جدا مبقتش في البني ادمين
مش هيحب حد علشان بيأيد ويعارض مين
 لسه الصورة الي في دماغو صورة صح نقيه
لسا فاهم نوعنا واحد من غير عنصرية
اخر كلمة للكبار نصيحة مني وهي
حاولوا تعكسو الادوار هتشوفو التربيه
______________________________________________________chorus 
i need some sleep 
i can't go on like this 
i try counting sheep  
but there's one always miss
______________________________________________________

K3 UnDeR-ZeRo Band - I need some sleep

بفرح ساعة - Under Zero music (k3)
guitar : Mohamed khaled 
lyrics :
بفرح ساعة بحزن ساعة
بفرح ساعة بحزن ساعة
بين الساعة والساعة في ساعة 
حط سجايروا والولاعة
 علق حلمو علي الشماعة
يسمع برضوا منير في اذاعة 
و برضو الساعة هي الساعة
انا زهقان مخنوق يا جماعة
 فلقوني قوم ذاكر ساعة
حاضر ماشي هذاكر ساعة
بس النور راح قاطع 6 سعات


بفرح ساعة - Under Zero music (k3)

ADRE UnderZero - الامر نسبي (Skit)

هنبدأ من جديد نمشي تاتا عالبيت
مش عاوز اعيد
i don`t like to repeat 
القصة .. هي مخلصتش لسه
مين اللي كان فيكوا بيقول مش هنسى
اديكوا نسيتوا والايام بتقسى
سبنا ليكو كله ومتير يأسنا
وقعنا ووقفنا وسبنا في المحنه
هوية كل واحد فينا والاعلام ركبنا
فبقيت مش واثق فيه ولا واثق فيك ولا واثق فيا
كل واحد فينا هيجيله يوم ويحدد الاولوية
مسؤولية
بيتي اهلي وانسى اسمي
ويفضل ادري جوة الراب حابسني
جايبه همها لكني مش هاممني
خليني تحت الارض ياعم سيبني
__ 
الموضوع بس عن الاستفاده
لو هتستفيد من الموضوع كمل فيه علطول
لو مش هتستفيد حاول تسمتع بيه على قد ماتقدر
علشان هيبقى وقته قصير في حياتك
ـــ
فهمتوا ولا مفهمتوش , فترة وهتعدي متقلقوش
متحددوش تفكيركوا ناحية موضوع مش مضمون
اصل الامر نسبي تديها تدي
هتبعد تبعد عنك وتجري
هتطير بيها فوق في السما وفلحظة هتسيبها وتمشي




ADRE UnderZero - الامر نسبي (Skit)

Follow Us >> 
UnderZeroMusic Fanpage: www,facebook.com/UnderZeroMusic

F.killa FanPage : www.facebook.com/Fkillamusic



UnderZero Feat. F Killa - Ya 5al2 Fo2o / يا خلق فوقوا

UnderZero ft F.Killa - Ali Loka - Mohab Z (Msh Fare2)

Vs .1 - MaGicRap
https://www.facebook.com/MaGicRap.AMS

معلشي استحمليني هحكي شويه فـ مشاكلك 
هـ اعد افتحلك في الجروح اللي بتندهلك 
عماله بتهربي منها بس هي زي ضلك 
اللي مهما كان الضوء ضعيف هتلاقي جزء منها 
ناسك بتبعد عنك ومحدش يسمعلك
بتزيد جواكي مشاكلك حتي الاهل بيبعدو عنك 
عمرك ما لقيتي حد من اهلك صديقك 
بتحسي كتير انك غريبه حتي جوة بيتك
كلامهم ليكي بيكون امر مش بيكون مناقشه
ولو حاولتي تعارضي اي فكره تبقي سافله
الفكر غير فكرهم .. العقل غير عقلهم
مشاكلك غير مشاكلهم ..حتي حلمك مش حلمهم 
حبيبك بـ النسبالهم .. شخص غير مناسب 
الشخص اللي هيعجبهم .. هما اللي هيختاروه اساسآ 
ربوكو فـ زمن وبيعاقبوكو في زمن تاني
مبقاش معروف في زمنا مين فينا اللي بيبقي الجاني

------------
Cor - Safri EL Masry

بتفرض رائي .. زمانك انت غير زماني 
اهلي ولازم امر .. بيقضو فيها علي كياني 
--------------
Vs.2 Flpino
https://www.facebook.com/FlipenO

حاسه .. انك خلاص مليتي الحابسه 
زهقتي من ابواب مقفوله شايفه الدنيا معاكسه
بس انتي بعنيكي مش شايفه اللي اتداري مـ الدنيا بقيتي مخدوعه في الزمن
ايه العمل  لقيتي الاجابه في الوحده واليأس لقيتي اللي يموت الامل والتمن 
ان انتي ضعتي توهتي  وانتي وسط طوق نجاه 
ولو حياه اهلك مش شبهك اختاري بـ ايدك حياه 
اصلك ورده فـ ايدهم دبلت راحت الونها من قبل القطف
سبت انا كل الورد الباقي واختارتك من وسط الصف
شايف نظره من الامل مابتتقدرش بمال 
بس كل ايدين حواليكي بتبعد عنك والاهمال 
سبتلهم نفسك منا كده حسك بقيتي مربوطه بـ خيوط 
من اهلك مين مش فاهمك ايوه انا فاهمك
 بقيتي مسجونه في الدنيا لوحدك
قوليلي ازاي تحلمي ازاي تحبي وتتعلمي 
او تفكري في مستقبل راسمنهولك طب افهمي
الدنيا بتاعتك مش بتاعتهم  انتي اللي بترسمي 
الوانك غير الوانهم وعلي اللوحه انتي هتحكمي 
---------
Cor 
بتفرض رائي .. زمانك انت غير زماني 
اهلي ولازم امر .. بيقضو فيها علي كياني 
--------------
Vs.3 Safari ELmasry
https://www.facebook.com/safari.AL.masry

لما تفارقي اهلك بيوحشوكي اكيد 
ولما يكونو معاكي بالتدريج مشاكلك تزيد
انتي عقبه ولا ضحيه انتي ضعيفه ولا قويه 
لا انتي اللي فـ مجتمع وصلك صوره مش حقيقيه
اعمل خط وانزل سطر  الاب اتجوز لحق القطر
بيفرض رائيو من بعيد  عملك وش من غير ضهر 
وانتي عامله مصدقاه وعارفه انك مش فارقه معاه
مخفش فـ يوم علي زعلك انتي خاف خاف تزعل هي 
كفايه اكتب في الورقه دي امك فين في القصه دي
كاره ابوكي وهو ابوكي بس معاه في النقطه دي
وانتي بركانك بيكبر والامل جواكي بيصغر 
فكرك راح للمستحيل في الوقت الحالي هو الافضل 
المصلحه اولآ يخفولك الزمن دوقي الالم 
مهما ادوكي فلوس كتير ببساطه انتي اللي دفعتي التمن
تبكي واحلامك تتقل تسكتي وتقولي ايه العمل 
فرضو الرأي عليكي بدون اسباب فـ القصه تتقفل
--------
بتفرض رائي .. زمانك انت غير زماني 
اهلي ولازم امر .. بيقضو فيها علي كياني 

Safari Elmasry -  ‏‎Flipeno Underzero - MagicRap - أصلك بنت

Official Music Video : https://www.youtube.com/watch?v=bLGqkVXQA8o
Facebook : www.facebook.com/UnderZeroMusic
Youtube : www.youtube.com/adrenalinekhaled



under Zero

user216110949