Hér er dottinn inn sérstakur upphitunarþáttur fyrir stórleikinn í Evrópudeildinni í handknattleik annað kvöld þegar Valsmenn mæta franska liðinu Pauc. Af þessu tilefni var farið á sérstakan Evrópurúnt í hlaðvarpinu Vængjum þöndum. Við byrjuðum í Skipholtinu hjá Sigfúsi Sigurðssyni en hann afgreiddi af miklum móð fiskibollur í tilefni dagsins. Fúsi hefur að sjálfsögðu ekki látið sig vanta á leikina í vetur og hann ræddi við okkur um hans tilfinningu fyrir liðinu og leiknum á morgun. Þaðan var brunað á Hlíðarenda þar sem æfing liðsins var að klárast og verið að stilla upp í blaðamannafund fyrir leik morgundagsins. Það var margt góðra manna á svæðinu. Gaupi kom í stutt spjall sem lofaði að hann myndi gefa allt í þetta í stúkunni annað kvöld og í lokin náðum við í skottið á Degi Sigurðssyni, fórum yfir m.a. yfir Evrópuleikina í vetur, umgjörðina, möguleikana á morgun og hvernig keppnin getur lyft íslenskum handbolta. Nú er að hafa hraðar hendur að tryggja sér miða enda stefnir í hörku mætingu enda fátt skemmtilegra en Evrópukvöld á Hlíðarenda.

SE5 - EP03 - Hitað upp fyrir leikinn gegn PAUC - Fúsi, Gaupi og Dagur Sig

Allt um það sem er í gangi að Hlíðarenda.  Valsara alert!

SE5 - EP03 - Hitað upp fyrir leikinn gegn PAUC - Fúsi, Gaupi og Dagur Sig

Knattspyrnufélagið Valur - Podcast