مشهد من مسلسل موجة حارة - السفينة بتغرق

زكى بك الدسوقى: مره سألتينى وقولتيلى انت ليه ماقعدتش فى باريس .. قلتلك نصيب .. لكن الحقيقه كانت غير كده خالص ..
البلد دى كانت أحسن من باريس !
كانت الموضه تنزل هنا قبل ما تنزل باريس !
والشوارع كانت نضيفه زى الفل .. بتتغسل كل يوم !
والمحلات كانت فخمه !
والنـــاس كانــوا مؤدبيــــن !

بثينه: زكى باشا .. نكمل كلامنا لما نطلع فوق الناس بتبص علينا !

زكى بك الدسوقى: يبصوا علينا ليه ؟! .. يبصوا ع البلد اللى باظت .. يبصوا ع العمارات اللى كانت أحسن من عمارات اوروبا .. دلوقتى بقت مزابل من فوق .. ومن تحت مسخ !
احنــــا فـــى زمـــــن المســــــخ !
أنا أقدم واحد فى العماره دى .. أقدم واحد .. أحلى أيام عمرى عشتها فيها .. وأحلى ناس عاشوا معايا فيها .. من أول الأميرات .. لغايتك انتى يا أميرتى !

احنا فى زمن المسخ_مشهد من فيلم عمارة يعقوبيان

مشهد من فيلم المصير

-	 هواا حضرتك بقالك كام سنه باقرا الكلام ده ؟ 

-	و الله سنين كتير يابني . قريت و انا تلميذ و قريت و انا موظف و قريت و انا عازب و قريت و انا متجوز و عندي عيال و قريت و 
انا بكامل صحتي و ثريت و انا بعيد عنك و عن السامعين عندي المراره .. كله كلام يبني كلااااااام

-	الله ! اومال بتشتري الجرنال ليه طيب ؟

-	مرض و العيازو بالله 

-	طب مفيش حاجه هترخص ؟

-	حجات كتيره هترخص و تبقي بسعر التراب ...أنا و أنت و الاستاذ و حضراتكم اجمعين .. وسع يا سيدي .. و وسع يا اخويا  .. وسع 
يا سيدي .. عن أذنك يا مدام .. يا مدام مايقفوش بالعرض كده في الاتوبيس خصوصا الستات .. الوقوف يا مدام لازم يبقي بالورب 

-	ههههههاااهاهاهاها

-	يا سلام .. عجيبتكوا الهيافه اوي .. اااه  و لو في حاجه جد يبقي بوزكو شبرين . جتكوا البلا فيكو و في أيامكم .. وسع يا سيدي . وسعوا يا بتوع معلش .. يا بتوع مسيرها تفرج .. وسع يا سيدي . وسعوا .. دي أزايز الكزوزه أرحم مترصصه في صناديقها و مستريجه عنكو . ولو حد ضغط عليها تفرقع 

-	أصلها متعبيه جاز 

-	ياسلام .. أومال انتو متعبين أيه .. لبن رايب لو أترج يبقي جبنه قريش .. يا جبنا . يالي صوتكو ميعلاش ألا في الفارغه . خليكو في الي انتو فيه . ربو العيال  . و روقو نفسكوا ليله الخميس .. و يوم الجمعه أتوضو و روحو صلو .. و كفايه عليكو الدعا ورا الأمام .. جتكم ستين نيله .


عادل أمام و صوت مصر - حجات كتيره هترخص و تبقي بسعر التراب - فيلم الأرهاب و الكباب

اصل افرض ما سمعتش كلام الحكومه ها يحصل ايه .. ولا حاجه ها شرب من البحر 

 أنا مش طالب غير انسانيتى , مش عايز اتهان مش عايز اتهان فى البيت ولا فى شغلى ولا الشارع و متهيألى دى مطالب مش ممكن اتعاقب عليها ولا اتوبخ ولا ادان !!!

عادل امام من فيلم الارهاب و الكباب - أنا مش طالب غير انسانيتى

يوسف المنسي درويش - من فيلم المنسي 1993

ليست السعادة كائناً مادياً....ليست لذةً حيوانيه....ليست شهوةً بهيميه....
ليست السعاده في  جمال النساء....ولا الملابس البراقه....

أي والله ده كلام حلو 

إوصفلهم طريق السعاده - نجيب الريحاني

صباح  الخير يا عم مجاهد , ايه ؟ انت لسه برضه زعلان منى ؟ يا عم مجاهد انت ظالمنى , و رحمه ابويا انت ظالمنى , انت عارف المعلم عطيه كان بيدفع ايجار للقهوه كام كل شهر ؟ خمسه جنيه و ستين قرش وايجار الشقه كان بيروح للميه , والمرتب عملت توكيل لأمى تقبضه كل أول شهر عشان مصروف البيت بتكلمنى عن اايه ؟ عن الحشيش ؟ الحشيش ده هو الذنب الوحيد اللى فى حياتى بعد ما ماتت ام يوسف , مكانش عندى حتى بنى ادم اكلمه انا بكلم الناس حوالين الجوزه , بفضفض بضحك و اغنى فى قعده حلوه لغايه ما اموت بيت ايه اللى انت بنيته مع ابويا طوبه طوبه ؟ كنت فين انت ياعم مجاهدد ؟ قدرت تعمل ايه ؟ لما مرات ابويا خدت الشقه و ادتها لولادها ؟ ها ؟ عملت ايه ؟ الحكايه مش حكايه البيت ياعم مجاهد , المشكله مشكله الناس اللى عايشه و لازم تعيش متظلمنيش يا عم مجاهد , لا مؤاخذه يعنى مغرفه الفول اللى كانت بمليم , بقت بنص ريال , سلام عليكم سامحنى يا عم مجاهد .

يا عم مجاهد انت ظالمنى , و رحمه ابويا انت ظالمنى

مين دي يا فندم ؟
دي زهره فؤاد أول حب واحلى حب في حياتي ,,اتقبض عليها واحنا طلبة وانا كنت كاتب فيها تقرير 
بحبها وبموت فيها وكتبت عنها تقرير دخلت بسببة المعتقل 6 شهور ,طلعت من السجن  اتجوزتها والمباحث فرحت اوي بالجوازة دي
اي نشاط لزهره او اي نشاط للي تعرفهم مسجل ومرصود 
لحد ما ظبتطني وانا بكتب تقرير ..من غير ما تنطق خدت الشنطة وخرجت من الباب ,, طلقتها علشان الفضايح
عمرك شوفت واحد بيكتب تقرير عن مراتة !؟
ممممم ماهو دول يا فندم اهل الثقة
السؤال: عمرك شوفت سفالة اكتر من كده ؟
.
.
بصراحة لا يا فندم
ايوة دي الاجابة الصح


عمرك شوفت سفالة اكتر من كده-احمد زكي

الحريف - عادل امام

ماعرفتش أكتب أي حاجة امبارح عن العظيم وحيد حامد، كل اللي خطر على بالي ماما وأنا صغيرة، وبترشحلي أفلامه أتفرج عليها وبتقوللي اتفرجي على السينما اللي بجد وحلاوتها. رشحلتي "طيور الظلام"، "أنا وأنت وساعات السفر"، "الغول"، "ملف في الآداب".. وغيرهم
كانت تتابع معايا أنا اتفرجت ولا لأ؟ وتناقشني بعد كل فيلم. 
كبرت وأنا بتفرج على الأفلام دي، وحبيتها وحبيت وحيد حامد وحبيت السينما اللي قدمهالنا بكل إخلاص وحُب
ماقدرتش أكتب حاجة توفيه حقه ولا توصف مدى حزني إننا فقدناه، فجمعت أكتر مشاهد أثرت فيا وده جزء من أعماله اللي بحبها
ألف رحمة ونور يا عظيم

الحريف - عادل امام

wadaa zico

Recent comments

اكسيل

Rahma Zein

3mmarmagdi

mahmoud abdelrady

Related tracks