لماذا أحب وجيه عزيز؟! ❤️❤️

شويه كلام

New private playlist

وجيه عزيز

احمد زكي .. الامبراطور .. النمر الأسود :: حسن اللول :: حسن هدهد :: عبدالسميع البواب:: انا لا اكذب ولكني اتجمل :: هيستيريا ::: استاكوزا ::::ضد الحكومة

سلطنة ّ احمد زكي

الحان وجيه عزيز - كلمات محمد ناصر - توزيع احمد الناصر


سيمون - ماشية فى حالى - الحان وجيه عزيز

وانا مروح
كلمات : محمد السيد
ألحان و أداء : مصطفى رزق

وانا مروح
ساعات بمشيها مش بركب
ومشواري طويل حبة لكن مبسوط ومش بتعب
بلاقي حاجة في الزحمة
وفي الفرجة علي الدنيا في عيون الناس
ومين زعلان ومين سرحان ومين ماشي كده وخلاص
واروح اشرب عصير مع ناس
مفيش بيننا ولا حاجة
وناس تسألني محتاجة
وناس ملمومة بتزعق
ثواني و متلاقيش حاجة
وحد يقوللي ولعلي
وحد يشوفني يضحكلي
وحد يقوللي وسعللي
وانا معملتوش حاجة
لكن ماشي
وانا ماشي
بحس بإني صوت آلة في غنوة الدوشة تعزفها
بكون كومبارس بيعدي في قصة ماشية علي كيفها
يجوز من غيري مش فارقة
لكن فارقة معايا بجد
وكل ما احس بالوحدة
وان في دنيتي ولاحد
أروح مشي
مش بركب
ومش بتعب

و انا مروح - مصطفى رزق

وفي وسط الطريق ووقفنا وسلمنا وودعنا يا قلبي

ورجعنا في طريق وحدينا ودموعنا في عينينا يا قلبي

ودعنا الحبايب وفرقنا الحبايب ودعنا الحبايب وفرقنا الحبايب

ووصلنا النهاية اه من قبل النهاية

ياعيني يا عيني علينا يا قلبي

غالي غالي غالي والجرح من الغالي

دي جراح العمر لا الصبر ينفع فيه

ولا الزمن يدويه ولا الليالي

غالي غالي غالي .... وحبي للغالي ندوق المر , من غير ما نسأل ليه .. ولا عملنا ايه .. حكم الليالي
ورجعنا الطريق لوحدينا من غير كلمة وداع

كل واحد فينا حس اني املو الحلو ضاع

ودعنا الحبايب وفرقنا الحبايب

ووصلنا النهاية اه من قبل النهاية

يا عيني يا عيني علينا يا قلبي

لحظة.. دقيقة.. تانية.. تواني

كلمة ..طب كلمة

اسمعها علشاني

لحظة واحدة كان يجرى ايه

دقيقة واحدة كان يجرى ايه

تانية واحدة كان يجرى ايه

لو الزمن وفر فرقنا دقيقة واحدة كان يجرى ايه

لو القدر كتب نهاية حب حلوة كان يجرى ايه

كان يجرى ويجرى ويجرى كان يجرى حاجات كتيرة

كان يجرى ويجرى كان قلبي ارتاح من الحيرة

ودعنا الحبايب وفرقنا الحبايب

ووصلنا النهاية من قبل النهاية اه يا عيني

يا عيني علينا يا قلبي

    كلمات : محمد حمزه
    لحن : بليغ حمدى
    غنا : نجاة الصغيره

فى وسط الطريق نجاه الصغيره

ايوا بشتاقلك ساعات … ايوا بحتاجلك ساعات
ببقى عايزاك ليا وحدى مانت اجمل حكايه عندى
انما لو تنسى قلبى … هنسى قلبك واللى فات
وبشتاقلك ساعات
بعيش
من غير احب اعيش لو ليا حظ او ماليش
مادام راضيه بهواك مايهمنيش … .
ايوا عايزاك ليا وحدى مانت اجمل حكايه عندى
انما لو تنسى قلبى … هنسى قلبك واللى فات
وبشتاقلك ساعات
فين الحب مش ازاى وفين
الحب عندى كلمتين
انسان حنون حب بجنون ووردتين
ايوا بشتاقلك ساعات
ايوا بحتاجلك ساعات

بشتاقلك ساعات _سميرة سعيد

الحكاية هنا عن رجل، يذهب إلى الصلاة، فيرى درويشا يجلس بالقرب من المسجد،  ويصيح: قادر هو الله على أن يضع الدنيا كلها في "قشرة بندقة".
الرجل يعتبر كلام الدرويش من تخاريف المجذوبين، فينهره، ثم تدخله يد الله في التجربة، ينهض للوضوء، فيجد نفسه قد تحول إلى امرأة على شاطئ نهر، يعثر عليها رجل، يصطحبها لبيته، تموت امرأته، فيتزوج صاحبنا في صورته النسائية، وبعد أن تنجب منه ولدين وبنتا، تخرج للاستحمام في النهر، فتجد نفسها وقد عادت سيرتها الأولى: رجلا يتوضأ استعدادا للصلاة.
عقب الصلاة، يخرج من المسجد ليجد الدرويش ما زال يصيح بأن الله قادر على أن يضع الدنيا كلها في قشرة بندقة، فيقول: "نعم، آمنت". ينظر له الدرويش نظرة أسى ويقول له: وهل آمنت، إلا بعد أن رزقت بولدين وبنت؟

حكاية عارفة عبد الرسول .. من كتاب حكايات الدقهلية

حكي سيد رجب في  اسعد الله مساءكم | قشرة بندقة


وجيه عزيز ملحن ومغن مصري، امتدت مسيرته الاحترافية لسنين عديدة كانت باكورتها مسرحية من أشعار فؤاد حداد في إحدى مسارح الدولة سنة 1988. تأثر وجيه في تطوره الفني بنموذجين رئيسيين؛ سيد درويش و الرحبانية. أثر سيد درويش في موسيقى وجيه بجعل منبعها الأول انفعالات وهموم أهل البلد بفئاتهم المختلفة. أما الرحبانية فقد ظلوا في نظر وجيه أصحاب أرقى الكلمات والألحان بين المشاريع الموسيقية العربية.


تتكئ ألحان وجيه دائما على الكلمة، وهو ذو مزاج خاص فيما يتعلق بما يغنيه من أشعار، مفضلا أولئك الذين أسسوا قواميسهم وتيماتهم على حياة وثقافة الشعب المصري بمختلف فئاته. فنجد أغلب أغانيه من كلمات فؤاد حداد و علي سلامة و أيضا رباعيات صلاح جاهين .

وجية عزيز - ملناش غير بعض

والله وشبت يا عبد الرُّحمان ..

عجّزت يا واد ؟

مُسْرَعْ؟

ميتى وكيف؟

عاد اللي يعجّز في بلاده

غير اللي يعجز ضيف !!

هلكوك النسوان؟

شفتك مرة في التلفزيون

ومرة .. وروني صورتك في الجورنان

قلت : كبر عبد الرحمان!!

أمال انا على كده مت بقى لي ميت حول!!

والله خايفة يا وليدي القعدة لتطول

مات الشيخ محمود

وماتت فاطنة ابْ قنديل

واتباع كرم ابْ غبّان

وانا لسة حية..

وباين حاحيا كمان وكمان

عشت كتير

عشت لحد ماشفتك عجّزت يا عبد الرحمان

وقالولي قال خَلَّفت

وانت عجوز خلَّفت يا اخوي؟

وبنات..!!؟

أمال كنت بتعمل إيه

طيلة العمر اللي فات؟

دلوقت مافقت؟

وجايبهم دِلْوكْ تعمل بيهم إيه؟

على كلٍّ..

أهي ريحة من ريحتك ع الأرض

يونسُّوا بعض

ماشي يا عبد الرحمان

أهو عشنا وطلنا منك بصة وشمة

دلوك بس ما فكرت ف يامنة وقلت: يا عمة؟

حبيبي انت يا عبد الرحمان

والله حبيبي .. وتتحب

على قد ماسارقاك الغربة

لكن ليك قلب

مش زي ولاد الكلب

اللي نسيونا زمان

حلوة مرتك وعويْلاتك

والاّ شبهنا..؟

سميتهم إيه؟

قالولي : آية ونور

ماعارفشي تجيب لك حتة واد؟

والاّ أقولك :

يعني اللي جبناهم..

نفعونا في الدنيا بإيه؟

غيرشي الانسان مغرور !!

ولسه يامنة حاتعيش وحاتلبس

لمّا جايب لي قطيفة وكستور؟

كنت اديتهمني فلوس

اشتري للركبه دهان

آ..با..ي ما مجلّع قوي يا عبد الرحمان..

طب ده انا ليّا ستّ سنين

مزروعة في ظهر الباب

لم طلّوا علينا أحبة ولا أغراب..

خليهم..

ينفعوا

أعملهم أكفان..!!

كرمش وشي

فاكر يامنة وفاكر الوش؟

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي ..؟

حاجي ياعمة وجيت..

لالقيت يامنة ولا البيت

قصيدة العمة يامنة ـ للشاعر عبد الرحمن الابنودي

لما انت ناوي تغيب على طول
مش كنت اخر مره تقول...لما انت ناوي
بالليل اسيب نفسي لهمي ولأفكاري
افضل افكر فيك وانت ما انت داري
القى البعاد طول اولع
وتزيد ناري
لما انت ناوي..

مروان خوري  - لما أنت ناوي  Marwan Khoury - Lama Anta Nawy (Live)

كلمات- على سلامه 
الحان - وجيه عزيز
توزيع _ ايهاب حامد
من البوم - زعلان شوية

وجيه عزيز _ شجر المشمش

كلمات - على سلامه
لحن وغناء - وجيه عزيز

وجيه عزيز - هو الطريق ده رايح جاى

لو تروح - وجيه عزيز

كلمات : صلاح جاهين

وقف الشريط فى وضع ثابت
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باستبسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان 

وَقْف الشِريط فى وضع ثَابت - كلمات صلاح جاهين - ألقاء سعاد حسني

كلمات - على سلامه
الحان - وجيه عزيز

وجيه عزيز - من حقنا نحلم

وجيه عزيز - أنا بيكي

أنت بتوجع قلبي..

كلمات - علي سلامه
لحن وتوزيع - وجيه عزيز

متجرحوش الورد - وجيه عزيز - ريميكس

هو االطرق دا رايح جاى ولا اللى راحوا مش راجعين

لو حد يعرف بس يقول..هو احنا دايما كدا علطول

ولا احنا توهنا و مش عارفين

هو احنا كنا زمان اطفال فينا براءة و فينا حنين

هو احنا رحنا بجد مدارس و خدنا فى العربى و فى الدين

و ساعات تعدى علينا و تفوت و نشوف حاجات جوانا﻿ بتموت

و نكمل اليوم قال يعنى..يعنى اصل اتلخمنا و مش شايفين

هو الطرق دا رايح جاى ولا اللى راحوا مش راجعين


وجيه عزيز- هو الطريق ده رايح جاي

وجيه عزيز موسيقى ومغنى مصرى بدأ مشوراه الفنى عام 1988
من اعمال وجيه عزيز البوم لو بايدى 1990- البوم بالليل 1997 - البوم زعلان شوية 2003 - والبوم ناقص حتة 2007 . لحن وجيه عزيز العديد من العمال للفنان محمد منير منها - الفرح شاطر - عصفور - صغير السن - ممكن - حاضر - لو كان لزاما - ايديا فى جيوبى -من 
اول لمسة - معاكى - تعالالى - قلبك الشاطر

ولحن للفنانة سيمون -مش نظرة وابتسامة - ماشيه فى حالى - اسهر بقى لوحدك

قدم للمسرح العديد من المسرحيات الغنائية : - مسرحية كروان الفن - الفن مملكة - ميت بوتيك اشعار فؤاد حداد - تيجى نبنى بيت - حصان خشب - سوق الحواديت - تاليف محمد ناصر - نظرة - اشعار صلاح جاهين نص الليل وغيرها من المسرحيات 

و فى السينما : اغانى فيلم هيستيريا للفنان احمد ذكى اخراج عادل اديب وفيلم المدينه اخراج يسرى نصرالله .
قدم العديد من الحفلات داخل مصر وخارجها .

الحان وجيه عزيز تزيد عن 400 اغنية وعمل موسيقى
تعامل من خلالها مع العديد من الشعراء منهم :

صلاح جاهين - فؤاد حداد - مجدى نجيب -على سلامه - ابراهيم عبد الفتاح - محمد ناصر - حسن رياض - ناصر محمود - وغيرهم من الساده الشعراء

متجرحوش الورد - وجيه عزيز - ريميكس

Wagih Aziz