بحاول اهرب من الواقع بس انا بالتخت 
متخبي لانو كل مرة بقول هيني ارتحت 
بس اتطلعت، لفوق لقيت حالي لسا تحت 
أنا بس فجاة وقفت nothing can stop me قلت

معرفتش اللي صار معرفتش بايش خبطت 
بس كلشي رجع اسود من قبل رجعت تورطت 
ما كنتش عارف هيك رح يصير مش هيك خططت
 كان المفروض اضل مكمل فوق بس شكلي هبطت

شايف الحال تعبان فش ولا حدا هون بيقدر يكمل 
ولا حدا بطل يسال ومفش ولا حدا بالخير متأمل
والواحد راسو منفوخ مدوور بالزور الي عليه متحمل
عبلاطة مش ناقصك تيجي تتهبل عضهر الناس تحمل

وازا بتحاربني انا بصالح 
انا مش شارد انا مش رايح 
برات لبلاد فش نصايح 
بس ولا قلقان بفضايح
غاد تصحاش كل يوم تناطح 
مبتسالش مين حابب تباطح
مش سايقينها علينا فلاطح 
فش مخبى وكلشي الي واضح


اتطلعت عالنجوم بالسما الدب الاكبر اكل الاصغر
مش قصة قوي وضعيف بس قصة مين الواحد الاخبر
بكرا بتصحى لحالك واقف كل حدا وضعو تدبر
وانت بتشكي بحالك ليش عقلك من القعدة تغبر


بحاول اهرب من الواقع بس انا بالتخت 
متخبي لانو كل مرة بقول هيني ارتحت 
بس اتطلعت، لفوق لقيت حالي لسا تحت 
أنا بس فجاة وقفت nothing can stop me قلت


انا مش متشائم لا بس كلشي بشوفو عمال يتدهور
من تسعين سنة على نفس الحالة ومفش ولا اشي بتغير
الولد استشهد ولا هم حدا بس كلو قاعد يتصور
والقدس انباعت واحنا منسال بس على شان نتنور

مش قصدي انا عامل اشي بس انا مش سايق فيها مناضل
بالتلفون حنضلة برا ولاد العم بالحب عببادل
بس مع مين بحكي محدا سامع عالفاضي قاعد وبجادل
سيب الوضع بحالو انساك اتلفش فش اشي عادل

الشب متدمر حاط ديكئون
وضعك متزعزع كاره الكون
مش رح يتجوز فش ماذون
بدهم سيارة بياخدو ديون
معوش الحساب بيجلي صحون
مهو كلو عامل فيها فرعون
مش شايفين حدا ولا حد بيمون
ديسيب البلا طاير من هون 

بحاول اهرب من الواقع بس انا بالتخت 
متخبي لانو كل مرة بقول هيني ارتحت 
بس اتطلعت، لفوق لقيت حالي لسا تحت 
أنا بس فجاة وقفت nothing can stop me قلت

Wajeeh - I Try To Escape | وجيه - بحاول أهرب

Wajeeh | وَجيه